97/2014 FORU AGINDUA, abenduaren 29koa, Sustapeneko kontseilariak emana, etxebizitza arloko IV. kontrol eta ikuskapen plana onesten duena, 2015erako eta 2016rako.
| Sección | I. Nafarroako Foru Komunitatea |
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 44. artikuluak Nafarroari aitortzen dio eskumen esklusiboa etxebizitzaren arloan, baita lurraldearen antolamenduaren arloan eta hirigintzarenean ere. Nafarroako Gobernuari gai horietan dagozkion botere eta eginkizun publikoen gaineko lege multzoan zehazten da eskumen hori. Eginkizun horietako bat ikuskatzea da, Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 40.1.c) artikuluak xedatu bezala.
Nafarroako Etxebizitzaren Babes Publikoari buruzko ekainaren 24ko 8/2004 Foru Legea onesteak bultzada handia ekarri zion ikuskatze lanari etxebizitza arloan. Arauak bazuen titulu bat, osoa, etxebizitza arloko iruzurra kontrolatu eta aurreikusteari buruzkoa, eta hura garatuz onetsi zen etxebizitza arloko I. kontrol eta ikuskapen plana, 2009an eta 2010ean indarra izan duena.
Nafarroan Etxebizitzarako Eskubideari buruzko maiatzaren 10eko 10/2010 Foru Legeak ere, bere aurrekoaren ildoari jarraituz, titulu oso bat du etxebizitza arloko iruzurraren kontrolari eta aurreikuspenari buruz. Arau honetan nabarmendu behar da lehen aldiz arautzen dela etxebizitza arloko ikuskatze lana, baita horren eginkizunak eta hura baliatzearen ondoriozko akten edukia ere eta, 60. artikuluan, Foruzaingoaren laguntza aurreikusten du.
10/2010 Foru Legearen 57. artikuluak etxebizitza arloko biurteko kontrol eta ikuskapen planak prestatzen jarraitu beharrari ekiten dio; izan ere, ikuskatze lanari aplikatutako plangintzaren teknikak hark eskatzen duen objektibotasuna ziurtatzen du, eta indar handiagoa ematen die arauei berezkoak dituen ahalak erabiltzeko orduan.
Etxebizitza arloko biurteko kontrol eta ikuskapen planaren helburuak zehazteko eta zenbateraino betetzen diren ebaluatzeko lankidetza organo gisa, Nafarroako Gobernuak, 2008ko maiatzaren 12ko bilkuran, departamentu arteko Koordinazio Batzordea sortu zuen Nafarroan etxebizitza arloko iruzurra kontrolatzeko.
Hauek diran onetsi eta abian jarritako plangintzako tresnak: Lurraldearen Antolamenduko eta Etxebizitzako kontseilariaren urriaren 22ko 330/2008 Foru Aginduaren bidez onetsitako I. kontrol eta ikuskapen plana (2008ko 148. Nafarroako Aldizkari Ofiziala, abenduaren 5ekoa), 2009ko eta 2010eko ekitaldietan indarra izan zuena, Lurraldearen Antolamenduko eta Etxebizitzako kontseilariaren urtarrilaren 18ko 7/2011 Foru Aginduaren bidez onetsitako II. kontrol eta ikuskapen plana (2011ko martxoaren 17ko Nafarroako Aldizkari Ofiziala), 2011ko eta 2012ko ekitaldietan indarra izan zuena, eta Sustapeneko kontseilariaren abenduaren 24ko 115/2012 Foru Aginduaren bidez onetsitako III. kontrol eta ikuskapen plana (2013ko Nafarroako Aldizkari Ofiziala, urtarrilaren 22koa), 2013ko eta 2014ko ekitaldietan indarra izan duena.
-
kontrol eta ikuskapen planaren indarraldia amaitzear dela, 2010 Foru Legearen 57. artikuluan xedatutakoa kontuan hartuz, Sustapeneko kontseilariaren azaroaren 3ko 65/2014 Foru Aginduaren bidez sortu da etxebizitza arloko IV. kontrol eta ikuskapen planaz 2015ean eta 2016an arduratuko den departamentuarteko taldea; plan hori etxebizitza arloko iruzurra kontrolatzeko departamentuarteko koordinazio batzordeak proposatuta onesten diren helburuei jarraituz beharko da prestatu, eta Lurraldearen Antolamendu, Mugikortasun eta Etxebizitzako zuzendari nagusiak emandako irizpideen arabera.
Plan berri honek azken 6 urtean metatutako esperientzia aprobetxatzen du, urte horietako planen egitura eta planteamendu orokorra jasota, egungo egoeran baliotsuak eta bateragarriak direnez, eta lortutako emaitzak erabiltzen ditu, alde batetik, lan ildoei jarraitzeko, eta bestetik, kontrol eta ikuskapenerako beste ildo batzuk urratzeko.
Hortaz, aurreko planekin jarraitzeko, haien egitura mantendu da, eta jarduketa bideak lau ardatz estrategikotan banatu dira:
-
ardatza.–Etxebizitza libreak, babestuak, eta zaharberritze babestukoak sustatu eta eraikitzea.
Arlo honetako helburua argia da: ziurtatzea eraikinek eta etxebizitzek bizigarritasun eta irisgarritasun baldintzei buruzko Nafarroako araudia eta eraikuntzari buruzko Estatuko oinarrizko araudia (Eraikuntzaren Kode Teknikoa) betetzen dituztela. Etxebizitza libreetarako ezarritako helburuei sustapena gauzatzea galaraz dezakeen edozein oztopo kendu nahi duen kontrola gehitu behar zaie etxebizitza babestuen kasuan; horregatik, sustatzaileari, orubearen egoerari, hirigintza araudia betetzeari eta etxebizitza babestuaren baldintza berariazkoei buruzko dokumentazio administratiboa gainbegiratzen da.
-
ardatza.–Etxebizitza babestuko esleipenak, bai jabetzaren araubidekoak, bai alokairukoak.
Etxebizitza babestuaren esleipen-hartzaileak hura eskuratzeko baldintza orokorrak betetzen dituela segurtatzea da helburua, behar adinako kontrol administratibo egokien bidez.
Orobat, atal honetan etxebizitza babestuaren eskatzaileen zentsuan alta hartutako inskripzioen kontrola planifikatu gogo da; izan ere, erregistro horretako datuen arazketak etxebizitza babestuen esleipena arintzen du.
-
ardatza.–Etxebizitza babestuen transmisio eta lagapenak, kostu bidezkoak zein dohainekoak.
Legezko baldintzak betetzen dituztenek etxebizitza babestua erabiltzea izanik helburu nagusia, kontrola ezin da lehen esleipenetara bakarrik murriztu, eta bigarren transmisio eta lagapenetan ere kontrolatu behar da; horregatik ezarri da hirugarren ardatz estrategiko hau, non jarduketa horiek direla bide, Administrazioak egiaztatzen baitu ez bakarrik hartzaileak baldintzak betetzen dituela, baita jabaria eskuz aldatzeko negozio juridikoaren prezioa eta gainerako ezaugarriak legezkoak direla ere.
-
ardatza–Etxebizitza babestuen erabilera eta destinoa.
Etxebizitza babestuak haien jabe edo errentarien ohiko bizileku iraunkorrak direla zaintzea da helburua; beraz, ikuskapen eta zaintzako jarduketa da, bete-betean.
Ardatz estrategiko bakoitzaren barrenean, jarduketa lerroak deskribatu dira bilatzen diren helburuekin lerrokatuta, eta ondoren, alde batetik, jarduketa administratiboaren aldez aurreko kontrola zehaztu da, batez ere egiaztapenean oinarritutako prebentzio lana egitea helburu, eta, bestetik, kontrol, zainketa eta ikuskapen neurriak zehaztu; horretarako, Nafarroako Gobernuko beste departamentuen laguntza eta koordinazioa behar da.
Jarduketa lerroen artean, aurreko planetan ezarrita daudenekin jarraituko da, eta beste batzuk erantsiko dira, helburu nagusia hurrengo eremuetara iristea izanik:
–Diru-laguntza, domotika instalatzeagatik: bukatutako obra begiz ikuskatzea eta fakturak aurkezteko eskatzea domotika instalatzeagatik diru-laguntza lortu duten etxebizitzen sustatzaileei, Hirigintza eta Etxebizitzaren arloan Urgentziazko Neurriak Hartzeko ekainaren 5eko 6/2009 Foru Legearen 7. artikuluan xedatutakoari jarraituz. Planaren indarraldian behin betiko kalifikatzeko aurkezten diren etxebizitza babestuaren espediente guztietan eginen da jarduketa hori.
–Zaharberritutako etxebizitza gutxienez ere 5 urtez errentan emateko konpromisoa hartzeagatik diru-laguntza lortzen duten sustatzaileen zaharberritze babestuaren espedienteetan, diru-laguntza ordaindu behar den unean errentamendu kontratua aurkezteko eskatzen jarraitzeaz gain, etxebizitzak, espedientearen behin betiko kalifikaziotik urtebete gutxienez ere iraganik, alokairuan segitzen duela froga dezatela eskatuko zaie horrelako diru-laguntzen onuradunei. Urtean 10 espedienteko kontrola ezarri da.
–Eraikinaren liburuaren entrega kontrolatzea, eraikinaren liburua arautzen duen urriaren 2ko 322/2000 Foru Dekretuan ezarritako betebeharraren arabera. Bestetik, Nafarroan Etxebizitza izateko Eskubideari buruzko maiatzaren 10eko 10/2010...
-
Para continuar leyendo
Solicita tu prueba