407/2010 FORU AGINDUA, abenduaren 28koa, Familia, Gazteria, Kirol eta Gizarte Gaietako kontseilariak emana, Familia, Gazteria, Kirol eta Gizarte Gaietako kontseilariaren abenduaren 30eko 462/2008 Foru Agindua aldatzen duena. Agindu horren bidez, adineko pertsonen gizarte ekimeneko entitateen elkartzea sustatzeko diru-laguntzak arautzen dira.
| Sección | I. Nafarroako Foru Komunitatea |
Familia, Gazteria, Kirol eta Gizarte Gaietako kontseilariaren abenduaren 30eko 462/2008 Foru Aginduak diru-laguntzak arautzen ditu adineko pertsonen gizarte ekimeneko entitateen elkartzea sustatzeko. Familia, Gazteria, Kirol eta Gizarte Gaietako kontseilariaren urtarrilaren 21eko 10/2010 Foru Aginduaren bidez, aldatu egin ziren deialdiaren izena, diru-laguntza ordaintzeko modua, justifikatzeko prozedura eta diru-laguntzen gaineko informazio, dibulgazio eta publizitateari buruz onuradunek duten betebeharra.
Adineko pertsonen gizarte ekimeneko entitateen elkartzea sustatzeko diru-laguntzen bi deialdi ebatzi ondoren, argi ikusten da egokitu egin behar direla diruz lagun daitezkeen kontzeptuak, diru-laguntzak emateko baldintzak eta ordainketa bakarraren bidez ordaindutako diru-laguntzaren zenbatekoa.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
Lehen artikulua.-Familia, Gazteria, Kirol eta Gizarte Gaietako kontseilariaren abenduaren 30eko 462/2008 Foru Aginduaren 7. artikuluko 1. eta 2. idatz-zatiak eta 10. artikuluko 3. idatz-zatia aldatzea. Honela idatzita agertuko dira:
Bat.-"7. artikulua. Diru-laguntzaren xede izan daitezkeen kontzeptuak eta gehieneko zenbatekoak.
-
Foru agindu honetan ezartzen diren betebeharrak betetzen dituzten entitateek hurrengo kontzeptuak direla eta hartzen ahalko dituzte diru-laguntzak:
-
Langileak:
-Taberna eta/edo jatetxeko garbiketako eta zerbitzuetako langile guztiak; instrukzio organoak zehaztuko du beharrezkoa den gutxieneko langile kopurua, entitatearen azaleraren eta zerbitzuen arabera.
-Egungo bestelako zerbitzuen langile guztiak, instrukzio organoak zerbitzu horiek badaudela eta entitatearen izaerarako egokiak direla ziurtatzen badu.
-Kuota ordaintzen duten 500 bazkide baino gehiagoko entitateetan dauden administrazioko langile guztiak.
-
Funtzionamendua:
Funtzionamenduaren arloan sartzen dira foru agindu honetan zehazten diren elkartegintzaren oinarrizko jarduerak egiteko behar diren zuzeneko eta zeharkako gastuak.
-
Zuzeneko gastuak, horien artean:
-Entitatearen egoitza dagoeneko lokalaren ondoriozko ondasun eta zerbitzuen ohiko gastuak.
-Zaintze, mantentze eta konpontze lanak, ondasun higiezin horien ondarearen balioa ez gehitzeagatik inbentariagarritzat jotzen ez direnak. Kontzeptu horri loturik eskatutako zenbatekoa ezin da entitatearen funtzionamendurako aurrekontu orokorraren %20tik...
-
Para continuar leyendo
Solicita tu prueba