28/2018 FORU AGINDUA, otsailaren 26koa, Ogasuneko eta Finantza Politikako kontseilariak emana, zeinaren bidez 2018. urterako eguneratzen baitira Pertsona Fisikoen Errentaren gaineko Zergari buruzko Foru Legearen testu bateginaren 68. artikuluan ezarritako zenbatekoak, alargun- eta erretiro-pentsioengatiko kenkariei dagozkienak.
| Sección | I. Nafarroako Foru Komunitatea |
Ekainaren 2ko 4/2008 Legegintzako Foru Dekretuak onetsitako Pertsona Fisikoen Errentaren gaineko Zergari buruzko Foru Legearen testu bateginaren 68. artikuluak alargun- eta erretiro-pentsioengatiko kenkariak arautzen ditu, eta kasu bakoitzean aplikagarria den kenkaria kalkulatzeko zenbatekoak jasotzen ditu.
68.A).4.3 artikuluak ezartzen du aipatu A) letran (“Alargun-pentsioengatiko kenkariak”) jasotako zenbatekoak 2017an aplikatuko direla, eta hurrengo urteetan eguneratuko direla Nafarroako KPIaren igoeraren eta Nafarroako batez besteko soldaten artean balio handienaren arabera, erregelamenduz ezartzen den moduan.
Bestalde, 68.B).4.4 artikuluak ezartzen du aipatu B) letran (“Kotizaziopeko erretiro-pentsioengatiko kenkariak”) jasotako zenbatekoak 2017an aplikatuko direla, eta hurrengo urteetan honela eguneratu beharko direla:
-
Kenkaria kalkulatzeko kontuan hartu beharreko zenbatekoak:
2018. urtean, Nafarroako KPIaren igoeraren eta 2017ko Nafarroako batez besteko soldaten arteko balio handiena 9.631,4ri aplikatuz eguneratuko dira.
2019. urtean, Nafarroako KPIaren igoeraren eta 2017ko eta 2018ko Nafarroako batez besteko soldaten arteko balio handiena 9.906,4ri aplikatuz eguneratuko dira, erregelamenduz ezartzen den moduan.
Hurrengo urteetan, zenbatekoa Nafarroako KPIaren igoeraren eta Nafarroako batez besteko soldaten artean balio handiena aurreko urteko zenbatekoari aplikatzetik datorrena izanen da, erregelamenduz ezartzen den moduan.
-
Errenten muga kalkulatzeko kontuan hartu beharreko zenbatekoak:
Nafarroako KPIaren igoeraren eta Nafarroako batez besteko soldaten artean balio handienaren arabera eguneratuko da, erregelamenduz ezartzen den moduan.
Nafarroako Estatistika Institutuak 2018ko urtarrilaren 12an argitaratutako datuen arabera, Nafarroako KPIaren urteko igoeraren batez bestekoa %1,6koa da 2017an.
Bestalde, lan kostuen gaineko hiru hilean behingo inkestaren datuen arabera, soldaten kostu arrunta, 2017ko lehendabiziko hiru hiruhilekoak eta 2016ko azkena kontuan hartuta, 1.765,20 eurokoa da batez beste. Datu horiek Nafarroako Estatistika Institutuak argitaratu ditu. Zenbateko hori urtez...
Para continuar leyendo
Solicita tu prueba