162/2008 FORU AGINDUA, urriaren 27koa, Vianako Printzea Erakundea-Kultura eta Turismo Departamentuko kontseilariak emana, zuzenbideko lizentziadunentzako bi prestakuntza beka emateko deialdia onesten duena. Bekak Turismo Zuzendaritza Nagusian aritzeko dira (Turismoko Produktuak Antolatu eta Garatzeko Zerbitzua).
| Sección | I. Nafarroako Foru Komunitatea |
Apirilaren 19ko 172/2004 Foru Dekretuaren bidez, Nafarroako Foru Komunitateko Administrazioan eta haren erakunde autonomoetan prestakuntza bekak emateko araubide orokorra ezarri zen. Diru-laguntzak emateko prozedurari hasiera eman aurretik organo eskudunak deialdiaren arauak onartu beharko ditu, eta Nafarroako ALDIZKARI OFIZIALean argitaratu beharko dira.
Turismo Zuzendaritza Nagusiak proposatu du unibertsitateko tituludunentzako bi prestakuntza beka emateko deialdia onestea; beka horiek Turismoko Produktuak Antolatu eta Garatzeko Zerbitzuan aritzeko dira, eta haien xedea da onuradunen prestakuntza akademikoa osatzea ezagutza espezializatuekin eta esperientzia praktikoarekin, administrazio publikoen nahiz enpresa pribatuen eskaerei aurre egiteko gaitasuna eskura dezaten.
Horrenbestez, Vianako Printzea Erakundea-Kultura eta Turismo Departamentuaren egitura organikoa ezarri zuen irailaren 3ko 126/2007 Foru Dekretuaren 2.2.a) artikuluak ematen dizkidan eskurantzak erabiliz,
AGINDU DUT:
-
Zuzenbideko lizentziadunentzako bi prestakuntza beka emateko deialdia eta haren oinarri arautzaileak onestea. Arauak foru agindu honen eranskinean ageri dira. Bekak Turismo Zuzendaritza Nagusian (Turismoko Produktuak Antolatu eta Garatzeko Zerbitzua) aritzeko dira.
-
21.120 euroko gastua onestea, 2008ko gastuen aurrekontuko "Transferentzia arruntak praktiketako ikasleentzat" izeneko A10001- A1100-4800-432300 kontu-sailaren baliokidea den 2009ko Gastuen Aurrekontuko kontu-sailaren kargura, betiere horretarako diru aski baldin badago.
-
Foru agindu hau eta bere eranskinak Nafarroako ALDIZKARI OFIZIALean argitaratzea.
Foru agindu honen aurka gora jotzeko errekurtsoa paratzen ahal da, Nafarroako Gobernuari igorria, argitaratu eta biharamunetik hilabeteko epean.
Iruñean, 2008ko urriaren 27an.-Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.
ERANSKINA
Zuzenbideko lizentziadunentzako bi prestakuntza beka emateko deialdia, Turismo Zuzendaritza Nagusian aritzeko (Turismoko Produktuak Antolatu eta Garatzeko Zerbitzua)
OINARRIAK
-
-Sorrera.
Turismo Zuzendaritza Nagusian bi prestakuntza beka sortu dira zuzenbideko lizentziadunendako, Turismoko Produktuak Antolatu eta Garatzeko Zerbitzuan aritzeko.
-
-Iraupena.
Prestakuntza beken iraunaldia beka emateko ebazpenean adierazten den egunean hasiko da eta 2009ko abenduaren 31n bukatuko. Zernahi dela, organo eskudunak luzatzen ahalko ditu, Turismoko Produktuak Antolatu eta...
Para continuar leyendo
Solicita tu prueba