274/1996 FORU DEKRETUA, uztailaren 15ekoa, Nafarroako Foru Komunitatearen esparruan Kontsumoko Ekipo Elektronikoetako teknikariaren tituluari dagokion erdi mailako heziketa zikloaren curriculuma ezartzen duena.
| Sección | I. Nafarroako Foru Komunitatea |
Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoak laugarren artikuluan ezarri zuen Gobernuari dagokiola Estatu osoko gutxieneko ikasketak zehaztea, eta hezkuntza administrazioen eskumena dela beren menpeko lurraldeko curriculuma ezartzea. Halaber, 35. artikuluak zehaztu zuen Gobernuak ezarriko zituela lanbide heziketako ikasketetako tituluak, komunitate autonomoekin hitz egin ondoren.
Maiatzaren 7ko 676/1993 Errege Dekretuaren bitartez (1993-5-22ko "E.A.O."), Nafarroako Gobernuari dagokio eskudun den lurraldean curriculuma ezartzea, lanbide heziketako tituluei eta haiei dagozkien gutxieneko ikasketei buruzko jarraibide orokorrak ezarri ondoren, eta Kontsumoko Ekipo Elektronikoetako teknikariaren titulua eta hari dagozkion gutxieneko ikasketak ezarri zituen apirilaren 21eko 624/1995 Errege Dekretua argitaratu ondoren (1995-8-18ko "E.A.O."), eta kontuan hartuta bai Nafarroako Foru Eraentza Berrezarri eta Hobetzeari buruzko Lege Organikoak 47. artikuluan bai eta irakaskuntza ez-unibertsitarioen gaietan Estatuko Administrazioaren eginkizun eta zerbitzuak Nafarroako Foru Komunitatera eskualdatzea onesten duen abuztuaren 31ko 1070/1990 Errege Dekretuak xedatu dutena.
Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoak lanbide heziketaren alorrean berrikuntza sakona egiteari ekin zion, hezkuntza sistemaren eta produkzio sistemaren arteko erlazioak hobetuz eta ikasleek lantokietan presta daitezen bide emanez.
Lanbide heziketaren xedea da ikasleak prestatzea lanbide eremuetan jarduteko, bizitzan zehar gerta dakizkiekeen lan aldaketei egokitzeko behar duten prestakuntza balioanitza emanez. Derrigorrezko Bigarren Hezkuntzako eta Batxilergoko ikasle guztiek jasotzen duten lanbide heziketa ere hartzen du barne, baita erdi eta goi mailako berariazko lanbide heziketa ere.
Berariazko lanbide heziketak antolamendu modularreko heziketa ziklo sail bat biltzen ditu, iraupen desberdinetakoak, berariazko lanbide heziketako arlo desberdinek osatuak. Berariazko lanbide heziketak gazteak lan munduan sartzea errazten du, lagungarria da hiritarren etengabeko prestakuntzarako eta produkzio sistemaren koalifikazio eskakizunari erantzuten dio.
Hezkuntza Sistemaren Antolamendu Orokorrari buruzko Lege Organikoaren 4. artikuluari jarraikiz, curriculuma esaten zaio irakaskuntza arautzen duten hezkuntza sistemaren maila, etapa, ziklo, gradu eta mota bakoitzeko xede, eduki, baliabide pedagogiko eta ebaluazio irizpideen multzoari. Horrexegatik eta kontuan hartuta Nafarroako Foru Komunitatean Lanbide Heziketaren eta Arte Plastikoen eta Diseinuaren ikasketen egitura eta antolamenduari buruzko jarraibideak ezartzen dituen otsailaren 13ko 35/1995 Foru Dekretuak (1995-3-10eko :bon) horri dagokionez ezarri zituenak, Foru Dekretu honetan zehaztu dira gaitasun gisa adierazitako xedeak, modulu bakoitzari dagozkion edukiak eta ebaluazio irizpideak.
Lanbide modulu guztien xedeak, alegia, amaierako gaitasun gisa adierazitakoak eta Foru Dekretu honetan zehaztutakoak, curriculumaren gakoa dira. Ikasleen portaera definitzen dute lanbide gaitasunaren oinarrizko aspektuak lortzeko ezinbestekoak diren emaitza ebaluagarri gisa. Oinarrizko aspektu horiek tituludunaren amankomuneko koalifikazioa segurtatzen dute, horixe baita tituluak Estatu osoko lurraldeetan baliagarria izanen delako eta koalifikazioak Europakoen parekoak direlako bermea.
Curriculumaren edukiak amaierako gaitasunak erdiesteko ezinbestekoak dira eta, jeneralean, disziplinarteko izaera dute, tituluekin lotutako lanbide gaitasunaren jatorritik eratorritakoa. Lan munduan gaitasun unitate bakoitzak dituen balioak eta esanahiak, eta lan teknikoaren balioaniztasun funtzional eta teknologikoak ekarri dute curriculumean jakintza teknologikoaren eremu desberdinekin loturiko edukiak sartzea, lanbide eskakizun bakoitzaren azpian diren produkzio prozedurek bilduak.
Amaierako gaitasun bakoitzari dagozkion ebaluazio irizpideek bidea ematen dute amaierako gaitasun hori noraino lortu den egiaztatzeko, eta ebaluazio prozesuaren berariazko jarduerak zehazteko gida eta euskarria dira.
Aipatu heziketa zikloa irakasteko baimena duten ikastetxeek curriculuma garatuko dute, otsailaren 13ko 35/1995 Foru Dekretuaren V. kapituluak ezarri bezala, heziketa zikloa osatzen duten lanbide moduluetako bakoitzaren curriculum proiektuak eta programazio didaktikoak eginez, eta, ebaluazioari doakionez, kontuan hartuz Nafarroako Foru Komunitatean Berariazko Lanbide Heziketa egiten ari den ikaslearen ebaluazio prozesua eta kreditazio akademikoa arautzen duen Hezkuntza eta Kultura kontseilariaren uztailaren 11ko 426/1995 Foru Aginduak (1995-9-4ko Nafarroako ALDIZKARI OFIZIALa) xedatu zuena.
Kontsumoko Ekipo Elektronikoetako teknikariaren lanbide gaitasunak, gaitasun unitatetan antolatuak, honakoak dira: soinu-ekipo elektronikoak instalatu eta mantentzea; telebista eta bideo ekipo elektronikoak instalatu eta mantentzea; mikroinformatikako ekipo elektronikoak eta telekomunikaziorako terminalak instalatu eta mantentzea; enpresa txiki edo tailer bati dagozkion administrazio, kudeaketa eta merkaturatze lanak egitea.
Kontsumoko Ekipo Elektronikoetako teknikariaren lanbide tituluak prestakuntza beharrei erantzun nahi die zerbitzuen arloan, hain zuzen ere, kontsumoko ekipo elektronikoen mantenimenduaren eta haiei loturiko instalazioen burutzapen eta mantenimenduaren eremuetan.
Haren jarduera-eremuak nagusiki ondoko azpiarloak hartzen ditu:
-Soinu-ekipoen konponketa.
-Telebista eta bideo ekipoen konponketa.
-Ekipo mikroinformatikoen konponketa.
-Telekomunikaziorako ekipo terminalen konponketa.
-Instalazioen burutzapena eta mantenimendua.
Barne-telefonia, megafonia eta interfonia.
-Telebistako lurgaineko antenen eta antena parabolikoen burutzapena eta mantenimendua.
-Ekipo mikroinformatikoen eta "hardware" sare lokalen burutzapena eta mantenimendua.
Azpiarlo horien enpresa-egitura, nagusiki, enpresa txiki eta ertainek eta zerbitzu teknikoek osatzen dute, merkataritzako marka jakinen baten ordezkaritza dutela edo ez.
Tituluaren profilean zehaztu eta adierazitako lanbide gaitasunak erantzuna izan nahi du lan teknikoak dituen koalifikazio beharrentzat, eginkizun hauek betetzeko: bere eremu teknologikoari dagozkion instalazioak burutzea eta mantentzea, eta bai proiektu txikiak egitea ere. Kontsumoko ekipo elektronikoen mantenimendu lanetan jardunen du, nahiz landako teknikari gisa, nahiz tailerreko teknikari gisa, besteren kontura lan eginez edo enpresa txikia administratuz eta kudeatuz.
Haren jardueraren eremuak, nagusiki, instalazio hauek hartzen ditu: soinu-instalazioak, telefonia-instalazioak eta telebista antenak, lurgainekoak, satelite bidezkoak zein mikroinformatikoak izan.
Haren jardueraren eremuak kontsumoko ekipo hauek hartzen ditu: soinu-ekipoak, telebista hargailuak, bideograbagailuak eta bideokamerak, ekipo mikroinformatikoak eta periferikoak, telekomunikazioko terminalak eta kontsumorako antzeko beste ekipo batzuk. Ekipo horietan askotariko teknologiak erabiltzen dira; joera handia dago sistema digitalak eta mikroprozesatuak erabiltzeko, bai eta, gero eta gehiago, sistema optikoak ere, doitasun handiko sistema mekanikoak, integrazio maila altuko osagai elektronikoak eta azaleko muntaketarako teknologiak barne direla. Beraz, sistema horiei loturiko teknika eta prozedura zehatzak gero eta sarriago erabiltzen dira.
Horrenbestez, Hezkuntza, Kultura, Kirol eta Gazteri kontseilariak proposatuta eta Nafarroako Gobernuak mila bederatziehun eta laurogeita hamaseiko uztailaren hamabosteko bilkuran hartutako erabakiari jarraikiz,
DEKRETATU DUT:
-
artikulua. Foru Dekretu hau, Kontsumoko Ekipo Elektronikoetako teknikariaren tituluarekin lotutako lanbide heziketako ikasketen curriculuma ezartzen duena, Nafarroako Foru Komunitateko lurraldean aplikatuko da.
-
artikulua. Kontsumoko Ekipo Elektronikoetako heziketa zikloa erdi mailako berariazko lanbide heziketan sartu behar da, eta 2.000 orduko iraupena du.
-
artikulua. Produkzio sistemaren erreferentzia, zikloaren xede orokorra eta lanbide moduluak, haien iraupena, amaierako gaitasunak, ebaluazio irizpideak eta edukiak barne, Foru Dekretu honetako I. eraskinean ezarri dira.
-
artikulua. Kontsumoko Ekipo Elektronikoetako teknikariaren tituluari dagozkion ikasketak ondoko lanbide moduluetan antolatuko dira:
-
Ikastetxeko prestakuntza:
-Soinu-ekipoak.
-Irudi-ekipoak.
-Informazio sistema elektronikoak.
-Telekomunikaziorako ekipo mikroinformatikoak eta terminalak.
-Administrazio, kudeaketa eta merkaturatze lanak enpresa txikian.
-Lantaldeko harremanak.
-Kalitatea.
-Elektronika orokorra.
-Elektronika digitala eta mikroprogramagarria.
-Oinarrizko instalazioak.
-Lan prestakuntza eta orientazioa.
-
Lantokietako prestakuntza:
-Lantokiko prestakuntza.
-
artikulua. Urriaren 6ko 1635/1995 Errege Dekretuak ezarritakoari jarraikiz, Foru Dekretu honetako II. eraskinean jarri dira Kontsumoko Ekipo Elektronikoetako teknikariaren lanbide heziketako tituluaren ikasketek osatzen duten curriculumaren lanbide modulu bakoitza irakasteko irakasleek behar dituzten espezialitateak, izan ere, errege dekretu harexetan Bigarren Hezkuntzako irakasleen eta Lanbide Heziketako irakasle teknikoen kidegoak atxiki baitzitzaizkien lanbide heziketako berariazko espezialitateei eta haiek garatzen dituzten xedapen guztiei.
-
artikulua. Ikastetxeek beharrezkoa den autonomia pedagogikoa izanen dute ikasketak garatzeko eta haiek ingurune sozioekonomiko, kultural eta profesionalaren ezaugarriei egokitzeko, Foru Dekretu honetan ezarritakoaren esparruan.
Ikastetxeek Kontsumoko Ekipo Elektronikoetako teknikariaren lanbide heziketako tituluari dagozkion ikasketak zehaztu eta garatuko dituzte, nola eta Ikastetxearen Hezkuntza Proiektuaren esparru orokorrean ikasleen beharrak beteko dituen heziketa zikloaren Curriculum Proiektua eginez.
Aurreko lerroaldean aipatu den Curriculum Proiektua garatzeko, kontuan hartu beharko da Nafarroako Foru Komunitateko lurraldean...
Para continuar leyendo
Solicita tu prueba