111/2011 FORU AGINDUA, uztailaren 20koa, Hezkuntzako kontseilariak emana, unibertsitateko garraiorako laguntzen 2011-2012 ikasturteko deialdia onesten duena.
| Sección | I. Nafarroako Foru Komunitatea |
Unibertsitateko Irakaskuntza, Hedapen eta Ikerketa Zerbitzuko zuzendariak unibertsitateko garraiorako laguntzen 2011-2012 ikasturteko deialdiari buruzko txostena aurkeztu du, bai haren antolakuntzaz bai unibertsitateko ikasle nafarrei ekartzen dizkien onura ekonomikoez.
Horretarako, Diru-laguntzei buruzko azaroaren 9ko 11/2005 Foru Legean ezarritakoa hartu da kontuan. Halaber, aginduzko txosten juridikoa eman da.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
-
16.110,22 euro libratzea 2011ko aurrekontuko "Ikasleen garraioa Nafarroako goi mailako irakaskuntzako ikastetxeetara" izeneko 431000 43100 4800 322303 kontu-sailetik (40000180, 40000179 eta 40000178 kontabilitate espedienteak).
-
Unibertsitateko garraiorako laguntzen 2011-2012 ikasturteko deialdia onestea.
-
Gehienez ere 116.702,77 euroko gastua onestea aurreko puntuan aipatutako aldirako. Horietatik 49.546,52 euro 2011ko ekitaldirako onetsitako kontu-sailaren kargura finantzatuko dira, eta 67.156,25 euro 2012ko aurrekontuetan horretarako sortuko den "Nafarroako goi mailako irakaskuntzako ikastetxeetako eskola garraioa" izeneko kontu-sailaren kargura. Indarra duen aurrekontu-ekitaldian izen bereko kontu-saila ondoko hau da: 431000-43100-4800-322303. Diru-zenbateko hori handitzen ahalko da esleipena egiten denean, aurrekontuetan diru gehiago baldin badago.
-
Kudeaketa Ekonomikoaren Bulegoari agintzea unibertsitateko garraioaren kudeaketak dakartzan fakturak eta bestelako gastuak ordain ditzala, Unibertsitateko Irakaskuntza, Hedapen eta Ikerketa Zerbitzuak aldeko txostena eman ondoren, aurreko puntuan aurreikusitakoaren arabera.
-
Deialdia Nafarroako Aldizkari Ofizialean argitara dadila agintzea.
-
Ebazpen hau igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, garraio enpresa interesdunei, Lanbide Heziketaren eta Unibertsitateen Zuzendaritza Nagusiari, Unibertsitateko Irakaskuntza, Hedapen eta Ikerketa Zerbitzuari, Aurrekontu eta Kudeaketa Ekonomikoaren Atalari, Goi Mailako Irakaskuntzaren Bulegoari, Argibide eta Agiri Bulegoari eta Kudeaketa Ekonomikoaren Bulegoari, behar diren ondorioak izan ditzan.
Iruñean, 2011ko uztailaren 20an.-Hezkuntzako kontseilaria, José Iribas Sánchez de Boado.
UNIBERTSITATEKO GARRAIORAKO DEIALDIA, 2011-2012 IKASTURTEA
OINARRIAK
Lehena.-Xedea
Deialdi honen xedea da egoitza Nafarroan duten unibertsitateko ikasleei, Nafarroako unibertsitate batean edo Nafarroako Gobernuak maila unibertsitarioko irakaskuntzak emateko baimendu dituen zentroetako batean ikasten badute, egunero ikastokiraino egin behar duten bidaia erraztea. Halaber, ez Nafarroako Gobernuko Hezkuntza Departamentuaren beka eta laguntzen deialdiaren bidez, ez Hezkuntza Ministeriokoaren bidez, garraiorako bekarik lortu ez duten ikasleen garraio gastuak finantzatzen lagundu nahi du.
Bigarrena.-Laguntzen onuradunak
Laguntza eskatzen ahalko dute deialdiko 4., 5. eta 6. oinarrietan adierazten diren baldintzak betetzen dituzten ikasleek. Laguntzak onuradun gertatzen diren eskatzaileei esleituko zaizkie zuzenean, eta garraio enpresekin hitzarmen bat kudeatuko da garraio zerbitzua emateko, 21. oinarrian azaltzen denaren arabera.
Hirugarrena.-Indarraldia
Deialdi honen ondorioak 2011ko irailaren 1etik 2012ko ekainaren 22ra bitarte izanen dira. Honako hau hartuko da kontuan:
Garraio txartela: unibertsitateko garraio txartelaren onuradunek eskubide hauek izanen dituzte:
-Autobusetan plaza gordetzeko eskubidea, unibertsitateetara hurbilduz, 2011ko irailaren 5etik 2012ko maiatzaren 31ra bitarteko eskola-egunetan.
-Egindako bidaien txartelen dirua itzultzea, bidaiak 2011ko irailaren 1etik 2011ko irailaren 2ra arte egin badira (Nafarroako Unibertsitateko ikasleen kasuan); 2011ko irailaren 2an, eta 2012ko ekainaren 1etik 2012ko ekainaren 22ra arte (Nafarroako Unibertsitate Publikoko graduko ikasleen kasuan); eta 2012ko ekainaren 1etik 2012ko ekainaren 6ra bitartean (Nafarroako Unibertsitate Publikoko 1. eta 2. zikloetako ikasleen kasuan).
Garraiorako laguntzaren kredentziala: garraiorako laguntzaren kredentzialaren onuradunek txartelen dirua itzultzeko eskubidea izanen dute bere ikasketen egutegi akademikoan zehar egindako bidaiengatik, aldi hauen barrenean:
-2011ko irailaren 1etik 2012ko maiatzaren 22ra arte, Nafarroako Unibertsitateko ikasleen kasuan.
-2011ko irailaren 2tik 2012ko ekainaren 22ra arte, Nafarroako Unibertsitateko Publikoko graduko ikasleen kasuan.
-2011ko irailaren 5etik 2012ko ekainaren 6ra arte, Nafarroako Unibertsitateko Publikoko 1. eta 2. zikloetako ikasleen kasuan.
Laugarrena.-Laguntzetan sartutako ikasketak
Unibertsitate ofizialetan edo Nafarroako Gobernuak baimendutakoetan ikasketa hauetan diharduten ikasle nafarrek jasotzen ahalko dituzte laguntzak:
-Diplomaduna
-Arkitekto teknikoa
-Ingeniari teknikoa
-Lizentziaduna
-Arkitektoa
-Ingeniaria
-Graduko tituluak
-Master ofizialak
-Hirugarren zikloko ikasketak
Bosgarrena.-Ikasketak zein ikastetxetan egin behar diren
Ikasle onuradunek Nafarroan kokaturik dauden ikastetxe hauetako batean ikasi beharko dute:
-Nafarroako Unibertsitate Publikoa: Iruñeko campusa eta Tuterako campusa.
-Nafarroako Unibertsitatea.
-Urrutiko Hezkuntzarako Unibertsitate Nazionala, Iruñeko Zentro Elkartua eta Tuterako Zentro Elkartua.
-Nafarroako Gobernuak maila unibertsitarioko ikasketak emateko baimendu dituen zentroak.
-Musikako Goi Mailako Kontserbatorioa.
Seigarrena.-Laguntzak eskatzeko baldintzak
Deialdi honetan parte hartzeko, ikasleek baldintza hauek bete beharko dituzte:
-
Familiaren bizilekua Iruñetik eta Iruñerritik kanpora izatea Iruñean kokaturik dauden unibertsitateetan edo arestian aipatutako zentro baimenduetan ikasten dutenentzat eta Tuteratik kanpora izatea Tuteran ikasten dutenentzat; hortaz, ikastokira joateko egunero garraioaren beharra izatea, eskualdeko garraio egokia ez izateagatik.
-
Deialdi honetako laugarren oinarrian sarturiko ikasketetan eta bosgarren oinarrian adierazitako ikastetxeetan aritzea.
-
Eskaera egiten duten momentuan, bi modalitate hauetako baten onurak espresuki hautatzea:
...
Para continuar leyendo
Solicita tu prueba