205/2008 FORU AGINDUA, azaroaren 24koa, Ekonomia eta Ogasun kontseilariak emana, Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legean abalak emateko xedatutakoa aplikatzeko behar diren prozedura eta kudeaketa alderdiak onesten dituena.
| Sección | I. Nafarroako Foru Komunitatea |
Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen lehenengo xedapen gehigarrian ezarritakoaren arabera, foru lege horren II. kapituluan ezarritakoaren babesean ematen diren abalak Nafarroako Foru Komunitateak abalak emateko prozedura arautzen duen otsailaren 16ko 49/1989 Foru Dekretuaren aplikazio esparrutik kanpora daude.
Abalak emateko prozedura araubide orokor horretatik kanpora uzteko erabakiaren osagarri gisara, xedapen gehigarri horren 2. zenbakiaren bidez baimena ematen zaio Ekonomia eta Ogasun kontseilariari azaroaren 6ko 18/2008 Foru Lege hartan abalak emateari buruz xedatutakoa aplikatzeko behar diren prozedura eta kudeaketa alderdiak onets ditzan.
Prozedura horren helburua enpresa eskatzaileei abalak emateko bidea ahalbait gehiena arintzea da, finantza neurri honen bidez baliatutako inbertsioak egiteko aukerabidea emanen dieten finantza eragiketak ahalik eta lasterren buka ditzaten. Helburu hori lortuko da prozesuan parte hartzen duten departamentuen jarduerak koordinatuz, tramitazioan bikoizketak saihesteko, horrek ebazteko epeak laburtzea ekarriko baitu.
Horrenbestez, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.e) artikuluaren bidez eman dizkidaten ahalmenak erabiliz,
AGINDU DUT:
-
artikulua. Deialdiak.
Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen II. kapituluan adierazten diren abalak abal moduko laguntzen bidez artikulatuko dira. Laguntza horiek emateko, Berrikuntza, Enpresa eta Enpleguko kontseilariak, Landa Garapeneko eta Ingurumeneko kontseilariak eta "Vianako Printzea" Erakundea-Kultura eta Turismoko kontseilariak behar diren deialdiak eta oinarri arautzaileak emanen dituzte.
-
artikulua. Hastapena.
Alderdi interesdunak eskatuta hasiko da prozedura.
-
artikulua. Betebehar ekonomikoak egiaztatzea.
Entitate laguntzaileak entitate eskatzaileari jakinaraziko dio eman behar duen abalaren bideragarritasunari buruzko erabakia, bakar-bakarrik horren berri izan dezan.
-
artikulua. Ebazteko epea.
-
Eskaerak bi hilabeteko epean ebatziko dira, gaitutako erregistroetan aurkezten direnetik hasita.
-
Aurreko zenbakian adierazitako epean ebazten ez bada, eskaera administrazio-isiltasunaren bidez ezetsi dela ulertu beharko da, baina horrek ez du alde batera uzten Administrazioak aurkezten zaizkion eskaera guztien gainean ebazteko duen betebeharra.
-
artikulua. Abala...
Para continuar leyendo
Solicita tu prueba