20/2015 FORU LEGEA, azaroaren 25ekoa, 327.800 euroko kreditu-gehikuntza ematen duena, Pablo Sarasate Fundazioaren funtzionamendu eta jarduera gastuak, 2014-2015 denboraldiko azken hiruhilekokoak, ordaintzeko diru-laguntza handitzeko.
| Sección | I. Nafarroako Foru Komunitatea |
NAFARROAKO GOBERNUKO LEHENDAKARIA NAIZEN HONEK
Aditzera ematen dut Nafarroako Parlamentuak onetsi duela honako
FORU LEGEA, 327.800 EUROKO KREDITU-GEHIKUNTZA EMATEN DUENA, PABLO SARASATE FUNDAZIOAREN FUNTZIONAMENDU ETA JARDUERA GASTUAK, 2014-2015 DENBORALDIKO AZKEN HIRUHILEKOKOAK, ORDAINTZEKO DIRU-LAGUNTZA HANDITZEKO
Zioen azalpena
Nafarroako Orkestra Sinfonikoaren xede nagusia musika gizartean zabaltzea da. Nafarroako Orkestra Sinfonikoak Pablo Sarasatek 1879an sortutako Santa Cecilia Orkestran du jatorria. Nafarroako Gobernuak eta Sociedad de Conciertos Santa Cecilia elkarteak 1997an sortu zuten Pablo Sarasate Fundazioak kudeatzen du.
Nafarroako Gobernuak Pablo Sarasate Fundazioari azken urteotan egindako diru-ekarpena diru-laguntzak arautzen dituzten hitzarmenen bidez ezarri da, eta haren zenbatekoa kasuan kasuko ekitaldiko Nafarroako Aurrekontu Orokorretan “Pablo Sarasate Fundazioarekiko Hitzarmena. Funtzionamendu gastuak” izeneko kontu-sail izendunean jasotzen da.
Kontu-sail horretako aurrekontu kreditua beheraka joan da, nabarmen: 2008an jasotako 4.900.400 euroko kopurua 3.700.000 eurora jaitsi zen 2012an. 2015ean Pablo Sarasate Fundazioari emandako diru-laguntza 3.650.000 eurokoa izan zen, eta kontu-sailean 72.200 euroko gerakina egon zen.
Pablo Sarasate Fundazioak 327.800 euro gehiagoko diru-laguntza behar du 2014-2015 denboraldiko azken hiruhilekoan izandako funtzionamendu eta jarduera gastuak ordaintzeko.
Nafarroako Ogasun Publikoari buruzko apirilaren 4ko 13/2007 Foru Legearen 4. artikuluak ezartzen duenez, foru lege bidez arautuko dira Nafarroako aurrekontu orokorrak, eta horien aldaketak ere bai, kreditu bereziak edo kreditu-gehikuntzak emateari buruzkoak badira.
Esandako guztiagatik, Nafarroako Ogasun Publikoari buruzko apirilaren 4ko 13/2007 Foru Legearen 48. artikuluan ezarritakoarekin bat, beharrezkoa da kreditu-gehikuntza bat eman dadin onestea, Pablo Sarasate Fundazioaren funtzionamendu eta jarduera gastuak, 2014-2015 denboraldiko azken hiruhilekokoak, ordaintzeko diru-laguntza handitzeko.
Artikulu bakarra.–Kreditu-gehikuntza ematea.
-
327.800 euroko kreditu-gehikuntza ematea onesten da, Pablo Sarasate Fundazioaren funtzionamendu eta jarduera...
Para continuar leyendo
Solicita tu prueba