96/2017 FORU DEKRETUA, urriaren 25ekoa, apirilaren 20ko 37/2009 Foru Dekretua aldatzen duena. Haren bidez, Nafarroako Unibertsitate Publikoan lanaldi osoko kontratu mugagabearekin aritzen diren irakasle eta ikertzaile funtzionarioen banakako merezimenduei dagozkien ordainsari osagarrien esleipena arautu zen.
| Sección | I. Nafarroako Foru Komunitatea |
ZIOEN AZALPENA
Unibertsitateei buruzko abenduaren 21eko 6/2001 Lege Organikoak autonomia erkidegoei esleitzen die, beren eskumenen esparruan, unibertsitateetako irakasle eta ikertzaile kontratatuen ordainsariak arautzea, eta ezartzen du autonomia erkidegoek banakako merezimenduei dagozkien ordainsari osagarriak ezartzen ahal dituztela funtzio hauek betetzeagatik: irakaslana, irakasleen prestakuntza, ikerketa, garapen teknologikoa, ezagutzaren transferentzia eta kudeaketa. Autonomia erkidegoek horretarako ezartzen dituzten mugen barruan, Gizarte Kontseiluak, Gobernu Kontseiluak proposaturik, erabakitzen ahalko du ordainsari osagarri horiek irakasle bakoitzari esleitzea.
Bestetik, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak, 5.i artikuluan, xedatzen du Gizarte Kontseiluaren eskumena dela Unibertsitateko irakasle eta ikertzaileentzat oro har ezarritakoen gehigarri diren ordainsari kontzeptuen banakako esleipena erabakitzea, Gobernu Kontseiluak proposaturik.
Apirilaren 20ko 37/2009 Foru Dekretuak Nafarroako Unibertsitate Publikoan lanaldi osoan aritzen diren irakasle eta ikertzaile funtzionarioen banakako merezimenduei dagozkien ordainsari osagarrien esleipena arautzen du, Unibertsitateei buruzko abenduaren 21eko 6/2001 Lege Organikoaren 69.3 artikuluan ezarritakoaren arabera. Dekretu hau ekainaren 11ko 38/2015 Foru Dekretuaren bidez aldatu zen, Nafarroako Unibertsitate Publikoan lanaldi osoko kontratu mugagabean aritzen diren irakasle eta ikertzaileak irakaskuntza-merezimenduei dagozkien ordainsari osagarrien hartzaile gisa bertan sartzeko, abenduaren 21eko 6/2001 Lege Organikoaren 55.2 artikuluan ezarritakoaren arabera.
Nafarroako Unibertsitate Publikoak hau eskatu du: lanaldi osoan aritzen diren irakasle eta ikertzaile kontratatuek (Irakasle Laguntzaile Doktorea eta Kontratupeko Bitarteko Irakasle Doktorea modalitateetan) banakako merezimenduei dagozkien ordainsari osagarriak jasotzeko aukera izatea, irakasle funtzionarioei eskatzen zaizkien baldintza berberekin.
Horrenbestez, Hezkuntzako kontseilariak proposaturik, Nafarroako Kontseiluarekin bat, eta Nafarroako Gobernuak 2017ko urriaren 25ean egindako bilkuran hartutako Erabakiarekin bat,
DEKRETATU DUT:
Artikulu bakarra.–Aldatu egiten da 37/2009 Foru Dekretua, apirilaren 20koa, Nafarroako Unibertsitate Publikoan lanaldi osoko kontratu mugagabearekin aritzen diren irakasle eta ikertzaile funtzionarioen banakako merezimenduei dagozkien...
Para continuar leyendo
Solicita tu prueba