120/2012 FORU AGINDUA, martxoaren 30ekoa, Gizarte Politika, Berdintasun, Kirol eta Gazteriako kontseilariak emana, Kazetaritzan eta Ikus-entzunezko Komunikazioan lizentziadun diren unibertsitateko tituludunak prestatzeko beka bat emateko deialdia onesten duena, Idazkaritza Tekniko Nagusian aritzeko.
| Sección | I. Nafarroako Foru Komunitatea |
Idazkaritza Tekniko Nagusiak proposatu du Gizarte Politika, Berdintasun, Kirol eta Gazteria Departamentuan unibertsitate-tituludunentzako beka bat sortzea eta hura emateko deialdia egitea, gazte tituludunen prestakuntzan modu eraginkorrean laguntzeko.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen bidez eta Gizarte Politika, Berdintasun, Kirol eta Gazteria Departamentuaren egitura organikoa ezartzen duen abuztuaren 24ko 136/2011 Foru Dekretuaren bidez esleitu dizkidaten eskumenak erabiliz,
AGINDU DUT:
-
Kazetaritzan eta Ikus-entzunezko Komunikazioan lizentziadun diren unibertsitateko tituludunak prestatzeko beka baterako deialdiaren oinarriak onestea, Idazkaritza Tekniko Nagusian aritzeko.
-
Zortzi mila zortziehun eta laurogeita bat euro eta berrogeita hamazazpi (8.881,57) zentimoko gastua baimentzea, 2012ko gastuen aurrekontuko "Informazio eta Modernizazio Ataleko bekak" izeneko 900000 90200 4809 233103 kontu-sailaren kargura, betiere aipatu ekitaldian aurrekontuetan horretarako behar adina diru badago.
-
Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
-
Foru agindu hau igortzea Idazkaritza Tekniko Nagusira, Informazio eta Modernizazio Atalera, Koordinazio eta Kudeaketa Administratiboaren Ataleko Administrazio Aferetarako Bulegora eta Idazkaritza Tekniko Nagusiko Aurrekontuen Kudeaketarako Ataleko Kontabilitate Zentrora.
Iruñean, 2012ko martxoaren 30ean.-Gizarte Politika, Berdintasun, Kirol eta Gazteriako kontseilaria, Elena Torres Miranda.
ERANSKINA
Idazkaritza Tekniko Nagusian aritzeko prestakuntza beka bat emateko deialdiaren oinarriak
-
oinarria.-Xedea.
Kazetaritzan eta Ikus-entzunezko Komunikazioan lizentziadun direnak prestatzeko beka bat, norgehiagokako araubidean, ematea du xede deialdi honek, Idazkaritza Tekniko Nagusian aritzeko.
Unibertsitateko tituludunen prestakuntza bultzatzea du helburu deialdiak, departamentuan gauzatzen diren gizarte politiken gaineko informazioa, komunikazioa eta hedakuntza zuzenean ezagut ditzaten.
-
oinarria.-Aurrekontuko dirua.
Deialdi honetarako diru-kopurua zortzi mila zortziehun eta laurogeita bat euro eta berrogeita hamazazpi (8.881,57) zentimo da, 2012ko gastuen aurrekontuko "Informazio eta Modernizazio Ataleko bekak" izeneko 900000 90200 4809 233103 kontu-sailaren kargura, betiere aipatu ekitaldian aurrekontuetan horretarako behar adina diru badago.
-
oinarria.-Iraupena.
Beka zortzi hilabetekoa izanen da, 2012ko maiatzaren 1etik 2012ko abenduaren 31 arte.
Idazkaritza Tekniko Nagusiak beka luzatzen ahal du, gehienez ere hiru urtez, hasierako aldia eta luzapenak barne. Beka luzatzeko proiektuko tutorearen eskaera beharko da aldez aurretik.
-
oinarria.-Bekaren zenbatekoa eta ordainketa.
Zortzi mila zortziehun eta laurogeita bat euro eta berrogeita hamazazpi zentimo (8.881,57) izanen da bekaren zuzkidura; hilabeteko alditan ordainduko da, 1.080 euro bekarako eta 34,51 euro Gizarte Segurantzaren kuota patronalerako, edo haien zati proportzionala, bidezko bada.
-
oinarria.-Bateraezintasunak.
Prestakuntza beka bateraezina izanen da administrazio beraren eta beste administrazio publiko batzuen bekekin.
-
oinarria.-Eskatzaileen betebeharrak.
Betebehar hauek guztiak betetzen dituzten pertsona fisikoak soilik izan daitezke onuradunak:
-
Adinez nagusia izatea.
-
Espainiako herritarra izatea edo Europar Batasuneko estaturen batekoa edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzen den estaturen batekoa. Dena den, Espainiako nazionalitatea ez duenak gaztelaniaz behar adina badakiela frogatu beharko du.
-
Jarduteko gaitasun osoa izatea eta Nafarroako Foru Komunitateko Administrazioaren eta haren erakunde autonomoen laguntza eta diru-laguntza publikoak jasotzeko desgaitua ez egotea, Diru-laguntzei buruzko azaroaren 9ko 11/2005 Foru Legearen 13.2 artikuluarekin bat.
-
Bizitokia Nafarroan izatea, deialdiaren eguna baino urte bat lehenagotik gutxienez.
-
Lehenengo oinarrian azaldu den unibertsitateko titulu ofiziala izatea...
-
Para continuar leyendo
Solicita tu prueba