114/2010 EBAZPENA, urtarrilaren 26koa, Arriskuen Prebentziorako eta Lanaren zuzendari nagusiak emana, Nafarroako 'Gozoki, opil eta pastel prestaleku eta fabrikak' sektorearen lan hitzarmen kolektiboko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 4/2010).
| Sección | I. Nafarroako Foru Komunitatea |
Departamentu honetan 2010eko urtarrilaren 20an sartu da Nafarroako "Gozoki, opil eta pastel prestaleku eta fabrikak" sektorearen lan hitzarmeneko 2010eko soldaten berrikuspenari buruzko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 13/2008).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan daude ezarrita. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,
EBATZI DUT:
1. Nafarroako "Gozoki, opil eta pastel prestaleku eta fabrikak" sektorearen lan hitzarmen kolektiboko soldaten berrikuspenari buruzko akordioa (kodea: 3102705) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Negoziazio Batzordeari jakinaraztea, eta adieraztea ebazpenak ez duela administrazio bidea amaitzen eta honen aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko urtarrilaren 26an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO "GOZOKI, OPIL ETA PASTEL PRESTALEKU ETA FABRIKAK" SEKTOREAREN LAN HITZARMEN KOLEKTIBO PROBINTZIALA
Iruñean, 2010eko urtarrilaren 19ko 17:00etan, Nafarroako "Gozoki, opil eta pastel prestaleku eta fabrikak" sektorearen lan hitzarmen kolektibo probintzialerako batzorde negoziatzailea bildu zen, ondoko entitate eta ordezkariek osatua:
Pastelgintzako enpresaburu artisauen Nafarroako Elkartea (ANEP) ordezkatuz: Gabriel Lamberto, Javier San Miguel eta Joaquín Pascual.
CCOO sindikatuaren aldetik: Jesús Ceras eta Águeda Gutiérrez.
UGT sindikatuaren aldetik: Daniel Pérez eta M.ª Victoria Pastor.
...
Para continuar leyendo
Solicita tu prueba