342/2013 EBAZPENA, ekainaren 24koa, Hezkuntzaren, Lanbide Heziketaren eta Unibertsitateen zuzendari nagusiak emana, Nafarroako Foru Komunitatean Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Batxilergoa ematen duten ikastetxe publikoen antolaketa eta funtzionamendua 2013-2014 ikasturtean arautzeko jarraibideak onesten dituena.
| Sección | I. Nafarroako Foru Komunitatea |
Ebazpen honen xedea jarraibide batzuk onestea da, indarreko araudiko zenbait alderdiren xehetasunak eman eta garatzeko balio dutenak, ikastetxeen antolaketa egokia eta funtzionamendu ona lortzeko, 2013-2014 ikasturtean.
Antolamenduaren eta Aukera Berdintasunaren Zerbitzuko zuzendariak ebazpen hau onestearen eta aurreko puntuan adierazitako jarduketak arautzearen aldeko txostena aurkeztu du.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
-
Ebazpen honen eranskinetan ageri diren jarraibideak onestea. Jarraibide horiek Nafarroako Foru Komunitatean Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Batxilergoa ematen duten ikastetxe publikoen antolaketa eta funtzionamendua arautuko dituzte 2013-2014 ikasturtean.
-
Ebazpen honetan aipatutako jarraibideak ikastetxe pribatu itunduei aplikatuko zaizkie, indarra duten arauei jarraikiz, dagozkien afera orotan.
-
Ebazpen hau eta eranskinak Nafarroako Aldizkari Ofizialean argitaratzea.
-
Ebazpena eta eranskinak igortzea Antolamenduaren eta Aukera Berdintasunaren Zerbitzura, Hezkuntzako Parte-hartzearen, Irakasleentzako Arretaren eta Informazioaren eta Komunikazioaren Teknologien Zerbitzura, Hizkuntzen eta Arte Ikasketen Zerbitzura, Lanbide Heziketaren Zerbitzura, Unibertsitateen, Kalitatearen eta Prestakuntzaren Zerbitzura, Hezkuntzako Ikuskapen Zerbitzura eta Giza Baliabideen Zerbitzura, behar diren ondorioak izan ditzaten.
-
Ebazpen honen aurka, gora jotzeko errekurtsoa jartzen ahal da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
Iruñean, 2013ko ekainaren 24an.–Hezkuntzaren, Lanbide Heziketaren eta Unibertsitateen zuzendari nagusia, David Herreros Sota.
-
ERANSKINA
Haur Hezkuntzako bigarren zikloa eta Lehen Hezkuntza ematen duten ikastetxeen antolaketa eta funtzionamendua 2013-2014 ikasturtean arautzeko jarraibideak
Ikasturte hasierako jarraibideek indarreko araudiaren alderdi batzuk zehaztu eta argitzen dituzte, eta arautu gabeko beste batzuk arautzen dituzte, ikastetxeen antolaketa eta funtzionamendua hobetzeko. Horretaz gainera, ikasturterako lan ildo nagusiak ezarri nahi dituzte.
Jarraibideak hiru kapitulutan banatuta daude:
Lehenbizikoa, urteko programazio orokorrari buruz. Bertan ikastetxearen hobekuntza planaren gaineko argibideak ematen dira, bai eta ebaluazioetan duen parte-hartzearen gainean ere, hobetzen ahal diren eremuak detektatzeko.
Bigarrenean, antolakuntza alderdi batzuk zehazten dira, ikastetxearen funtzionamendurako beharrezkoak direnak.
Hirugarrenean, gehien erabiltzen diren LOEren ondoriozko arauak zerrendatzen dira.
I
Urteko programazio orokorra
Urteko programazio orokorra oinarrizko tresna bat da eta ikastetxeko plangintza, antolaketa eta funtzionamendua biltzen ditu. Garrantzi berezia du haren hobekuntza planak, ikastetxeko hezkuntza proiektuan dauden alderdiak urtero zehazten baititu. Agiri horren elaborazioan zorroztasunaren, erraztasunaren eta erabilgarritasunaren eskakizunei lotu behar zaie.
Autonomiaren, erantzukizunaren eta efizientziaren printzipioekin bat etorriz, zuzendaritza taldeak indarreko araudiari lotuta kudeatu behar ditu bere baliabideak eta harekin bat etorriz egin behar du plangintza (antolaketa, ordutegia, barruko eta kanpoko koordinaziorako egutegia, etab.).
Urteko programazio orokorra prestatzean, ikastetxearen hobekuntza plana egiteak izanen du lehentasuna. Hezkuntza Departamentuko indarreko araudiari jarraitzen dioten kalitate programetan parte hartzen duten ikastetxeek hobekuntza planaren helburuak sartuko dituzte urteko planean. Ikastetxe horien dokumentazioa kalitate planean bildutakoa izanen da, bidezkotzat jotzen dutenean hura osatzeko aukera galarazi gabe.
-
-
Ikastetxeko hobekuntza plana.
Etengabeko hobekuntzaren kulturan, beharrezkoa da hobekuntza plan bat izatea, urtero ikastetxeak bidezkotzat jotzen dituen helburuak zehazten dituena, honako hauek hobetzeko:
–Emaitzak, kanpoko nahiz barruko ebaluazioetan.
–Baloreetan oinarritutako ikasleen hezkuntza.
Aurreikusitako helburuak lortzera zuzendutako jarduketak ezarriko ditu hobekuntza planak, ikuspegi orokor eta integratzailetik, ikastetxearen egoeraren azterketa abiapuntu duena, denboran jarraitasuna duela kontuan hartuta.
Datuetan oinarritutako egoeraren azterketa erraztu eta bateratzeko, eta helburuak lortzeko, Educa kudeaketa sistemak kudeatzailearen profilean sartzen dituen kontsulta automatizatuak ezarriko dira datu horien iturri gisa.
Ikastetxeek, errealismoaren eta eraginkortasunaren irizpideak erabiliz, errendimenduaren hobekuntzarekin eta ikasleen baloreekin lotura handiagoa duten helburuak hautatuko dituzte, ikastetxearen diagnostikoaren arabera (diagnostikorako ebaluazioak, emaitza akademikoak, zikloko taldeen memoriak, klaustroaren erabakiak, etab.).
Ikastetxearen hobekuntza planean aurreikusitako neurriek adierazle batzuk izan beharko dituzte, haien eraginkortasuna ebaluatzeko. Emaitzak ikasturte bukaerako memorian sartuko dira.
Hezkuntza Departamentuak, bere zerbitzuen bidez, ikastetxe bakoitzaren hobekuntza planaren garapena sustatuko du, orientazioak, proposamenak eta jardunbide egokien adibideak emanez, ikastetxeek hobekuntza lerro eta jarduketak lehenetsi eta hautatzeko laguntza izan dezaten.
Ikastetxearen prestakuntza plana prestakuntza instituzionalaren gakoa da. Zuzendaritza taldeak ezarriko du haren edukia, hobekuntza planetik eratorritako premiak kontuan hartuta.
Hezkuntzako Ikuskapen Zerbitzuak gainbegiratuko du hobekuntza planaren garapena, bere plan estrategikoaren arabera.
-
Bizikidetza eta berdintasuna.
Bizikidetzaren eta berdintasunaren baloreek ikastetxearen hezkuntza proiektuaren gakoak izan behar dute.
Bizikidetza planaren urteroko zehaztapenak urteko programazio orokorrean agertu beharko du. Indarreko araudian xedatutakoari jarraituko dio, eta haren azterketa eta ebaluazioa ikastetxearen bukaerako memoriaren zati bat izanen dira. Dokumentazio guzti hori Hezkuntzako Ikuskapen Zerbitzuaren esku geratuko da.
Ikasketaburutzak gainbegiratuko du bizikidetza plana, eta haren garapenean irakasle guztiek parte hartuko dute. Halaber, hezkuntza komunitate osoari hedatuko zaio. Ikasleei arreta hobea emateko, beste administrazio batzuekin koordinatzeko ezarri diren prozedurak adierazi beharko ditu.
Irakasleentzako Arretaren Bulegoa dute irakasleek orientazio eta laguntza jasotzeko.
-
Aniztasunari arreta ematea.
Aniztasunari arreta emateko plana behar bezala planifikatu eta garatzen dela bermatzeko, zuzendaritza taldeak eta hezkuntza sostengurako unitatea koordinatzen duen orientatzaileak behar diren bilerak eginen dituzte, bai hasierako plangintza bai jarraipena eta ebaluazioa egiteko.
Hezkuntza Departamentuko webean (http://www.educacion.navarra.es/eu/web/dpto/plan-de-atencion-a-la-diversidad) orientazioak daude plan hori prestatzeko.
Ikastetxeetako zuzendaritzek aniztasunari arreta emateko planaren kopia elektroniko bat bidaliko diote Aniztasunarekiko Arretaren eta Hezkuntza Premia Berezien Atalari.
Ikasle guztiek arreta egokia jaso behar dute. Horretarako, ikastetxeek premiei egokien erantzuten dieten arretarako neurriak antolatuko dituzte, indarreko araudian xedatutakoaren arabera. Premia horien artean ikastearen nahasmendutik eta arreta faltagatiko nahasmendutik (hiperaktibitatearekin) eratorriak daude, bai eta gaitasun intelektual handietatik eratorritakoak ere.
Hezkuntza arretarako neurri bat da curriculumaren egokitzapenak eta ikastetxean sartzekoak diseinatzea, oinarrizko gaitasunak garatu eta lortzen laguntzeko bereziki. Horri dagokionez, erantzukizuna irakasle guztiena da, dagokion zikloko koordinatzaileen laguntzarekin eta hezkuntza orientabidearen arduradunen aholkularitzarekin.
Ikasleengan detektatzen diren premia guztiei erantzuteko, behar diren proba egokitzapenak, metodologia aldaketak eta abarrak garatuko dira.
Berariazko egiturei atxikitako ikasleen curriculum egokitzapenak Pedagogia Terapeutikoko irakasleek egin behar dituzte. Gainerako curriculum egokitzapenak egiteko ardura arloko irakasleek izanen dute.
Nolanahi ere, egokitzapen horien jarraipena egitea ikaslearen tutoreari dagokio. Horretarako, Hezkuntza sostengurako unitatea koordinatzen duen orientatzailearen aholkularitza izanen du.
Sostengua kasuan kasuko ikasleen premietara egokituko da. Irakasle taldeak antolatu behar du dagokion sostengua, gelan nahiz gelatik kanpora, ikasketaburutzak gainbegiratuta, orientatzailearen aholkularitzarekin.
Ikastetxeek bermatuko dute aniztasunari arreta emateko berariazko planetan garatzen diren programazioak, esperientziak, baliabideak eta materialak irakasle taldeen eskura daudela, etengabe eta ondoz ondoko ikasturte akademikoetan.
Aniztasunari arreta emateko plana hiru hilean behin ebaluatuko da, eta hobetzeko behar diren proposamen guztiak onartuko dira.
-
Ebaluazioa eta hobekuntza.
Ebaluazioa etengabeko hobekuntzari lotuta dago, eta funtsezko laguntza eta baliabidea da, gainera, errealitatea eta ikastetxeetan izaten diren hezkuntza jarduketen ondorioak hobeki ezagutzeko. Alde horretatik, bai ikasleen hiruhileko emaitzak, neurri egokiak hartzeko informazio eta hausnarketa iturriak direnak, bai ebaluazioen emaitzak hartuko dira kontuan hobekuntza planean sartu beharreko eremuak eta neurriak ezartzeko.
4.1. Ebaluazio diagnostikoa.
Hezkuntzari buruzko maiatzaren 3ko 2/2006 Lege Organikoaren 21. artikulua aplikaturik, ikastetxeek ebaluazio diagnostikoa eginen diete Lehen Hezkuntzako 4. kurtsoko ikasle guztiei.
Hezkuntzako Ikuskapen Zerbitzuko Ebaluazio Atalak koordinatuko du ebaluazio hori. Oinarrizko gaitasunak ebaluatzeko probak eginen dira kanpoan, eta ikastetxeetan aplikatu eta zuzenduko dira.
Ikastetxeko zuzendaritza plangintzan arituko da eta behar diren neurriak hartuko ditu, bai proben aplikazioan bai zuzenketan, datu grabaketan eta txostengintzan parte hartu behar duten irakasleek...
Para continuar leyendo
Solicita tu prueba