157/2017 FORU AGINDUA, abenduaren 19koa, Ogasuneko eta Finantza Politikako kontseilariak emana,180 eredua onesten duena (“errentamenduaren edo azpierrentamenduaren ondoriozko errenta edo etekin batzuei dagozkien atxikipenen eta konturako sarreren urteko laburpena; atxikipenak eta konturako sarrera horiek pertsona fisikoen errentaren gaineko, sozietateen gaineko eta egoitza ez dutenen errentaren gaineko (finkagune iraunkorra) zergetakoak dira”).
| Sección | I. Nafarroako Foru Komunitatea |
Abenduaren 28ko 25/2016 Foru Legearen bidez (zenbait zerga aldatzeari eta beste tributu-neurri batzuk hartzeari buruzkoa zen foru lege hori), berrogeita hamargarren xedapen gehigarri bat erantsi zion Pertsona Fisikoen Errentaren gaineko Zergari buruzko Foru Legearen testu bateginari. Hark atxikipen betebehar berri bat sortu zuen landa higiezinen errentamenduetarako edo azpierrentamenduetarako, eta atxikipen-portzentaje bat ezarri zen, edo konturako sarreren portzentaje bat, hiri higiezinetarako.
Halaber, Sozietateen gaineko Zergaren abenduaren 28ko 26/2016 Foru Legearen hamabosgarren xedapen gehigarriak antzeko atxikipen bat ezartzen du kontzeptu berarengatik, eta ezartzen du ezen atxikipen-portzentajea edo konturako sarreraren portzentajea erabiliko direla, oro har aplikatzekoak.
Ez-egoiliarren errentaren gaineko zergari dagokionez, martxoaren 5eko 5/2004 Legegintzako Errege Dekretuaren 23. artikuluak xedatzen du ezen establezimendu iraunkorrek izanen dutela sozietateen gaineko zergaren atxikipen araubidea, jasotzen dituzten errentengatik.
Hala, atxikitzaileak edo konturako sarrera egitera behartuta dagoenak, baldin kapital etekinak jasotzen baditu landa ondasun higiezinen errentamendu edo azpierrentamenduarengatik, beharko du, batetik, deklarazioa aurkeztu, eta atxikitako zenbatekoak edo konturako sarrerak sartu, likidazioari dagozkionak, 759 eta 760 ereduko ordainketa-gutunen bidez, eta, bestetik, aurkeztu beharko du aurreko urtean izandako atxikipenen eta konturako sarreren urteko laburpena.
Kontuan izanik zer antzekotasun duen informazio betebehar berri honek hiri higiezinen errentamendu edo azpierrentamenduetako betebeharrarekin, komenigarritzat jotzen da betebehar hori 180 ereduan sartzea, hor deklaratzen baitira aipatutako hiri ondasunen etekinak eta sarrerak.
Ekonomia eta Ogasuneko kontseilariaren abenduaren 29ko 295/2000 Foru Aginduaren bidez, onetsi zen pezeta eta eurotako 180. eredua. Eredu horren bidez, hiri higiezinen errentamendu edo azpierrentamenduaren ondoriozko errenta edo etekin batzuei dagozkien atxikipenen eta konturako sarreren urteko laburpena eginen zen; atxikipenak eta konturako sarrerak pertsona fisikoen errentaren gaineko, sozietateen gaineko eta egoitza ez dutenen errentaren gaineko (finkagune iraunkorra) zergetakoak ziren. Aldi berean, aipatu 180. ereduen barneko orriak ordenagailuz zuzenean irakurtzeko euskarriekin ordezkatzeko diseinu fisiko eta logikoak ere onetsi ziren.
Bestalde, aipatutako foru aginduak argitaratu zenetik izan dituen aldaketak arau bakarrean biltzeko, eta beharra dagoenez aurkezteko moduak eguneratzeko eta, zuzenean ordenagailuz irakurtzeko moduko euskarrietan, zehaztapen teknikoak egokitzeko, komeni da 180 eredu berria onestea.
Maiatzaren 24ko 174/1999 Foru Dekretuaren bidez onetsitako Pertsona Fisikoen Errentaren gaineko Zergaren Erregelamenduaren 90.5 artikuluak, baita Sozietateen gaineko Zergari buruzko abenduaren 28ko 26/2016 Foru Legearen 79.5 artikuluak ere, eta urriaren 13ko 282/1997 Foru Dekretuaren bidez onetsitako Sozietateen gaineko Zergaren Erregelamenduaren 40.6 artikuluak, Ogasuneko eta Finantza Politikako kontseilariari ahalmena ematen diote behar diren aitorpen ereduak onesteko eta erabakitzeko nola eta non egin behar den diren aitorpena eta sarrera.
Hitzarmen Ekonomikoaren 46.1 artikuluak ezartzen du ezen atxikipenen eta konturako sarreren laburpenak aurkeztu beharko direla, kasuan kasuko araudiaren arabera, haietan sartu behar diren atxikipenak eta konturako sarrerak ordainarazteko eskumena duen administrazioan.
Hala, 13. artikuluak ezartzen du ezen ondasun higiezinen errentamendu eta azpierrentamenduetatik eratorritakoen atxikipipenak eta konturako sarrerak exijituko dituela Nafarroako Foru Komunitateak, bere araudiaren arabera, baldin atxikipenak edo konturako sarrerak egitera behartuta dagoenak helbide fiskala Nafarroan badu. Halaber, adierazten du ezen entitateei ordaindutako zenbatekoei dagozkien atxikipenak eta konturako sarrerak, baldin, errentak egozteko araubidearekin bat, PFEZaren zergadunei egotzi badira, egoki den Administrazioak exijituko dituela, hots, atxikipena edo konturako sarrera egiteko betebeharra duenak non duen helbide fiskala, lurralde horretako Administrazioak.
Bestalde, 25. artikuluak aplikatzen ditu, sozietateen gaineko zergaren sorburuko atxikipenetarako eta konturako sarreretarako, Pertsona Fisikoen Errenten gaineko Zergarako Hitzarmenean ezarritako irizpideak.
Horrenbestez, aipatutako xedapenetan ezarritakoarekin bat, baita Tributuei buruzko abenduaren 14ko 13/2000 Foru Lege Orokorraren 6. artikuluak emandako ahalmen orokorrean ezarritakoarekin bat ere,
AGINDU DUT:
-
artikulua. 180 ereduaren onespena.
-
Onesten da 180...
Para continuar leyendo
Solicita tu prueba