163/2014 FORU AGINDUA, martxoaren 26koa, Gizarte Politiketako kontseilariak emana, Nafarroako kirolen federazioei 2014an diru-laguntzak emateko oinarri arautzaileak onesten dituena.
| Sección | I. Nafarroako Foru Komunitatea |
Uztailaren 5eko 15/2001 Foru Legeak, Nafarroako Kirolari buruzkoak, 6.1 artikuluan ezartzen duenaren arabera, Foru Komunitateko kirol administrazioari dagokio, egun Nafarroako Kirolaren eta Gazteriaren Institutuaren bitartez, Nafarroako Gobernuaren kirol gaietako politika planifikatu eta betearaztea. 6.2. e) artikuluan adierazten da haren eskumenen artean dagoela Nafarroako kirol federazioak, esleitu zaizkien eginkizun publikoak betetzen ari direnean, koordinatu eta begiratzea, haien jarduera pribatua ezertan eragotzi gabe.
Aipatutako foru legeak, 33.a) artikuluan, zehazten du Foru Komunitateko kirol administrazioak diru-laguntzak ematen ahal dizkiela Nafarroako kirol federazioei.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legeak eta Gizarte Politiketako Departamentuaren egitura organikoa ezartzen duen uztailaren 25eko 73/2012 Foru Dekretuak emandako eskudantziak erabiliz,
AGINDU DUT:
-
Nafarroako kirolen federazioei 2014an diru-laguntzak norgehiagokako araubidean emateko oinarri arautzaileak eta dokumentaziorako erabili beharreko ereduak onestea. Arauak I. eta II. eranskinetan daude, eta ereduak III., IV. eta V. eranskinetan.
-
Guztira 2.200.181,00 euroko gastua baimentzea, 2014. urtean diru-laguntza horiek emateko, 2014ra luzatutako 2012ko Nafarroako Aurrekontu Orokorren ondoko kontu-sailen kargura:
–2.140.181,00 euro “Federazioentzako eta Kirol Teknifikazioko Zentroetarako diru-laguntzak” izeneko 940002 95120 4819 336100 kontu-sailaren kargura.
–40.000,00 euro “Nafarroako selekzioen jantziak” izeneko 940002-95120-4819-336106 kontu-sailaren kargura.
–20.000,00 euro “Kirol federazioen ekipamendua” izeneko 940002 95120 7819 336100 kontu-sailaren kargura.
-
Foru agindu hau onetsi baino lehenago aurkezten ahal ziren diru-laguntzen eskaerak foru agindu honetan ezarritako araudiari jarraikiz tramitatuko dira.
-
Foru agindu hau eta eranskinak Nafarroako Aldizkari Ofizialean argitaratzea, behar diren ondorioak izan ditzaten.
Iruñean, 2014ko martxoaren 26an.–Gizarte Politiketako kontseilaria, Iñigo Alli Martínez.
-
ERANSKINA
Nafarroako kirol federazioei diru-laguntzak emateko deialdia. Oinarri arautzaileak
-
-
oinarria. Xedea.
-
Nafarroako kirolen federazioei diru-laguntzak emateko oinarri arautzaileak onestea da deialdi honen helburua, 2014ko urtarrilaren 1etik azaroaren 30era bitarteari dagozkionak zehazki.
-
Diru-laguntza horiek emanez Nafarroako kirol federazioak babestu nahi dira, Nafarroako Kirolari buruzko uztailaren 5eko 15/2001 Foru Legeak eta hura gero garatu zutenek ezartzen dituzten funtzioak betetzeko asmoz.
-
Kontzesioaren araubidea, Diru-laguntzei buruzko azaroaren 9ko 11/2005 Foru Legean aurreikusitakoaren arabera, norgehiagokakoa izanen da.
-
oinarria. Federazioen betebeharrak onuradunak izateko.
-
Nafarroako Kirol Entitateen Erregistroan inskribatuta egotea.
-
Zerga guztiak ordainduak izatea eta Gizarte Segurantzan dagokiena ere betea izatea.
-
Diru-laguntzen onuraduna izateko, Diru-laguntzei buruzko azaroaren 9ko 11/2005 Foru Legearen 13. artikuluan ezarritako debekuetatik kanpo egon beharko du.
-
Federazioek antolatutako jardueren ondoriozko erantzukizun zibila babesten duen aseguru bat kontratatuta edukitzea, bai entitatearentzat berarentzat, bai haren izenean ari diren pertsonentzat ere (zuzendaritza taldekoentzat eta langileentzat).
-
oinarria. Diruz laguntzen ahal diren kontzeptuak.
-
Langileria gastuak.
-
Nafarroako txapelketa ofizialak.
-
Errendimendu programak.
-
Teknifikazio programak.
-
Selekzioen programak.
-
-
Espainiako txapelketa ofizialetan parte hartzea eta Espainiako eta nazioarteko txapelketa ofizialak antolatzea.
-
Gastu orokorrak eta administraziokoak.
-
Sustapen jarduerak.
-
Prestakuntza jarduerak.
-
Kirol jantziak.
-
Material inbentariagarriaren ekipamendua.
-
oinarria. Eskaerak aurkeztea.
-
Eskaerak Nafarroako Kirolaren eta Gazteriaren Institutuko Erregistroan aurkeztuko dira edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4. artikuluan aurreikusten diren prozeduren bidez.
-
Eskaera Nafarroako Kirolaren eta Gazteriaren Institutuari zuzenduko zaio, horretarako ezarritako eredu ofizialari jarraikiz.
-
Eskaerak aurkezteko epea 15 egun naturalekoa izanen da, araudi hau Nafarroako Aldizkari Ofizialean argitaratu eta biharamunetik hasita.
-
Eskaerak postaz aurkez daitezke. Kasu horretan, interesdunak dagokion ziurtagiriarekin frogatu beharko du zein egunetan egin zuen igorketa posta bulegoan, eta, egun berean, diru-laguntza kudeatzen duen organoari iragarri behar dio telefaxa, telexa edo telegrama erabiliz proposamena igorri duela. Bi baldintza horiek bete ezean dokumentazioa ez da onartuko hura aurkezteko ezarritako epetik kanpo jasotzen bada. Halaber, epea amaitu eta 10 egun natural iraganik dokumentaziorik jaso ez bada, ez da inola ere onartuko.
-
oinarria. Dokumentazioa.
Honako dokumentazio hau aurkeztu behar da, Nafarroako Kirolaren eta Gazteriaren Institutuan ezarritako ereduekin bat (V. eranskina):
-
Eskaeraren inprimaki orokorra. Helbide elektroniko bat jarriko da, eskaeran akatsik baldin balego, hartatik haiek zuzendu daitezela eskatzeko (halakorik badago, eranskin honen 6. oinarriarekin bat).
-
Diru-laguntzen onuraduna izateko, Diru-laguntzei buruzko azaroaren 9ko 11/2005 Foru Legearen 13. artikuluan ezarritako debekuetatik kanpo dagoela dioen aitorpena.
-
Ekonomia, Ogasun, Industria eta Enplegu Departamentuaren ziurtagiri indarduna, Foru Ogasunarekiko zerga betebeharrak eguneratuta dituela frogatzen duena.
-
Ziurtagiri indarduna, Gizarte Segurantzako Diruzaintza Orokorrak luzatua, eskatzaileak Gizarte Segurantzarekiko betebehar guztiak eguneraturik dauzkala frogatzen duena.
-
Federazioko buruak sinatutako aitorpena, zehazten duena zein diren beste entitate batzuek emanik jasoko dituen diru-laguntzak eta zertarako emanen zaizkion.
-
Eskaeraren kontzeptu bakoitzerako eskaera-inprimakia (eranskin honen 3. oinarriaren 1. ataletik 9.era), NKGIk egindako ereduei jarraikiz (V. eranskinean daude). Inprimaki hauetan, atal bakoitzaren kirol programaz gainera, dagokion aurrekontua ageri da. Diru-laguntza errendimendu programetarako eskatzen duten federazioek II. eranskinean atal horretarako dauden puntuei jarraikiz aurkeztu beharko dute proiektua.
-
oinarria. Antolamendua eta instrukzioa.
-
Nafarroako Kirolaren eta Gazteriaren Institutuko Kirol Zuzendariordetza Nagusia izanen da laguntza hauek emateko prozedura antolatu eta aurrera eramateko unitate organikoa.
-
Instrukzio organoak administrazio publikoko arlo juridikoko teknikari baten laguntza izanen du.
-
Aurkeztutako dokumentazioa aski ez bada edo deialdian eskatzen direnak betetzen ez baditu, entitate eskatzaileari galdeginen zaio, jaso izana egiaztatzen duen agiri baten bidez, hamar egun balioduneko epean dokumentazioa osatu edo akatsak zuzen ditzala, eta ohartaraziko zaio hala egin ezean ezetsi eginen dela bere eskaera, azaroaren 9ko 11/2005 Legeko 19.3. artikuluak dioen bezala.
-
Errekerimendua modu elektronikoan egiten ahalko da, mezu elektroniko bat bidaliz eskatzaileak eskaeran jarritako helbidera. Eskatzaileak berariaz eskaera-inprimaki orokorreko aitorpenean adierazi duenean baizik ez da horrela egiten ahalko errekerimendua.
-
oinarria. Diru-laguntzaren balorazioa eta zenbatekoa.
-
Aurkeztutako eskaeren balorazioan, eman beharreko diru-laguntzen zenbatekoa zehazteko, foru agindu honen II. eranskinean (baremoa) ezarritako irizpideak hartuko dira kontuan.
-
Kontu-sail horietan behar adina diru badago dagokion ekitaldian, urteko diru-laguntzak emateko ebazpenaren aurretik, dirua hasieran aurreikusitakoari eransten ahal zaio. Horretarako, Nafarroako Kirolaren eta Gazteriaren Institutuko zuzendari kudeatzaileari ahalmena ematen zaio baimendutako gastua handitzeko, dagokion ekitaldian behar adina diru baldin badago kontu-sail horietan.
-
oinarria. Balorazio Batzordea.
Eskaeren gainean ebazteko Balorazio Batzorde bat eratuko da, eta honako kide hauek izanen ditu: NKGIko Kirol zuzendariorde nagusia, Entitateen eta Kirol Errendimenduaren Ataleko burua, Kirola Sustatzeko Ataleko burua, “Larrabide Estadioa” Kirol Teknifikazioaren Zentroko zuzendaria, Kirol Federazioen Bulegoko burua, Kirol Teknifikazioaren Bulegoko burua eta Kluben eta Kirol Errendimenduaren Bulegoko burua. Batzordeak ahalmena izanen du deialdi honetako oinarriak, irizpideak eta moduluak interpretatu eta aplikatzeko, baita diru-laguntzak aldatzeko proposamenak ere, federazioek betebeharrak betetzen ez dituztenean edo irizpide edo baremoek hala eskatzen dutenean.
-
oinarria. Ebazpena.
-
Nafarroako Kirolaren eta Gazteriaren Institutuko zuzendari kudeatzaileari dagokio diru-laguntzetarako aurkeztutako eskaerak ebaztea.
-
Diru-laguntza emateko ebazpenean diru-laguntzaren xedeak, zenbatekoa eta ordainketa modua agertuko dira. Halaber, hala behar bada, eskaeraren baten ezespena ebatziko da.
-
Eskaerak sei hilabeteko epean ebatziko dira, eskaerak aurkezteko epea bukatzen denetik hasita.
-
Epe hori espresuki ebazpenik eman gabe bukatzen bada, eskaera ezetsi egin dela ulertuko da.
-
Ebazpena honela jakinaraziko da: Nafarroako Gobernuko iragarki oholean (Karlos III.aren etorbidea, 2) eta Nafarroako Kirolaren eta Gazteriaren Institutuko bulego nagusietako iragarki oholean iragarkiak jarriz eta komunikabideen bitartez.
-
Diru-laguntzen banaketa, betiere, ekitaldi bakoitzeko aurrekontuan helburu horretarako kreditu egoki eta aski izatearen baldintzapean egonen da.
-
Laguntzak ekitaldi ekonomiko jakin baten kargura jasotzeak ez dakarkio onuradunari hurrengo urteetan laguntza izateko eskubidea.
-
oinarria. Jarduera berrien eskaera.
-
Ebazpena eman ondoren, federazioek, instantzia bidez, diru-laguntza eska dezakete jarduera berri baterako, 3. oinarriko ataletako batean sartuta badago edo hasieran aurreikusietako bat ordeztuko duen jarduera baterako. Horri dagokionez, federazioarentzako diru-laguntzen eskaera aurkeztu ondoren egiten...
Para continuar leyendo
Solicita tu prueba