5/2021 FORU AGINDUA, urtarrilaren 28koa, Lurralde Kohesiorako kontseilariak emana, behin-behineko onespena ematen diona proiektu honi: “N-121-A errepidea, Iruña-Behobia, 2+1 motako bide bihurtzea, 52+670 k.p.tik (Arrigazteluko tunelaren iparraldeko ahoa) 68+440 k.p.ra bitarte (Gipuzkoako muga)”.
| Sección | I. Nafarroako Foru Komunitatea |
41. ALDIZKARIA - 2021eko otsailaren 23a 1. NAFARROAKO FORU KOMUNITATEA 1.7. BESTELAKOAK 5/2021 FORU AGINDUA, urtarrilaren 28koa, Lurralde Kohesiorako kontseilariak emana, behin-behineko onespena ematen diona proiektu honi: “N-121-A errepidea, Iruña-Behobia, 2+1 motako bide bihurtzea, 52+670 k.p.tik (Arrigazteluko tunelaren iparraldeko ahoa) 68+440 k.p.ra bitarte (Gipuzkoako muga)”. Proiektu hau aurkeztu da behin-behineko onespena emateko: “N-121-A errepidea, Iruña-Behobia, 2+1 motako bide bihurtzea, 52+670 k.p.tik (Arrigazteluko tunelaren iparraldeko ahoa) 68+440 k.p.ra bitarte (Gipuzkoako muga)”.
N-121-A errepidearen funtzionamendua eta bide segurtasuna hobetzeko asmoz, erabaki da 2+1 motako errepide bihurtzea.
Proposatu den diseinuarekin, ezin izanen da kontrako noranzkoko erreia erabiliz aurreratu, eta bidegurutzeetan baizik ezin izanen da ezkerretara biratu.
2019ko martxoaren 28an, proiektuaren jendaurreko informazioaren tramitea hasi zen, ingurumen prozeduraren barruan. Jasotako alegazioak aztertu ondoren, teknikoki egokitzat jo diren aldaketa batzuk egin zaizkio proiektuari.
Ondoren azaltzen dira, egungo egoerarekin alderatuta, diseinu berriak ekarriko dituen aldaketa nagusiak:
Ibilbide osoan, 1 m zabal den eta metalezko hesia duen erdibitzaile batek bereiziko ditu bi noranzkoak. Erdibitzailea 2 metrokoa izanen da Larrakaitz eta Basataundi tunelen artean eta 65+400 k.p.tik 67+500 k.p.ra bitarte.
53+500 k.p.an NA-1210 errepidearekin dagoen bidegurutzearen tipologia ez da aldatuko (biribilgune zatitua), baina N-121 A errepidean errei bat kenduko da. Horrela, errepidea gurutzatzeko behar diren mugimenduen segurtasuna errazten eta handitzen da. Gainera, eskuinean dagoen bidea NA-1210 errepidearekin lotuko da.
54+600 p.k.tik 55+700 k.p.ra artean, tarte horren segurtasuna hobetzearren, gaur egun dagoen zeharkako sekzioa aldatuko da: noranzko bakoitzean errei bakar bat utziko da eta 2 m zabal den eta metalezko hesia duen erdibitzaile bat paratuko da.
63+700 k.p.tik 64+000 k.p.ra bitarte (Alkaiagako tunelaren hegoaldeko ahoa): Beratik hegoaldera ateratzeko modua errazteko, hirugarren erreia sortuko da, itxaroteko eta azeleratzeko. Gainera, 63+760 k.p.an dagoen biribilgune zatitua biribilgune osoa bihurtuko da, Armasako harrobitik eta Alkaiaga auzotik ateratzeko eta sartzeko mugimenduen segurtasuna hobetzeko, baita, Iruñerantz joanda, Berara sartzen diren ibilgailuena ere.
64 +800 k.p.: Zalaingo lotunean, hegoaldera joateko azelerazio erreia luzatzen da.
Biribilgune berria 65+320 k.p.an: 30 metroko barne-diametroa duen biribilgune berri bat proiektatu da, trafikoa lasaitzeko eta, orobat, Beratik ateratzeko mugimenduak eta N-121-A errepidearen ezkerreko bazterrean dagoen industrialdean sartzekoak hobetzeko. Biribilguneari esker, aukera egonen da Berara iparraldetik sartzeko, orain ezinezkoa baita.
65+460 k.p.tik 65+900 k.p.ra bitarte: 66+120 k.p.an dagoen lotunetik N-121-A errepidean, hegoalderantz, sartzeko modua hobetzen da, azelerazio erreia luzatuz.
Proiektua jendaurrean jartzeko idatzi den dokumentuak biltzen ditu Nafarroako Errepideei buruzko martxoaren 23ko 5/2007 Foru Legeak eskatutako agiriak.
Horrenbestez, Azterlan eta Proiektuen Zerbitzuak egindako txostenarekin eta hark proposatu duenarekin bat, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak xedatzen duenarekin bat,
AGINTZEN DUT:
1. Behin-behineko onespena ematea eraikuntza proiektu honi: “N-121-A errepidea, Iruña-Behobia, 2+1 motako bide bihurtzea, 52+670 k.p.tik (Arrigazteluko tunelaren iparraldeko ahoa) 68+440 k.p.ra bitarte (Gipuzkoako muga)”.
2. Hasiera ematea proiektuak ukitutako ondasun eta eskubideen desjabetze espedienteari (eranskinean ageri da ondasun eta eskubide horien zerrenda).
3. Proiektua jendaurrean jartzea hilabetez, bai proiektuaren eduki teknikoari, bai lurrak okupatu beharrari dagokienez, desjabetu ahal izateko. Epe horretan, egokitzat jotzen diren ohar edo alegazioak egiten ahalko dira, idatziz. Interesdunek eskura izanen dute proiektua Lurralde Kohesiorako Departamentuko Herri-lanen eta Azpiegituren Zuzendaritza Nagusiaren web-orrian eta Sunbillako, Igantziko, Lesakako, Etxalarko eta Berako udaletxeetan.
4. Foru agindu hau Nafarroako Aldizkari Ofizialean eta departamentuaren web-orrian argitaratzea, eta dagokion iragarkia bidaltzea Foru Komunitatean hedapen handiena duten egunkarietako bitara.
5. Foru agindu hau jakinaraztea Azterlan eta Proiektuen Zerbitzuari, Desjabetze Atalari eta Sunbillako, Igantziko, Lesakako, Etxalarko eta Berako udalei, eta azken horiek...
Para continuar leyendo
Solicita tu prueba