11/2018 FORU LEGEA, maiatzaren 30ekoa, Sociedad de Desarrollo de Navarra SLri baimena ematen diona baimen eta abal zehatz batzuk eman diezazkion Parque de la Naturaleza de Navarra SAri.
| Sección | I. Nafarroako Foru Komunitatea |
NAFARROAKO FORU KOMUNITATEKO LEHENDAKARIA NAIZEN HONEK.
Aditzera ematen dut Nafarroako Parlamentuak onetsi duela honako:
FORU LEGEA, SOCIEDAD DE DESARROLLO DE NAVARRA SLRI BAIMENA EMATEN DIONA BAIMEN ETA ABAL ZEHATZ BATZUK EMAN DIEZAZKION PARQUE DE LA NATURALEZA DE NAVARRA SARI.
ATARIKOA
Sociedad de Desarrollo de Navarra SL sozietate publikoak berariazko baimena eskatu dio Parlamentuari zenbait mailegu eta/edo abal eragiketa formalizatzeko Parque de la Naturaleza de Navarra SArekin.
Maiatzaren 16ko 10/2014 Foru Legeak egin zion aldaketaren ondoren, Nafarroako Ogasun Publikoari buruzko apirilaren 4ko 13/2007 Foru Legearen 75. artikuluaren 3. apartatuan eta 82.ter artikuluaren 2. apartatuan Parlamentuaren berariazko baimena exigitzen da edozein pertsona fisiko edo juridiko abalen edo maileguen onuradun izateko, haien zenbatekoa ekitaldi bakoitzeko Nafarroako Aurrekontu Orokorrei buruzko Foru Legean ezarritako gehieneko arrisku biziaren ehuneko 5etik gorakoa denean. Gehieneko arrisku bizia entitate emailearen araberakoa izanen da; hau da, abalak edo maileguak nork emanak diren: Nafarroako Foru Komunitateko Administrazioak ala haren menpeko entitateek.
Maiatzaren 16ko 10/2014 Foru Legea urriaren 28ko 19/2014 Foru Legeak aldatu zuen, zeinak xedapen iragankor bakarra gehitu baitzion. Bertan ezartzen denez, sozietate publikoek eman beharreko abal eta maileguen gehieneko arrisku bizia 185 milioi eurokoa da abalen kasuan, eta 180 milioi eurokoa, maileguenean. Xedapen iragankor horrek halaber ezartzen du, gehieneko zenbateko horiek aurrekontuei buruzko kasuko foru legearen bidez ezartzen ez direnerako, ezen abal eta maileguen gehieneko arrisku bizia hau izanen dela hurrengo ekitaldietan: aurreko ekitaldiaren amaieran dagoen gehieneko arrisku biziari 15 eta 30 milioi euro gehitzearen emaitza, hurrenez hurren. Aldaketa berri hori 2014ko azaroaren 12ko Nafarroako Aldizkari Ofizialean argitaratu zen, eta biharamunean hartu zuen indarra.
Lege-xedapen horiekin eta Nafarroako Aurrekontu Orokorrei buruzko ondorengo foru legeekin bat, enpresa entitate publikoen, fundazio publikoen eta sozietate publikoen maileguetarako gehieneko arrisku biziaren zenbatekoa 180.000.000 eurotik 100.507.924 eurora bitartekoa da; beraz, zenbateko horien % 5, hurrenez hurren, 9.000.000 euro da gehienez, eta 5.025.396 euro, gutxienez. Bestetik, abaletarako gehieneko arrisku biziaren zenbatekoa 185.000.000 eurotik 111.000.000 eurora bitartekoa da; beraz, zenbateko horien % 5...
Para continuar leyendo
Solicita tu prueba