8/2019 EBAZPENA, abenduaren 26koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez hautapen prozedurak onesten baitira Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko, Nafarroako Foru Komunitateko Administrazioaren kudeaketa esparruko lanpostuetarako.
| Sección | I. Nafarroako Foru Komunitatea |
-
ALDIZKARIA - 2020ko urtarrilaren 15a 1. NAFARROAKO FORU KOMUNITATEA 1.2. AGINTARIAK ETA LANGILEAK 1.2.2. Oposizioak eta lehiaketak. Lan publikoaren eskaintza 8/2019 EBAZPENA, abenduaren 26koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez hautapen prozedurak onesten baitira Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko, Nafarroako Foru Komunitateko Administrazioaren kudeaketa esparruko lanpostuetarako. Ekainaren 6ko 44/2018 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen 2018ko lan publikoaren eskaintza partziala, ekainaren 27ko 3/2017 Legean aurreikusitako egonkortze-tasari dagokiona, unibertsitateaz kanpoko irakasleentzat. Abenduaren 12ko 101/2018 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2018ko lan publikoaren eskaintza partziala, Estatuko 2018ko Aurrekontu Orokorrei buruzko uztailaren 3ko 6/2018 Legean aurreikusitako berritze-tasari dagokiona. Azaroaren 27ko 330/2018 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2019ko lan publikoaren eskaintza partziala, 2019ra arte luzatutako Estatuko 2018ko Aurrekontu Orokorrei buruzko uztailaren 3ko 6/2018 Legean aurreikusitako ordezte-tasari dagokiona.
Aipaturiko lan publikoaren eskaintza horietan irakasleen 660 lanpostu daude, batzuk Bigarren Hezkuntzako Irakasleen Kidegokoak eta beste batzuk Lanbide Heziketako Irakasle Teknikoen Kidegokoak.
Hezkuntzari buruzko maiatzaren 3ko 2/2006 Lege Organikoaren hamabigarren xedapen gehigarriak xedatzen du irakaskuntzako funtzio publikoan sartzeko sistema oposizio-lehiaketa izanen dela. Xedapen horren 3. apartatuari jarraikiz, Bigarren Hezkuntzako Irakasleen Kidegora eta Arte Plastikoetako eta Diseinuko Irakasleen Kidegora igotzeko aukera izanen dute funtzio publikoaren araudiaren arabera B taldean sailkatuta dauden irakasle-kidegoetako funtzionarioek. Horretarako, lanpostu batzuk erreserbatu beharko dira kidego horietan sartzeko deialdietan.
Otsailaren 23ko 276/2007 Errege Dekretuak onetsi zuen Hezkuntzari buruzko maiatzaren 3ko 2/2006 Lege Organikoan aipatzen diren irakasle-kidegoetako espezialitate berrietan sartzeko eta horiek eskuratzeko Erregelamendua, eta arautu zuen lege horren hamazazpigarren xedapen iragankorrean adierazten den sarrerako araubide iragankorra. Errege dekretu hori otsailaren 23ko 84/2018 Errege Dekretuaren bidez aldatu da.
Bestetik, Irakaskuntzako funtzio publikorako sarbidea arautzen duen abenduaren 27ko 17/2017 Foru Legeak ezarri du ezen Nafarroako Foru Komunitateko Administrazioak irakasle ez-unibertsitarioen lan eskaintza publikoak garatze aldera onesten dituen deialdietan aplikatzekoa izanen dela otsailaren 23ko 276/2007 Errege Dekretuan ezarritakoa. Errege dekretu horren bidez onetsi zen Hezkuntzari buruzko maiatzaren 3ko 2/2006 Lege Organikoan aipatzen diren irakasle-kidegoetan sartzeko eta espezialitate berriak eskuratzeko Erregelamendua, eta arautu zen lege organiko horren hamazazpigarren xedapen iragankorrean aipatzen den sarrerako araubide iragankorra. Horrez gainera, xedatu zen deialdi horietan nahitaez jasoko direla hautapen prozedura ezberdinak ezagutza arlo edo irakasle espezialitate bakoitzerako eta Nafarroako Foru Komunitateko hizkuntza ofizial bakoitzerako.
Azkenik, otsailaren 23ko 276/2007 Errege Dekretuaren V. tituluan espezialitate berriak eskuratzeko prozedura arautzen da, eta adierazten da hezkuntza administrazioek kasuan kasuko deialdietan zehaztuko dituztela titulu horretan ezarritako prozeduren bidez eskuratzen ahal diren espezialitateak. Deialdia egiten duen hezkuntza administrazioaren mende dauden karrerako funtzionarioek soilik hartu ahalko dute parte deialdi horietan.
Horiek horrela, Hezkuntza Departamentuko Hezkuntza Baliabideen zuzendari nagusiaren azaroaren 28ko 208/2019 Ebazpenaren bidez eskuordetutako eskudantziak erabiliz,
EBAZTEN DUT:
-
Dei egitea Nafarroako Foru Komunitateko Administrazioaren kudeaketa esparruko Bigarren Hezkuntzako Irakasleen Kidegoan sartzeko eta bertara igotzeko eta Lanbide Heziketako Irakasle Teknikoen Kidegoan sartzeko hautapen prozeduretarako.
-
Dei egitea Bigarren Hezkuntzako Irakasleen Kidegoko eta Lanbide Heziketako Irakasle Teknikoen Kidegoetako karrerako funtzionarioek aipatu kidegoetan espezialitate berriak eskuratzeko prozedurarako.
-
Ebazpen hau eta eranskinak Nafarroako Aldizkari Ofizialean argitara daitezela agintzea.
-
Ebazpen hau eta eranskinak Hezkuntza Departamentuko Idazkaritza Tekniko Nagusira, Irakasleak Hautatzeko eta Lanpostuak Betetzeko Zerbitzuko Hautatze Prozeduren Atalera eta Kudeaketa Juridiko-administratiboaren Atalera igortzea, behar diren ondorioak izan ditzaten.
-
TITULUA
Nafarroako Foru Komunitateko Administrazioaren kudeaketa esparruko Bigarren Hezkuntzako Irakasleen Kidegoan sartzeko eta bertara igotzeko eta Lanbide Heziketako Irakasle Teknikoen Kidegoan sartzeko hautapen prozedurak. Oinarriak
Lehena.–Arau orokorrak.
-
-
–Hautapen prozedura.
Hautapen prozeduretarako dei egiten da Nafarroako Foru Komunitateko Administrazioaren kudeaketa esparruan 660 lanpostu betetzeko, batzuk Bigarren Hezkuntzako Irakasleen Kidegokoak eta beste batzuk Lanbide Heziketako Irakasle Teknikoen Kidegokoak.
54 lanpostu dira desgaitasuna duten pertsonentzako erreserba txanda osatzen dutenak, Nafarroako Administrazio Publikoetako Langileen Estatutuaren testu bateginaren zazpigarren xedapen gehigarriarekin bat (abuztuaren 30eko 251/1993 Legegintzako Foru Dekretuaren bidez onetsia).
Otsailaren 23ko 276/2007 Errege Dekretuaren 34. artikuluan xedatutakoaren arabera, Bigarren Hezkuntzako Irakasleen Kidegoan deitutako lanpostuen ehuneko bat erreserbatuko da, funtzio publikoaren legediko B taldean sailkatuta dauden eta deialdian eskatutako baldintzak betetzen dituzten irakasle funtzionarioak igo daitezen.
Desgaitasuna dutenentzako erreserba prozedurarako lanpostuak edo Bigarren Hezkuntzako Irakasleen Kidegora igotzekoak osorik edo partzialki betetzen ez badira, dagokien kidego, espezialitate eta hizkuntzako lanpostuei gehituko zaizkie, sarrera libreko prozeduran betetzeko.
2.–Deialdian ateratako lanpostuak honela banatu dira kidegoen, espezialitateen, hizkuntzaren eta prozeduraren arabera:I. Bigarren Hezkuntzako Irakasleen Kidegoa. ESPEZIALITATEA HIZKUNTZA IREKIA ERRESERBAKOA IGOERA GUZTIRA ENPRESEN ADMINISTRAZIOA Gaztelania 4 1 6 11 BIOLOGIA ETA GEOLOGIA Gaztelania 6 2 7 15 BIOLOGIA ETA GEOLOGIA Euskara 7 1 7 15 MARRAZKETA Gaztelania 7 2 9 18 MARRAZKETA Euskara 3 1 4 8 GORPUTZ HEZKUNTZA Gaztelania 11 1 11 23 GORPUTZ HEZKUNTZA Euskara 8 1 9 18 FILOSOFIA Gaztelania 4 1 5 10 FILOSOFIA Euskara 3 0 4 7 FISIKA ETA KIMIKA Gaztelania 9 3 11 23 FISIKA ETA KIMIKA Euskara 6 2 7 15 LANERAKO PRESTAKUNTZA ETA ORIENTABIDEAK Gaztelania 8 2 10 20 FRANTSESA Gaztelania 4 1 5 10 FRANTSESA Euskara 2 1 4 7 GEOGRAFIA ETA HISTORIA Gaztelania 9 3 12 24 GEOGRAFIA ETA HISTORIA Euskara 8 3 11 22 OSTALARITZA ETA TURISMOA Gaztelania 3 0 3 6 INFORMATIKA Gaztelania 2 2 4 8 INGELESA Gaztelania 20 5 24 49 INGELESA Euskara 12 1 14 27 ESKU-HARTZE SOZIOKOMUNITARIOA Gaztelania 3 1 4 8 ESKU-HARTZE SOZIOKOMUNITARIOA Euskara 1 1 3 5 LATINA Gaztelania 1 1 3 5 GAZTELANIA ETA LITERATURA Gaztelania 19 5 24 48 GAZTELANIA ETA LITERATURA Euskara 7 2 8 17 EUSKAL HIZKUNTZA ETA LITERATURA (NAFARROA) Euskara 12 5 16 33 MATEMATIKA Gaztelania 23 5 27 55 MATEMATIKA Euskara 12 1 13 26 MERKATARITZAKO ANTOLAKETA ETA KUDEAKETA Gaztelania 3 1 5 9 FABRIKAZIO MEKANIKOAREN ANTOLAKETA ETA PROIEKTUAK Gaztelania 6 1 7 14 HEZKUNTZA ORIENTAZIOA Gaztelania 10 3 14 27 HEZKUNTZA ORIENTAZIOA Euskara 6 2 8 16 NEKAZARITZAKO EKOIZPEN PROZESUAK Gaztelania 3 0 3 6 SISTEMA ELEKTROTEKNIKO ETA AUTOMATIKOAK Gaztelania 3 1 5 9 TEKNOLOGIA Gaztelania 2 2 5 9 TEKNOLOGIA Euskara 3 2 5 10 II. Lanbide Heziketako Irakasle Teknikoen Kidegoa:
Lanpostuen ezaugarriei dagokienez, Bigarren Hezkuntzako Irakasleen Kidegoko Hezkuntza Orientazioa espezialitateko lanpostuak ibiltariak izan daitezkeESPEZIALITATEA HIZKUNTZA IREKIA ERRESERBAKOA GUZTIRA MAKINEN MEKANIZAZIOA ETA MANTENTZE-LANAK Gaztelania 5 1 6 NEKAZARITZAKO EKOIZPENEKO LAN ETA EKIPOAK Gaztelania 5 0 5 OSASUN ETA LAGUNTZA PROZEDURAK Gaztelania 5 1 6 KOMUNITATEARENTZAKO ZERBITZUAK Gaztelania 4 1 5 SISTEMA ETA APLIKAZIO INFORMATIKOAK Gaztelania 5 0 5 -
–Honako arau hauek aplikatuko zaizkie hautapen prozedurei:
–Maiatzaren 3ko 2/2006 Lege Organikoa, Hezkuntzari buruzkoa.
–2004/38/EE Zuzentaraua, Europako Parlamentuarena, langileen joan-etorri askeari buruzkoa.
–240/2007 Errege Dekretua, otsailaren 16koa, Europar Batasuneko herritarrak edo Europako Esparru Ekonomikoari buruzko Akordioari lotutako beste estatu batzuetako herritarrak Espainian sartu eta bizitzeari eta horien joan-etorri askeari buruzkoa.
–276/2007 Errege Dekretua, otsailaren 23koa, Hezkuntzari buruzko maiatzaren 3ko 2/2006 Lege Organikoan aipatzen diren irakasle-kidegoetan sartu, bertara igo eta espezialitate berriak eskuratzeko Erregelamendua onesten duena, eta lege horren hamazazpigarren xedapen iragankorrean adierazten den sarrerako araubide iragankorra arautzen duena.
–84/2018 Errege Dekretua, otsailaren 23koa, otsailaren 23ko 276/2007 Errege Dekretua aldatzen duena.
–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa.
–40/2015 Legea, urriaren 1ekoa, Sektore Publikoaren Araubide Juridikoari buruzkoa.
–1834/2008 Errege Dekretua, azaroaren 8koa, zeinaren bidez prestakuntza baldintzak zehazten baitira Derrigorrezko Bigarren Hezkuntzan, Batxilergoan, Lanbide Heziketan eta araubide bereziko ikasketetan irakasteko eta zeinaren bidez ezartzen baitira Bigarren Hezkuntzako irakasle kidegoen espezialitateak.
–1635/1995 Errege Dekretua, urriaren 6koa, Bigarren Hezkuntzako Irakasleen Kidegoko irakasleak eta Lanbide Heziketako Irakasle Teknikoen Kidegokoak Berariazko Lanbide Heziketako espezialitateetara atxikitzen dituena.
...
Para continuar leyendo
Solicita tu prueba