83/2011 FORU AGINDUA, martxoaren 8koa, Familia, Gazteria, Kirol eta Gizarte Gaietako kontseilariak emana, lau seme-alaba edo gehiagoko familientzako laguntzak emateko deialdia onesten duena.
| Sección | I. Nafarroako Foru Komunitatea |
Zenbait zerga hein batean aldatu eta beste tributu-neurri batzuk hartzeari buruzko martxoaren 17ko 16/2003 Foru Legearen lehenengo xedapen gehigarriak ezartzen du lau seme-alaba edo gehiago dituzten familiei laguntzak emateko deialdia urtero onetsi beharra dagoela eta deialdian bertan ezarriko dela diru-laguntzen zenbatekoa. Halaber, maiatzaren 20ko 126/2003 Foru Dekretuak, amatasunaren diru-laguntzak arautzen dituenak, laguntza horiek jasotzeko baldintzak eta betebeharrak ezartzen ditu.
Espedienteko txosten teknikoek eta juridikoek adierazten dute, hurrenez hurren, diru-laguntza hauek ematea egokia dela eta deialdia eta oinarri arautzaileak legezkoak direla. Halaber, Ogasuneko Kontu-hartzailetza delegatuaren oniritzia jaso da.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen bidez eta Familia, Gazteria, Kirol eta Gizarte Gaietako Departamentuaren egitura organikoa ezartzen duen irailaren 3ko 125/2007 Foru Dekretuaren bidez eskuratu ditudan eskudantzien arabera,
AGINDU DUT:
-
Lau seme-alaba edo gehiago dituzten familiei laguntzak emateko 2011ko deialdia onestea.
-
880.000,00 euroko gastua baimentzea, 2011ko gastuen aurrekontuko "Lau seme-alaba edo gehiago dituzten familientzako laguntzak" izeneko 950001 92210 4809 231502 kontu-sailaren kargura.
-
Deialdi honetako aurrekontuaren kargura ordaintzea 2010ean aurkeztu eta administrazio kudeaketaren arrazoiengatik urte horretan ebatzi gabe utzi ziren eskaerak.
-
Foru agindu hau Nafarroako Aldizkari Ofizialean argitaratzea.
-
Foru agindu hau igortzea Familiaren, Haurraren eta Kontsumoaren Zuzendaritza Nagusiko Familiaren Sustapenerako Zerbitzura eta Familia, Gazteria, Kirol eta Gizarte Gaietako Departamentuko Aurrekontuen Kudeaketarako Ataleko Kontabilitate Zentrora.
Iruñean, 2011ko martxoaren 8an.-Familia, Gazteria, Kirol eta Gizarte Gaietako kontseilaria, M.ª Isabel García Malo.
Deialdiaren oinarriak
Lehena.-Xedea.
Foru agindu honen xedea da lau seme-alaba edo gehiago dituzten familiei laguntzak emateko deialdia onestea. Deialdia arau hauetan aurreikusita dago: Zenbait zerga hein batean aldatu eta beste tributu-neurri batzuk hartzeari buruzko martxoaren 17ko 16/2003 Foru Legearen lehenengo xedapen gehigarrian (Nafarroako Aurrekontu Orokorrei buruzko abenduaren 28ko 22/2010 Foru Legean idatzitako moduan) eta amatasunaren diru-laguntzak arautzen dituen maiatzaren 20ko 126/2003 Foru Dekretuan.
Bigarrena.-Onuradunak.
Onuradunak izanen dira, aplikatu...
Para continuar leyendo
Solicita tu prueba