208/2008 FORU AGINDUA, azaroaren 24koa, Ekonomia eta Ogasun kontseilariak emana, Pertsona Fisikoen Errentaren gaineko Zergarako, Sozietateen gaineko Zergarako eta finkagune iraunkorra duten Ez-Egoiliarren Errentaren gaineko Zergarako 196 eredua onesten duena: ondasun higigarrietako kapitalen etekinen eta edozein finantza-erakundetako kontuen ondoriozko kontraprestazioaren bidez lorturiko errenten atxikipen eta konturako diru-sarrerak, aktibo finantzarioen gaineko eragiketetan oinarrituak eta pertsona baimenduen eta edozein finantza-erakundetako kontuen saldoen urteroko aitorpen informatiboa barne.
| Sección | I. Nafarroako Foru Komunitatea |
Ekonomia eta Ogasun kontseilariak, abenduaren 29ko 258/1999 Foru Aginduaren bidez, Pertsona Fisikoen Errentaren gaineko Zergarako, Sozietateen gaineko Zergarako eta finkagune iraunkorra duten Ez-Egoiliarren Errentaren gaineko Zergarako 196 eredua onetsi zuen, pezetatan eta eurotan: ondasun higigarrietako kapitalen etekinen eta edozein finantza-erakundetako kontuen ondoriozko kontraprestazioaren bidez lorturiko errenten atxikipen eta konturako diru-sarrerak, aktibo finantzarioen gaineko eragiketetan oinarrituak barne, eta pertsona baimenduen eta edozein finantza-erakundetako kontuen saldoen urteroko aitorpen informatiboa, baita zuzenean ordenagailu bidez irakurtzeko moduko euskarrietan aurkezteko diseinu fisiko eta logikoak ere. Foru agindu hura urtarrilaren 17ko 3/2001 Foru Aginduaren, abenduaren 10eko 344/2002 Foru Aginduaren, abenduaren 31ko 398/2003 Foru Aginduaren eta abenduaren 5eko 415/2007 Foru Aginduaren bidez aldatu zen.
Pertsona Fisikoen gaineko Zergari buruzko Erregelamenduaren 62.7 artikuluak, irailaren 24ko 215/2007 Foru Dekretuaren bidez emaniko idazketan, xedatzen duenez, indarreko arautegiaren arabera banku-trafikoan edo kredituen arloan diharduten bankuek, aurrezki kutxek, kreditu kooperatibek eta pertsona fisikoek edo juridikoek informazio aitorpena aurkeztu behar dute hurrengo urteko urtarrilean, non identifikatuko baitituzte zerga honen zergadunek, Sozietateen gaineko Zergaren subjektu pasiboek edo Ez-egoiliarren Errentaren gaineko Zergaren zergadunek (finkagune iraunkorrarekin) zabalik dituzten kontu guztiak, nahiz eta ordainketarik, atxikipenik edo konturako sarrerarik izan ez. Aitorpen hori aurreko urte naturalari buruzkoa izanen da.
Aitorpen horretan, kontua zehatz-mehatz identifikatzeaz gainera, kontuen titular diren pertsona edo erakundeak edo haiek baimendutakoak zehaztu behar dira, eta Ekonomia eta Ogasun kontseilariak adierazten dituen datu guztiak eman behar dira.
Bestaldetik, urtarrilaren 18ko 16/2005 Foru Aginduaren bidez, Ekonomia eta Ogasun kontseilariak Banku-kontuetako pertsona baimenduen urteko aitorpen informatiboari buruzko 191 eredua eta hura ordenagailuz zuzenean irakurtzeko euskarrian aurkezteko diseinu fisiko eta logikoak onetsi zituen.
Halaber, Pertsona Fisikoen Errentaren gaineko Zergari buruzko 62.6 artikuluak, irailaren 24ko 215/2007 Foru Dekretuaren bidez emaniko idazketan, xedatzen duenez, indarreko arautegiaren arabera, banku-trafikoan edo kredituen arloan diharduten bankuek, aurrezki kutxek, kreditu kooperatibek eta pertsona fisikoek edo juridikoek informazio aitorpena aurkeztu behar dute hurrengo urteko urtarrilean, beren finkaguneetan zabalik dauden kontu korronte, aurrezki kontu, eperako ezarpen eta kreditu-kontuen titularrek haiek erabiltzeko eta baliatzeko baimendutako pertsonei buruzkoa, dena delakoa haien modalitatea edo izena, nahiz eta titularra edo berak baimendutako pertsona Espainiako lurraldeko egoiliarra ez izan. Informazioak aurreko urte naturalekoa izan behar du.
Aitorpen horretan, kontua zehatz-mehatz identifikatzeaz gainera, baimendutako pertsonen izen-deiturak eta identifikazio fiskaleko zenbakia adierazi behar dira. Hain zuzen ere, aitortzen den zergaldian aritu diren pertsona baimenduak identifikatu behar dira, baimenak zenbat iraun duen kontuan izan gabe.
Betaldetik, Pertsona Fisikoen Errentaren gaineko Zergari buruzko Foru Legearen testu bategina onesten duen ekainaren 2ko 4/2008 Legegintzako Foru Dekretuaren 80.2 artikuluak eta Sozietateen gaineko Zergari buruzko abenduaren 30eko 24/1996 Foru Legearen 88.1 artikuluak xedatzen dute, hurrenez hurren, zerga horietan atxikipenak eta konturako diru-sarrerak egin beharra, erregelamendu bidez ezartzen den zenbatekoan, eta haien zenbatekoa Nafarroako Ogasun Publikoan sartu beharra, ezartzen diren kasu eta moduetan. Halaber, Ez-Egoiliarren Errentaren gaineko Zergaren testu bategina onesten duen martxoaren 5eko 5/2004 Legegintzako Errege Dekretuaren 23. artikuluak xedatzen du finkagune iraunkorrak Sozietateen gaineko Zergako atxikipen araubidearen mende egonen direla, hartzen dituzten errentengatik, Sozietateen gaineko Zergari atxikiriko entitateak bezalaxe, eta, gainera, egoitza Espainian duten entitateak bezala, beharturik egonen dira atxikipenak eta konturako diru-sarrerak egitera.
Atxikitzaileak eta konturako diru-sarrerak egin behar dituztenak beharturik egonen dira urtero aurreko urtean eginiko atxikipenen eta konturako diru-sarreren laburpena aurkeztera, Pertsona Fisikoen Errentaren gaineko Zergari buruzko Erregelamenduaren 90.2 artikuluak, Sozietateen gaineko Zergari buruzko Erregelamenduaren 40.2 artikuluak eta Ez-Egoiliarren Errentaren gaineko Zergari buruzko Erregelamenduaren 15.2 artikuluak adierazten duten bezala.
196 ereduak, foru agindu honen bidez onesten denak, haren edukia handitzen du. Izan ere, aipatu den informazioa biltzen du, edonolako finantza-erakunderen kontuei buruz. Gaur egun arte aitorpen horretan sartzen zena eta 191 ereduari zegokiona biltzen ditu, hori, foru agindu honek indarra hartzen duenetik, desagertuko baita.
Gainera, 196 eredua nahitaez ordenagailu bidez irakurtzeko moduko euskarrian aurkezteko baldintzak eta diseinu fisiko eta logikoak onesten dira.
Azkenik, foru agindu honen xedapen gehigarri bakarrean herrialde eta lurraldeen kodeen zerrenda onesten da, Serbiarako eta Montenegrorako kode berriak biltzen dituena, banatu ondoren.
Maiatzaren 24ko 174/1999 Foru Dekretuaren bidez onetsiriko Pertsona Fisikoen Errentaren gaineko Zergari buruzko Erregelamenduaren 62.17 eta 90.5 artikuluen eta urriaren 13ko 282/1997 Foru Dekretuaren bidez onetsiriko Sozietateen gaineko Zergari buruzko Erregelamenduaren 40.6 artikuluaren arabera, aitorpen informatibo hori Ekonomia eta Ogasun kontseilariak zehazten duen moduan eta tokian eginen da.
Horrenbestez,
AGINDU DUT:
-
artikulua. 196 ereduaren onespena eta aurkezteko modua.
Bat.-Pertsona Fisikoen Errentaren gaineko Zergarako, Sozietateen gaineko Zergarako eta finkagune iraunkorra duten Ez-Egoiliarren Errentaren gaineko Zergarako 196 eredua onesten da: ondasun higigarrietako kapitalen etekinen eta edozein finantza-erakundetako kontuen ondoriozko kontraprestazioaren bidez lorturiko errenten atxikipen eta konturako diru-sarrerak, aktibo finantzarioen gaineko eragiketetan oinarrituak eta pertsona baimenduen eta edozein finantza-erakundetako kontuen saldoen urteroko aitorpen informatiboa barne. Foru agindu honen I. eranskinean ageri da.
Bi.-196 eredua nahitaez ordenagailuz zuzenean irakurtzeko moduko euskarrian aurkeztu beharko da, foru agindu honen II. eranskinean ezarri diren erregistroen diseinuen arabera.
-
artikulua. 196 eredua aurkeztera behartuak daudenak.
Bat.-196 eredua interesen eta diruzko edo gauzazko edonolako kontraprestazioen gainean atxikipena eta konturako diru-sarrerak egin behar dituztenek erabili beharko dute, kapitalak edo kontuen titulartasuna bankuek, aurrezki kutxek, kreditu kooperatibek eta gainerako entitate edo finantza-erakundeek Nafarroan irekiak dauzkaten finkaguneetan paratzearen ondoriozkoak direnean, haien helbidea edozein delarik ere, Estatuaren eta Foru Komunitatearen arteko Hitzarmen Ekonomikoan xedaturikoarekin bat, atxikipenak edo konturako diru-sarrerak Nafarroari dagozkionean.
Bi.-Aurreko atalean aipatzen diren subjektuez gain, 196 eredua aurkeztu beharko dute kreditu entitateek eta gainerako entitateek, indarra duen arautegiarekin bat, banku edo kreditu trafikoan badihardute, entitate horietan irekiriko kontuetan, horiei buruz saririk, atxikipenik edo konturako diru-sarrerarik ez badago eta haien titulartasuna Pertsona Fisikoen Errentaren gaineko Zergako zergadunei, Sozietateen gaineko Zergako subjektu pasiboei, finkagune iraunkorra duten Ez-Egoiliarren Errentaren gaineko Zergako zergadunei badagokie, baldin eta entitate horiek bakar-bakarrik Nafarroako Foru Komunitatean tributatu behar badute edo, Estatuko Administrazioan eta Nafarroako Foru Komunitatean tributatu behar dutenean, helbide fiskala Nafarroan dutenean, salbu eta aurreko ekitaldian eragiketa guztien 100eko 75 edo gehiago araubide arrunteko lurraldean egin dituztenean, Estatuaren eta Foru Komunitatearen arteko Hitzarmen Ekonomikoan xedaturikoarekin bat.
-
artikulua. 196 eredua aurkezteko tokia eta epea.
196 eredua urtean urteko urtarrilean aurkeztu beharko da Ekonomia eta Ogasun Departamentuan, aurre-aurreko urte naturaleko atxikipenei eta konturako diru-sarrerei eta informazioari dagokienez.
-
artikulua. 196 eredua ordenagailuz zuzenean irakurtzeko moduko euskarrien ezaugarriak.
Bat.-196 ereduaren aitortzaileak agiri hauek aurkeztuko ditu:
-
196 ereduaren laburpen-orriaren bi aleak, Administrazioarentzakoa eta interesdunarentzakoa. Ale horiek behar bezala sinaturik beharko dute, eta behar den lekuetan aditzera emanen dira sinatzailea eta laburpen-orrian eskatzen diren gainerako datuak.
Jasotzen duen bulegoan zigilatu ondoren, aitortzaileak aurkeztutako 196 ereduaren laburpen-orriaren "interesdunarentzako alea" gordeko du eta ale horrek han aurkeztu izanaren frogagiritzat balioko du.
-
Ordenagailuz zuzenean irakurtzeko moduko euskarri bat edo batzuk, etiketa bat kanpoaldean itsatsita, zeinean honako datuak emanen baitira, hurrenkera honetantxe:
-
Urtea.
-
196 eredua.
-
Aitortzailearen Identifikazio Fiskaleko Zenbakia (IFZ).
-
Aitortzailearen deiturak eta izena edo sozietatearen izena.
-
Harremanetarako pertsonaren deiturak eta izena.
-
Pertsona horren telefonoa eta luzapena.
-
Erregistro kopurua, guztira.
Datu horiek adierazteko aski da bakoitza aurreko zerrendaren arabera dagokion letraz adierazirik ematea.
Artxiboak ordenagailuz zuzenean irakurtzeko moduko euskarri bat baino gehiago baldin badu, denek etiketa izanen dute dagokien zenbaki-segida jarrita: 1/n, 2/n etab., "n" euskarri guztien kopurua izanik. Bigarren eta hurrengo bolumenetako etiketan, aurreko a), b), c) eta d) zenbakietan eskatutako datuak besterik ez da jaso beharko.
Bi.-Ordenagailuz zuzenean irakurtzeko moduko euskarri guztien jasoerak...
-
Para continuar leyendo
Solicita tu prueba