42/2009 FORU AGINDUA, maiatzaren 7koa, Herri Lan, Garraio eta Komunikazioko kontseilariak emana, 'NA-134 errepidean (Ebroko Ardatza) Valtierrako eta Arguedasko saihesbidea egiteko proiektua' behin betiko onetsi eta jendaurrean egoteko eta ukitutako toki entitateei entzunaldia emateko fasea ebazten duena.
| Sección | I. Nafarroako Foru Komunitatea |
Herri Lan, Garraio eta Komunikazioko kontseilariak abenduaren 31n emandako 156/2007 Foru Aginduaren bidez, "NA-134 errepidean (Ebroko Ardatza) Valtierrako eta Arguedasko saihesbidea egiteko proiektua" behin-behinekoz onetsi zen, ukitutako ondasun eta eskubideen zerrenda jendaurrean jarri zen eta ukitutako toki entitateei entzunaldia eman zitzaien.
Proiektu, Trenbide eta Lan Hidraulikoen Zerbitzuak aditzera eman du jendaurrean egoteko eta ukitutako toki entitateei entzunaldia emateko fasean honako alegazio hauek aurkeztu direla:
-
alegazioa.-Alfonso Mateo Miranda jauna, Valtierrako Udaleko alkate-udalburua, José Antonio Rapún León jauna, Arguedasko Udaleko alkate-udalburua eta Miguel Ángel García Azcárate jauna, Valtierrrako Ureztatzaileen Sindikatuko burua.
-
Valtierrako eta Arguedasko herriak NA-134 errepideko saihesbidearekin lotzeko gunea saihesbidearen 4+700 k.p.aren inguruan egitea eskatu dute. Horri esker, saihesbidea parke tematikoan sartzeko dagoen biribilgunearekin lotzen ahalko da zuzenean eta bi herrietako sarbidea hobea izanen da.
-
Saihesbidearen proiektuan, Riegos de Navarra enpresak euri-urak bideratzeko egiten dituen lanak kontuan hartzea.
-
Uholdeei eusteko, uhateak jar ote daitezkeen aztertzea.
Erantzuna:
-
Saihesbideko obrek ukitutako udalen baterako eskaera aintzat hartuz, alegatu dutena onartu da.
-
Eraikuntza proiektuan behar diren obrak sartu dira, Riegos de Navarra enpresaren azterlanean sartutako "mendebaldetik iparralderako isurbidea" eta "ekitaldetik iparralderako isurbidea" egiteko obrak saihesbidearen azpitik igaro daitezen.
-
Proiektatutako saihesbideak, gainerako obra publiko eta pribatuek bezala, Ur Jabari Publikoari buruzko Erregelamenduan ezarritakoa bete behar du.
Erregelamendu horretan ezarritakoa betetzeko, zeharkako drainatze lanak diseinatu dira errepide berriak eteten dituen isurketa arroen drainatze naturala oztopa ez dadin eta onargarria den mailaren gaineko lur goratzerik egon ez dadin. Hori helburu, diseinuak berezko ibilguen hustubidea ahalbidetu behar du, eta gainera, hori lortu behar da saihesbideko obrak bermatuz, baita aldameneko jabetza eta obrak ere.
Betebehar horiek betetzeko, ura saihesbidean barna igaro dadila ahalbidetzeko drainatze obrak sartu dira, onartu ezinezko goratzerik egon ez dadin.
Uhateak edo uraren igarobidea galarazteko beste edozein elementu jartzea, Ur Jabari Publikoari buruzko Erregelamenduan ezartzen diren baldintzen aurka jotzea litzateke.
Horrenbestez, alegazioa ezetsi da.
-
alegazioa.-Francisco Goñi Dotu jaunak egina.
Eskatu du saihesbidearen trazadura eraman dezatela lurrak urpetzearen sistema bidez ureztatzen diren finken barna, kalte ekonomikoak murrizteko.
Erantzuna:
Saihesbidearen trazadura funtzionaltasunaren, bideragarritasunaren eta ingurumen inpaktuaren arabera aztertu da. Eskatutako aldaketak ondorio negatiboak ekarriko lizkioke proiektuari eta beste jabe batzuk ukituko lituzke. Hortaz, ez da bidezkoa alegatutakoaren ondoriozko aldaketarik egitea.
-
alegazioa.-Francisco Goñi Samanes jauna.
Eskatu du saihesbidearen trazadura eraman dezatela lurrak urpetzearen sistema bidez ureztatzen diren finken barna, kalte ekonomikoak murrizteko.
Erantzuna:
Saihesbidearen trazadura funtzionaltasunaren, bideragarritasunaren eta ingurumen inpaktuaren arabera aztertu da. Eskatutako aldaketak ondorio negatiboak ekarriko lizkioke proiektuari eta beste jabe batzuk ukituko lituzke. Hortaz, ez da bidezkoa alegatutakoaren ondoriozko aldaketarik egitea.
-
alegazioa.-Luis Goñi Samanes jauna.
Eskatu du saihesbidearen trazadura eraman dezatela lurrak urpetzearen sistema bidez ureztatzen diren finken barna, kalte ekonomikoak murrizteko.
Erantzuna:
Saihesbidearen trazadura funtzionaltasunaren, bideragarritasunaren eta ingurumen inpaktuaren arabera aztertu da. Eskatutako aldaketak ondorio negatiboak ekarriko lizkioke proiektuari eta beste jabe batzuk ukituko lituzke. Hortaz, ez da bidezkoa alegatutakoaren ondoriozko aldaketarik egitea.
-
alegazioa.-Enrique Suárez Pejenaute jauna.
Eskatu du aurreikusi den ekialdeko bidegurutzea alternatiben azterlaneko 1. alternatiban proposatutako kilometro puntuan egin dadila, horrela saihesbidearen eta herrigunearen artean industria eta zerbitzuetarako poligono bat egiteko aukera izateko.
Erantzuna:
"NA-134 errepidean (Ebroko Ardatza) Mendabiako, Lodosako, Andosillako, Azagrako, Milagroko, Valtierrako eta Arguedasko saihesbideen Udalez Gaindiko Proiektu Sektoriala" onetsi zenean, 2. alternatiba onetsi zen Valtierrako eta Arguedasko saihesbiderako. Valtierrako eta Arguedasko udalak alternatiba horren alde zeuden, eta alegazioaren xedeko proiektuan garatu den alternatiba horixe da.
Horrenbestez, alegazioa ezetsi da.
-
alegazioa.-José Antonio Rapún León jauna, Arguedasko Udaleko alkate-udalburua.
-
Adierazi du 5. poligonoko 5166., 5211., 5123., 5112. eta 5111. lurzatiak, proiektuaren arabera saihesbidea egiteko materiala ateratzeko aurreikusi direnak, eguzki-parke bat instalatzeko desafektazio espediente batean sartuta daudela. Horrenbestez, ezin dira saihesbidearen lanetarako erabili.
-
poligonoko 5101., 5102., 5103., 5104., 5113., 5114., 5115., 5116., 5119., 5120., 5121. eta 5165. lurzatiak ezin dira maileguetarako erabili, golf zelai bat egiteko espediente baten barrenean daudelako.
-
Saihesbidetik Arguedasen eta Valtierran sartzeko proiektatu den lotunea lerro zuzenean egin dadila, Senda Vivan sartzeko egun dagoen biribilgunearekin lotzeko, 4+700 k.p.an.
-
Arguedasko Ureztatzaileen Sindikatuak adierazi du ados dagoela 6+400 k.p.ko lur gaineko pasabideari buruz, 5+820 k.p.an egin beharreko pasabide berriari buruz, trazadura San Juango bidean barna eramateari buruz eta, uholdeen kasuan, azpiko pasabideak ixteko sistemei buruz eskatutakoarekin.
-
Halaber, Enrique Suárez Pejenaute jaunak egindako alegazioaren alde agertu da.
Erantzuna:
-
Eguzki parkearen espedientean sartuta dauden lurzatiak proiektutik kentzea onartu da.
Egin nahi den golf zelaiak ukitutako lurzatiei dagokienez, Herri Lan, Garraio eta Komunikazio Departamentuari kontsulta egin zaio eta adierazi du gaur egun ez dagoela inolako espedienterik horren gainean. Hortaz, orain onesten den proiektuan lurzati horiek aldi baterako okupatzen dira, aurreikusita zegoen bezala, errepidea egiteko materialaren ustiapena bateragarria delako golf zelai baten eraikuntza lanekin.
-
Alegazio hau Valtierrako Udalak beste batzuekin batera egindako alegazioa bezalakoa denez, alegatutakoa onartu da.
-
Ikus 7. alegazioari emandako erantzuna.
-
Ikus 5. alegazioari emandako erantzuna.
-
alegazioa.-Fermín Floristán Floristán jauna, Arguedasko Ureztatzaileen Elkartearen izenean.
-
Haren iritziz, lotunea egiteko proiektuan aurreikusitako kokagunea egokiena eta kalterik txikiena eragiten duena da, bi herrien artean dagoelako eta industrialdean sartzeko bidea duelako. Industrialde horretaz Valtierra eta Arguedas baliatzen dira.
-
4.450 k.p.an, saihesbidearen azpitik doan hodia hormigoitu gabe uztea eskatu du, matxurarik izanez gero, eskura izateko.
-
José Zubietaren eta Rodríguez senideen lurzatietan sartzeko bideak lehengoratu beharko dira.
-
Saihesbidea 6.440 k.p.an gurutzatzen duen ur pasabidea kentzea. 6.100 k.p.an abiatzen den ureztaketari segida ematea.
-
San Juan bidean (5+820 k.p.an) lur gaineko pasabide berri bat egitea.
-
6.400 k.p.ko eginkizun anitzeko pasabidea lur gaineko pasabide gisa diseinatu dadila.
-
4. puntuan aipatutako ureztaketa lotzea 7+900 k.p.tik 8,300 k.p.raino, eta 8+150 k.p.an ureztaketaren pasabidea kentzea.
-
Saihesbidearen azpitik dauden ur pasabide, isurbide eta faunarentzako pasabide guztiek itxitura sistemak izatea, uholdea izanez gero, itxi ahal izateko. Hori bereziki garrantzitsua da 5.2, 5.4, 5.6, 5.8, 6.960 eta 7.840 zenbakiko hustubideetan.
-
Egiten edo berritzen diren ureztaketa eta isurbide guztiek zerbitzu-bidea eduki beharko dute.
-
Presioko ureztaketa eremuan ukitutako sektore guztien presioa erregulatu beharko da.
-
Trazadura San Juan bidetik eramateko aukera aztertzea. Horrela, azpiegiturei kalte gutxiago eraginen litzaieke.
Erantzuna:
-
Valtierrako eta Arguedasko udalek batera egindako eskaera kontuan harturik (ikus 1. alegazioa), eraikuntza proiektuan lotunearen kokagunea aldatu da, udalek ordezkatzen dituzten biztanleen interesa lehenetsi behar delakoan.
Horrenbestez, alegazioa ez da onartu.
-
Onartu egin da alegatutakoa. 4+450 k.p.ko obran hodia hormigoitu gabe proiektatuko da.
-
Onartu egin da alegatutakoa, eta horrenbestez, eskatutako sarbideak proiektatuko dira.
-
Onartu egin da alegatutakoa.
-
Proiektuaren arabera, 6+400 k.p.an bada pasabide bat, eta lotunea 4+700 k.p.an kokatu da. Bi pasabide horiek aski dira saihesbidearen alde batetik bestera igarotzeko.
Horrenbestez, alegazioa ez da onartu.
-
Onartu egin da alegatutakoa, eta lur gaineko pasabidea proiektatuko da.
-
Onartu egin da alegatutakoa.
-
Ikus 1. alegazioari emandako erantzuna, 3. atala.
-
Onartu egin da alegatutakoa.
-
Onartu egin da alegatutakoa.
-
Alegazioan eskatutako aldaketa onartuz gero, eta aukeratutako alternatiba aldatuko balitz, proiektuaren tramitazioan aintzat hartu ez diren ukipen eta kalteak sortuko lirateke. Horrenbestez, alegazioa ezetsi da.
-
alegazioa. -Luis Miguel García Azcárate jauna eta beste hamar sinadura gehiago.
-
Saihesbidearen espedientea geldiarazteko eskatu dute, saihesbidea mendi aldetik eramatearen bideragarritasunari buruzko azterlan zehatz bat egin arte. Tarte hori Valtierrako zeharbidea egin zenean prestatu zen behin-behineko trazadura gisa. Horrela, ureztalurrei eragin behar zaien ukipen larria saihestuko litzateke eta lurraldearen kultur balioaren galerari aurre eginen litzaioke.
Proiektuak arriskutan jartzen du Ebro ibaiaren ibarretako erabilera tradizionalen (abelbideak, laboreak eta larreak) iraupena eta duintasuna, eta uholdeen berezko bidea eta baldintzak aldatzen ditu.
-
Saihesbidearen ureztagarritasunaren gaineko azterketa bat egin beharra dago, eta proiektatutako saihesbidea eraikitzeak dakarren arriskua aztertu...
Para continuar leyendo
Solicita tu prueba