24/2012 FORU AGINDUA, otsailaren 22koa, 44 lizentzia emateko lehiaketa publikoa onartzen duena, Nafarroako Foru Komunitatean, soinuaren maiztasun modulatuko uhin metrikoen bidezko irrati-hedapeneko ikus-entzunezko komunikazio-zerbitzua emateko.
| Sección | I. Nafarroako Foru Komunitatea |
5/2012 Foru Dekretuak, urtarrilaren 25ekoak, Nafarroako Foru Komunitateko ikus-entzunezko komunikazio-zerbitzuei buruzkoak, bigarren kapituluan, lehiaketa publikoaren bidez, lurreko uhin hertziarren bidez ikus-entzunezko komunikazio-zerbitzuen lizentziaren ematea arautzen du, eta ikus-entzunezko komunikazio zerbitzuetan eskumena duen departamentuko buruari egokitzen dio lehiaketaren deialdia egitea; kasu honetan, Kulturako, Turismoko eta Erakunde Harremanetako Departamentuko kontseilariari.
Horrenbestez, Nafarroako Gobernuak dagoeneko esparru juridiko egokia ezarri duenez, egokitzat jotzen du soinuaren maiztasun modulatuko uhin metrikoen bidezko irrati-hedapeneko lizentziak emateko lehiaketaren deialdia egitea, maiztasun modulatuko uhin metrikoen bidezko irrati-hedapenari buruzko Plan Teknikoa arautzen duen irailaren 1eko 964/2006 Errege Dekretuan jasotzen den plangintzaren arabera.
Zehazki, 42 maiztasun ematen dizkio Nafarroari, 13 herritan, eta, horiei, azaroaren 10eko 336/1997 Foru Dekretuak araututako lehiaketan esleitu gabe geratu ziren beste bi maiztasun gehitu behar zaizkie. Horrenbestez, guztira, 44 maiztasun lizitatzen dira.
Xede horretarako, pleguak egin dira, eta 5/2012 Foru Dekretuak ezarritakoari jarraiki, 12. artikuluan aurreikusitako gutxieneko balorazio-baldintzak guztiak jasotzen dira. Horrela, baremazioari dagokionez, hiru bloke nagusi dira: irrati-eskaintza, 50 puntu arte; ekonomia eta enplegua sortzea, 30 puntu, eta emateen egokitzapena eta berrikuntza teknikoa, 20 puntu.
Eskaintzarik onenak aukeratzeko ezarritako baldintzen helburua da ezaugarri hauek dituzten irrati-eskaintzei lehentasuna ematea: batetik, teknikoki eustea, prestazioetan berritzaileak izatea eta ingurumenarekin jasangarriak izatea; bestetik, ekonomikoki bideragarriak izatea, enplegua sortzen duten eta iraunkorrak diren enpresa-proiektuak egitea (baita sektore ahulentzat ere), eta, azkenik, gaur egungo irratiaren egoera kontuan hartuz, irrati-eskaintza errealista izatea, kalitatezkoa izatea, Nafarroako bertako edukiak (koofiziala den lekuetan, programazio horretan euskararen erabilera ere sustatuz) eta lizitatzaileek libreki proposatutako beste batzuk konbinatzea, eta, oro har, irrati-komunikazio pluralagoa jasotzeko eskubidea asetzea.
Komunikazio Zuzendaritza Nagusiak egindako txosten-proposamena ikusita, Nafarroako Foru Komunitatean ikus-entzunezko komunikazio-zerbitzuak emateari buruzko urtarrilaren 25eko 5/2012 Foru Dekretuan ezarritakoari jarraituz, eta Kulturako, Turismoko eta Erakunde Harremanetako Departamentuaren egitura organikoa ezartzen duen abuztuaren 1eko 119/2011 Foru Dekretuak aintzat hartutako atribuzioen arabera,
AGINTZEN DUT:
-
Lehiaketa publikorako deialdia egitea, Nafarroako Foru Komunitatean, soinuaren maiztasun modulatuko uhin metrikoen bidezko irrati-hedapeneko ikus-entzunezko komunikazio-zerbitzua emateko 44 lizentzia esleitzeko.
-
Deialdia arautzen duten oinarriak onestea. Oinarri horiek, eranskinean agertzen dira.
-
Deialdia eta oinarriak Nafarroako Aldizkari Ofizialean eta Nafarroako Gobernuaren web-orrian (www.navarra.es) argiratzea.
-
Foru Agindu hau Komunikazio Zuzendaritza Nagusiari eta Nafarroako Telekomunikazio Ikuskaritzaren Buruzagitzari jakinaraztea, dagozkion xedeetarako.
-
Interesdunak gorako errekurtsoa jar dezake Nafarroako Gobernuan Foru Agindu honen kontra. Hartarako, hilabete bateko epea izango du, jakinarazi eta hurrengo egunetik hasita.
Iruñean, 2012ko otsailaren 22an.-Kulturako, Turismoko eta Erakunde Harremanetako Kontseilaria, Juan Luis Sánchez de Muniáin Lacasia.
ERANSKINA
Nafarroako Foru Erkidegoan soinuaren maiztasun modulatuko uhin metrikoen bidezko irrati-hedapenaren ikus-entzunezko komunikazio-zerbitzua eskaintzeko lehiaketa publikoa arautzen duten oinarriak
-
oinarria. Xedea.
Plegu honen helburua Nafarroako Foru Erkidegoan soinuaren maiztasun modulatuko uhin metrikoen bidezko irrati-hedapenaren ikus-entzunezko komunikazio-zerbitzua eskaintzeko lehiaketa publikoa arautzen duten baldintzak ezartzea da, Maiztasun modulatuko uhin metrikoen bidezko irrati-hedapenaren Plan tekniko nazionala onesten duen irailaren 1eko 964/2006 Errege Dekretuarekin bat etorriz.
Lehia egin daitekeen herri eta maiztasunak I. eranskinean zerrendatutakoak dira. Eranskin horretan, gainera, irrati-estazioen estaldura-eremua zehazten duten gainerako ezaugarri teknikoak zehazten dira.
-
oinarria. Lege-araubidea.
Soinuaren maiztasun modulatuko uhin metrikoen bidezko irrati-hedapenaren ikus-entzunezko komunikazio-zerbitzua eskaintzeko lizentzia eskatu dutenek bete beharko duten oinarrizko lege-araubidea honako hauek osatzen dute:
-Martxoaren 31ko 7/2010 Legea, Ikus-entzunezko Komunikazioarena.
-Azaroaren 3ko 32/2003 Legea, Telekomunikazioen Lege Orokorra.
-Irailaren 1eko 964/2006 Errege Dekretua, maiztasun modulatuko uhin metrikoen bidezko irrati-hedapenaren Plan Tekniko Nazionala onesten duen
-Urtarrilaren 25eko 5/2012 Foru Dekretua, Nafarroako Foru Erkidegoko ikus-entzunezkoak zerbitzuei buruzkoa.
-Plegu honetan sartzen diren baldintzak.
-
oinarria. Iraupena.
Oinarri hauetan aipatzen diren lizentziak hamabost urterako emango dira, Nafarroako Foru Erkidegoko ikus-entzunezko zerbitzuei buruzko urtarrilaren 25eko 5/2012 Foru Dekretuaren 21. artikuluak, eta Komunikazioaren martxoaren 31ko 7/2010 Lege Orokorraren 28.artikuluan aipatzen diren berritze posibleei kalterik egin gabe.
-
oinarria. Organo eskuduna.
Eskaerak izapidetzea Komunikazioko Zuzendaritza Nagusiaren Komunikazio Zerbitzuari dagokio.
Lizentzien esleipena Kulturako, Turismoko eta Erakunde Harremanetako kontseilariari dagokio.
-
oinarria. Zerbitzuaren baldintzak.
Lizentzien esleipendunak ikus-entzunezko zerbitzu eta telekomunikazio-zerbitzuei buruz indarrean dagoen legeria betetzera behartuta daude. Edonola ere, eskaeretan beren gain hartutako konpromisoak eta behar eta baldintza hauek bete beharko dituzte:
-
Zuzenean lizentziaren helburu den zerbitzua eskaintzea, horren negozio juridikoak egiteko aukerari kalterik egin gabe, Nafarroako Foru Erkidegoko ikus-entzunezko zerbitzuei buruzko urtarrilaren 25eko 5/2012 Foru Dekretuaren 22. artikuluan eta Telekomunikazioen azaroaren 3ko 32/2003 Lege Orokorraren 29.artikuluan xedatutakoarekin bat etorriz.
-
Lizentzia honen zehaztapenak betetzeko, zerbitzuaren eskaintza-araubidearekin lotuta dauden kokapena, potentzia, maiztasuna eta indarrean dagoen legeriak ezarritako beste edozein baldintza teknikori buruzko lizentziaren ezaugarri teknikoak errespetatuko dira, eta baita ekipoen kalitate teknikoa mantendu ere, Telekomunikazioen Nazioarteko Batasunaren (TNB) Irrati-hedapenaren Sektoreko irizpideekin bat etorriz.
-
Maiztasuna eta potentzia aldaketei buruz, lizentzia esleitu ostean organo eskudunek hartutako erabakiak betetzea.
-
Gutxieneko emisio-denbora ez da 08:00 eta 24:00 ordu artekoa baino gutxiago izan.
-
Zerbitzuen etengabeko eskaintza ziurtatzea, lizitatzaileak eskaintzan bere gain hartutako eta lizentzia emateko oinarritzat hartu ziren konpromiso eta baldintzei helduta. Zerbitzua ezin izango da eten, ezinbestean izan ezik, aldez aurretik soinu bidezko irrati-hedapenari buruzko gaietako eskumendun organoaren baimenik gabe.
-
Doan, eta iturria aipatuta, interes publikoko arrazoiengatik edozein unetan Nafarroako Gobernuak edo ezartzen diren beste agintari batzuk larrialdietan bidalitako prentsa-ohar, ohar edo abisu ofizialak zabaltzea.
-
Lizentziaren baldintzak eta betebeharrak eta informazioa emateko beharra eta emandako programen artxibatzea betetzen direla egiaztatzeko ikuskapen eta egiaztapenak erraztea, Nafarroako Foru Erkidegoko ikus-entzunezko zerbitzuei buruzko urtarrilaren 25eko 5/2012 Foru Dekretuaren 34.2. artikuluaren arabera.
-
Ikus-entzunezko zerbitzuen gaietan eskumena duen organoari jakinaraztea, irratiko zuzendaria eta ordezkoa izendatzea, zuzendaria kanpoan edo eri denean lanpostua hutsik geratzen denean.
-
Ordainketa legez ezarri daitezkeen denboran eta kanon eta tasekin burutzea.
-
Nafarroako ikus-entzunezko zerbitzuak eskaintzen dituztenei dagokienez, Nafarroako Foru Erkidegoko ikus-entzunezko zerbitzuei buruzko urtarrilaren 25eko 5/2012 Foru Dekretuaren 29. artikuluan ezarritako betebeharrak betetzea.
5.2. A, b, c, d, e, g letrak jasotako zerbitzuaren baldintzak funtsezkotzat jotzen dira. Ezarri daitezkeen administrazio-zehapenen kalterik gabe, ezinbesteko baldintzak, eta bereziki bere eskaeran esleipendunak bere gain hartutako eta lizentzia hau emateko oinarritzat balio izan zuten konpromisoak betetzen ez badira, lizentzia iraungitzat joko da.
-
-
oinarria. Esleitzeko modua.
Plegu honetan aipatzen diren lizentziak lehiaketa publikoaren bidez emango dira, Nafarroako Foru Erkidegoko ikus-entzunezko zerbitzuei buruzko urtarrilaren 25eko 5/2012 Foru Dekretuarekin bat etorriz.
-
oinarria. Lizentziaren titularra izateko baldintzak
Lizentziaren titularra izateko beharrezkoa izango da, jarduteko gaitasun osoa izatea eta horrez gain, honako baldintza hauek bete eta muga hauek errespetatzea:
-
Gaitasun orokorra
1) Pertsona fisikoen kasuan, Europako Esparru Ekonomikoko estatu kide bateko herritartasuna edukitzea, edo bere barneko araudiaren arabera eskubide hau Espainiako herritarrei aitortzea.
2) Pertsona juridikoen kasuan, Europako Esparru Ekonomikoko estatu kide bateko herritartasuna edukitzea, edo bere barneko araudiaren arabera enpresa espainiarrei eskubide hori aitortzen dien beste estaturen batean edukitzea.
3) Edonola ere, titularrak ordezkari bat izango du Espainian bizitzen jakinarazpenetarako.
4) Pertsona juridikoen kasuan, bere kapitalean parte hartzen duten Europako Esparru Ekonomikoko kide ez diren herrialde, pertsona fisiko edo juridikoen kasuan, elkarrekikotasun-printzipioa bete beharko da.
Horrez gain, Europako Esparru Ekonomikoko kide ez diren herrialdeetako pertsona fisiko edo juridiko nazionalaren banakako parte hartzeak, ezin izango du, zuzenean edo zeharka, kapitalaren % 25 gainditu..
Era berean, Europako Esparru Ekonomikoko kideak ez diren...
-
Para continuar leyendo
Solicita tu prueba