23/1997 FORU LEGEA, abenduaren 30ekoa, Toki Ogasunek
Sección | I. Nafarroako Foru Komunitatea |
NAFARROAKO GOBERNUKO LEHENDAKARIA NAIZEN HONEK
Aditzera ematen dut Nafarroako Parlamentuak honako hau
onetsi duela:
FORU LEGEA, TOKI OGASUNEK NAFARROAKO TRIBUTUETAN PARTE
HARTZEKO FONDOAREN ZENBATEKOA ETA BANATZEKO FORMULA 1998KO
ETA 1999KO AURREKONTUALDIETARAKO EZARTZEN DITUENA
ZIOEN AZALPENA
1978ko Konstituzioak, Estatuko lurralde antolamenduaz
mintzo delarik, 140. artikuluan udalen autonomia bermatu
ondoren, 142. artikuluan aurreikusten du, ezen Toki
Ogasunek behar adina baliabide eduki beharko dituztela
legeak kasuan kasuko korporazioei eratxikitzen dizkien
eginkizunetan jarduteko eta gehienbat zein bere tributuez
baliatuko dela, baita Estatuaren eta Autonomia Erkidegoen
tributuetan parte hartzekoez ere.
Uztailaren 2ko Nafarroako Toki Administrazioari buruzko
6/1990 Foru Legeak, 259. artikuluan, xedatzen du, bere
eskumenak erabiltzeko eta Nafarroako toki entitateek
dagozkien helburuak lortzeko, Toki Ogasunak behar dituzten
baliabideez hornituko direla. Baliabide horiek Toki
Ogasunari buruzko Foru Legearen bidez arautuko direla,
Nafarroako toki araubidearen alorra den aldetik,
Nafarroako Foru Eraentza Birrezarri eta Hobetzeari buruzko
Lege Organikoko 18.2 artikuluan aurreikusi bezala. Horrez
gain, Nafarroako Toki Administrazioari buruzko Foru Legeko
260. eta 261. artikuluek xedatzen dute Toki Ogasunek Foru
Komunitateko tributuetan parte hartuko dutela.
Nafarroako Toki Ogasunei buruzko martxoaren 10eko
2/1995 Foru Legeko 123. artikuluak zehazkiago arautzen
ditu Nafarroako Ogasun Publikoan parte hartzekoaren nondik
norakoak eta ezartzen, ezen udal agintaldi bakoitzeko
lehen urteko azken hiruhilekoan, Nafarroako Gobernuak,
Toki Araubideko Foru Batzordeak txostena eman ondoren,
Nafarroako Parlamentura igorriko duela, kasuan kasuko
ekitaldiko Aurrekontu Orokorrei buruzko proiektuarekin
batera, Toki Entitateek Nafarroako zergetan hurrengo lau
aurrekontualdietarako parte hartzeko fondoaren zenbatekoa
ezartzen duen arauzko proiektu bat, baita fondo hori
banatzeko formula ere, zuzentasun eta proportzionaltasun
hatsapenak aintzat harturik.
Lehengoa betetzeko asmoz, Foru Lege honek, lehenengo
eta behin, toki entitateek Nafarroako Ogasun Publikoan
parte hartzeko fondoaren zenbateko osoa ezartzen du eta,
ondoren, zenbateko hori handitzeko sistema, transferentzia
arruntak eta bestelako laguntzak deritzen kontzeptuetan.
Gehikuntza hori Nafarroako Foru Komunitateko Kontsumorako
Prezioen Indizearen igoera portzentualaren adinakoa izanen
da, hots, ekainetik ekainera bitartekoaren adinakoa.
Ekitaldi bakoitzerako esleituriko partaidetzaren
zenbatekoa, Nafarroako Toki Ogasunei buruzko Foru Legeko
123. artikuluko 2. idazatian xedaturikoarekin bat banatzen
da, transferentzia arrunten, kapital transferentzien eta
bestelako laguntzen bidez.
Transferentzia arruntak, Nafarroako Toki Ogasunei
buruzko Foru Legeko 123.3 artikuluan xedaturikoarekin bat,
udalen eta kontzejuen artean banatuko dira. Banatzeko
formulak zuzentasun eta proportzionaltasun irizpideak
kontuan hartu beharko ditu, aipatu hatsapen nagusiak
zehazten dituzten parametrotan oinarriturik. Kapitulu
honetan udalek Estatuarekin hitzarturik ez dauden zergetan
parte hartzeko lehengo kopuruari dagokion zenbatekoa
aipatzen da. Zerga horiek Nafarroako Foru Komunitateak
kudeatuko ditu 1998tik aurrera, Hitzarmen Ekonomiko
berriaren arabera, Estatuak gainerako zerga
hitzartugabeengatik egin behar duen banaketa deusetan
galarazi gabe.
Hori horrela, Foru Lege honek Transferentzia Arrunten
Fondoaren banaketa dakar, toki entitateen gastuaren
adierazgarritzat jotzen diren aldagaien arabera banatzeko
ehuneko 86ko portzentaia harturik eta gainerako ehuneko 14
zerga bidezko dirusarrerak eta herrilurretako aberastasuna
eskuratzeko ahalmena erabiltzeko mailaren adierazgarritzat
jotzen diren aldagaien arabera. Zehazkiago, formula
berriak bizilagun bakoitzeko gastu arruntaren, haren
osaketaren, adinkako populazioaren, langabeziaren, hiri
lurzoruaren zabaleraren, zerga ahaleginaren eta
herrilurren balio katastralaren arabera ponderaturiko
populazio aldagaiak hartzen ditu oinarritzat, hots, lehen
aipaturiko legezko aurreikuspenak hartzen ditu kontuan.
Arau honek tratamendu ezberdina du udaletarako eta
kontzejuetarako, kasuan kasuko eskumenen arabera, Udalen
eta Kontzejuen arteko eskumen eskuordetza eta horren
ondoriozko baliabide esleipena deusetan galarazi gabe.
Hala ere, banatzeko formula berriak ez du xede orain
arte indarra zuen sistema erabat haustea. Horregatik,
beharrezkotzat jo da Fondotik datozen dirusarreren bermea
ezartzea, haren abiapuntua, orokorrean, 1997ko ekitaldian
jasoa delarik.
Kapital transferentziei dagokienez, haien banaketa
1997-1999rako Toki Azpiegituren Hirurteko Planari buruzko
apirilaren 2ko 3/1996 Foru Legean ezarria da, Nafarroako
Toki Ogasunei buruzko Foru Legeko 123. artikuluko 4.
idazatiari darraiolarik.
Fondoa banatzeko azkeneko kapituluari bestelako
laguntzak deritzo eta bertan Iruñeko Udalari "Iruñeko
Hiriko Hiriburutza Agiria" kontzeptuagatik dagokion
dotazioa eta Nafarroako Toki Administrazioari...
Para continuar leyendo
Solicita tu prueba