25/2019 FORU AGINDUA, martxoaren 27koa, Garapen Ekonomikorako kontseilariak emana, “Cordovillako goi-lautadako eremu urbanizatu berrira oinez eta bizikletaz sartzeko bide berria” izeneko proiektua jendaurrean egoteko aldia ebazten duena, ukitutako ondasun eta eskubideen ondorioetarako, eta proiektua behin betiko onesten duena.
| Sección | I. Nafarroako Foru Komunitatea |
Garapen Ekonomikorako kontseilariaren martxoaren 22ko 15/2018 Foru Aginduaren bidez, behin-behinekoz onetsi zen “Cordovillako goi-lautadako eremu urbanizatu berrira oinez eta bizikletaz sartzeko bide berria” izeneko proiektua.
Jendaurreko aldia bukaturik, alegazio batzuk jaso dira. Hona hemen alegazioen edukia eta horiei emandako erantzuna:
–1. alegazioa, Ignacio Muñoz Vizcaíno jaunak aurkeztua, Autopistas de Navarra SAren izenean.
Adierazi du ezen, trafiko alternatiboaren ondorioz, eta kamioien eta obrako makineriaren joan-etorrien ondorioz ere, auto-ilarak sortzen ahal direla Mendebaldeko Ingurabidearen (A-15) lotuneko adarretan, eta auto-ilara horiek sortzen diren unean dagoen trafikoaren intentsitatearen arabera, A-15aren enborreraino iristen ahalko direla, Ezkirotzeko lotuneko adarrak ez direlako oso luzeak. Horrenbestez, eskaera egiten du obraren kontratista adjudikaziodunak dagoen trafikoa nahitaez zaindu dezan eta Audenasaren koordinazio zentroari abisua eman diezaion. Gainera, obra hasi aurretik, bilera bat eginen da kontratistaren ordezkarien eta Audenasaren ordezkarien artean.
Erantzuna:
Aintzat hartu da alegatutakoa, eta adierazitakoa ezartzen duen klausula bat sartuko da eraikuntza proiektuan.
–2. alegazioa, Vicente Taberna Irazoqui jaunak aurkeztua, Iruñeko Udaleko Hirigintza Gerentziako gerentea den aldetik.
Adierazi du agian ez dela beharrezkoa lur azpiko pasabide bat egiteko konponbidera jotzea, sakagailua duen oinezkoentzako pasabidea nahikoa izan daitekeelako. Bizikletan egiteko bideari dagokionez, irtenbide hobea zen espaloi batek eta bizikleta-pista batek osatutako zerrenda bat jartzea, zuhaitzen ilara osagarri batek bereizita, espaloia zuinkatzeko.
Erantzuna:
Alegatutakoa ezetsi da. Baztertu egin zen sakagailudun semaforoa duen oinezkoentzako pasabidearen irtenbidea, Herri Lan Zuzendaritza Nagusiak ez duelako baimenik ematen mota horretako bidegurutzeak jartzeko hirigunetik kanpo dauden errepideetan. Oinezkoentzako eta bizikletentzako bidearen diseinuari dagokionez, zabor-legarrezko zorua jarri da, 20 zentimetroko zabalerakoa; izan ere, 600 metroko luzeran, gutxi gorabehera, bat dator Probintzietako Errege Altxonbidearekin. Ingurune Naturalaren Zerbitzuak baimena eman du altxonbidea oinezkoentzako eta bizikletentzako bidearekin erabiltzeko aipatutako baldintzapean.
–3. alegazioa, Carlos Tamburri Moso jaunak aurkeztua, Cordovillako UPSaren AR-01 banaketa eremuko konpentsazio batzordeko burua den aldetik.
Adierazi du...
Para continuar leyendo
Solicita tu prueba