315/2019 FORU DEKRETUA, azaroaren 13koa, Nafarroako Foru Komunitateko Administrazioaren eta haren erakunde autonomoen 2019ko lan publikoaren eskaintza partziala onesten duena unibertsitateaz kanpoko irakasleentzat. Ekainaren 27ko 3/2017 Legean aurreikusitako egonkortze-tasari zegokion lan publikoaren eskaintzan bete gabe gelditu ziren lanpostuak eskaintzen dira.
| Sección | I. Nafarroako Foru Komunitatea |
Ekainaren 6ko 44/2018 Foru Dekretuaren bidez (2018ko 109. Nafarroako Aldizkari Ofizialean argitaratua, ekainaren 7koan), Nafarroako Foru Komunitateko Administrazioaren eta haren erakunde autonomoen 2018ko lan publikoaren eskaintza partziala onetsi zen unibertsitateaz kanpoko irakasleentzat. 2017ko Estatuaren Aurrekontu Orokorren ekainaren 27ko 3/2017 Legean aurreikusitako egonkortze-tasari zegokion eskaintza hori.
Hezkuntza Departamentuak adierazi du zenbait lanpostu bete gabe gelditu direla hautaprobak egin ondoan, eta, hortaz, 2019rako 92 lanpostu eskaintzen ahal direla berriz, Hezkuntzako Departamentuko unibertsitateaz kanpoko irakasle izateko, lehen aipatutako 44/2018 Foru Dekretuan ezarritako espezialitate eta hizkuntzetan.
Lehendakaritzako, Berdintasuneko, Funtzio Publikoko eta Barneko Departamentuak eta Hezkuntza Departamentuak Nafarroako Gobernuari proposatu diote lan publikoaren eskaintza partzial bat onesteko, ekainaren 27ko 3/2017 Legean aurreikusitako egonkortze-tasari zegokion lan publikoaren eskaintzan bete gabe gelditu ziren 92 lanpostuak eskaintzeko. Hezkuntza Departamentuko unibertsitateaz kanpoko irakasle izateko dira lanpostu horiek.
92 lanpostu horiek hutsik ageri dira plantilla organikoan, eta aurrekontuetan bada horiek betetzeko adina kreditu.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hemeretziko azaroaren hamahiruan egindako bilkuran harturiko erabakiarekin bat,
DEKRETATZEN DUT:
Artikulu bakarra.–Nafarroako Foru Komunitateko Administrazioaren eta haren erakunde autonomoen lan publikoaren eskaintza partziala onestea.
1.1. Lan publikoaren eskaintza partzial bat onetsi da Nafarroako Foru Komunitateko Administraziorako eta haren erakunde autonomoetarako, 2019. urterako. Hezkuntza Departamentuko unibertsitateaz kanpoko irakasle izateko 92 lanpostu biltzen ditu, zeinak bete gabe gelditu baitziren, eta Estatuko 2017ko Aurrekontu Orokorrei buruzko ekainaren 27ko 3/2017 Legearen 19.Bat.6 artikuluan aurreikusitako egonkortze-tasari dagozkio.
1.2. Hauek dira lanpostuen xehetasunak:
HEZKUNTZA DEPARTAMENTUA
Hezkuntza Baliabideen Zuzendaritza Nagusia
–Musikako eta Arte Eszenikoetako katedraduna. Espezialitatea: Klarinetea (gaztelaniaz). Lanpostu huts bat, funtzionarioen araubidekoa, A mailakoa. Lanpostuaren zenbakia plantilla organikoan: 33108.
–Musikako eta Arte Eszenikoetako katedraduna. Espezialitatea: Konposizioa (gaztelaniaz)...
Para continuar leyendo
Solicita tu prueba