207/2013 FORU AGINDUA, martxoaren 4koa, Gizarte Politiketako kontseilariak emana, Nafarroako kirolen federazioei diru-laguntzak emateko oinarri arautzaileak onesten dituena.

SecciónI. Nafarroako Foru Komunitatea

Uztailaren 5eko 15/2001 Foru Legeak, Nafarroako Kirolari buruzkoak, 6.1 artikuluan ezartzen duenaren arabera, Foru Komunitateko kirol administrazioari dagokio, egun Nafarroako Kirolaren eta Gazteriaren Institutuaren bitartez, Nafarroako Gobernuaren kirol gaietako politika planifikatu eta betearaztea. 6.2. e) artikuluan adierazten da haren eskumenen artean dagoela Nafarroako kirol federazioak, esleitu zaizkien eginkizun publikoak betetzen ari direnean, koordinatu eta begiratzea, haien jarduera pribatua ezertan eragotzi gabe.

Aipatutako foru legeak, 33.a) artikuluan, zehazten du Foru Komunitateko kirol administrazioak diru-laguntzak ematen ahal dizkiela Nafarroako kirol federazioei.

Nafarroako Gobernuak 2013ko otsailaren 13an hartutako Erabakiaren bidez, Gizarte Politiketako kontseilariari baimena eman zitzaion 2013ko ekitaldiari egotzi beharreko 2.222.594 euroko gastuaren konpromisoa hartzeko, diru-laguntzen zenbait deialdi onesteko. Deialdi horien artean, Nafarroako kirol federazioentzakoa dago. 2.000.000 eurokoa da. Horietatik, 1.940.000 euro 940002 95120 4819 336100 kontu-sailaren kargura izanen dira (Federazioentzako eta Kirol Teknifikazioko Zentroetarako diru-laguntzak), 40.000 euro 940002 95120 4819 336106 kontu-sailaren kargura (Nafarroako selekzioen janzkiak), eta 20.000 euro 940002 95120 7819 336100 kontu-sailaren kargura (Kirol federazioen ekipamendua). Kontu-sail guztiak 2013ra luzatutako 2012ko gastuen aurrekontuari dagozkio.

Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legeak eta Gizarte Politiketako Departamentuaren egitura organikoa ezartzen duen uztailaren 25eko 73/2012 Foru Dekretuak emandako eskudantziak erabiliz,

AGINDU DUT:

  1. Nafarroako kirolen federazioei diru-laguntzak norgehiagokako araubidean emateko oinarri arautzaileak onestea. Haien testua I. eranskinean eta II. eranskinean dago.

  2. 2.000.000,00 euroko gastua baimentzea, diru-laguntza horiek 2013an emateko, 2013ko Nafarroako Aurrekontu Orokorren ondoko kontu-sailen kargura:

    –1.940.000,00 euro “Federazioentzako eta Kirol Teknifikazioko Zentroetarako diru-laguntzak” izeneko 940002 95120 4819 336100 kontu-sailaren kargura.

    –40.000,00 euro “Nafarroako selekzioen janzkiak” izeneko 940002-95120-4819-336106 kontu-sailaren kargura.

    –20.000,00 euro “Kirol federazioen ekipamendua” izeneko 940002 95120 7819 336100 kontu-sailaren kargura.

  3. Aurreko puntuan aipatutako aurrekontuko kontu-sail horietan diru erabilgarria badago hurrengo ekitaldietan, horiek erants dakizkieke urteko diru-laguntzetarako hasieran aurreikusitako zenbatekoei.

  4. Baimena ematea Nafarroako Kirolaren eta Gazteriaren Institutuko zuzendari kudeatzaileari deialdi horretarako behar den gasturako baimena onesteko, hurrengo urteetan Nafarroako Aurrekontu Orokorretan horretarako gaitzen diren kontu-sailen kargura. Diru-laguntzen banaketa, betiere, ekitaldi bakoitzeko aurrekontuan helburu horretarako kreditu egoki eta aski izatearen baldintzapean egonen da.

  5. 2013rako, foru agindu hau onetsi baino lehenago aurkezten ahalko ziren diru-laguntzen eskaerak foru agindu honetan ezarritako araudiari jarraikiz tramitatuko dira.

  6. Foru agindu hau eta eranskinak Nafarroako Aldizkari Ofizialean argitaratzea, behar diren ondorioak izan ditzaten.

    Iruñean, 2013ko martxoaren 4an.–Gizarte Politiketako kontseilaria, Iñigo Alli Martínez.

    1. ERANSKINA

    Nafarroako kirol federazioei diru-laguntzak emateko deialdia. Oinarri arautzaileak

  7. oinarria. Xedea.

  8. Deialdi honen xedea da Nafarroako kirol federazioen diru-laguntzen kontzesioa arautzea.

  9. Diru-laguntza horiek emanez Nafarroako kirol federazioak babestu nahi dira, Nafarroako Kirolari buruzko uztailaren 5eko 15/2001 Foru Legeak eta hura gero garatu zutenek ezartzen dituzten eginkizunak betetzeko asmoz.

  10. Kontzesioaren araubidea, Diru-laguntzei buruzko azaroaren 9ko 11/2005 Foru Legean aurreikusitakoaren arabera, norgehiagokakoa izanen da.

  11. oinarria. Federazioen baldintzak onuradunak izateko.

  12. Nafarroako Kirol Entitateen Erregistroan inskribatuta egotea.

  13. Zerga guztiak ordainduak izatea eta Gizarte Segurantzan dagokiena ere betea izatea.

  14. Diru-laguntzen onuraduna izateko, Diru-laguntzei buruzko azaroaren 9ko 11/2005 Foru Legearen 13. artikuluan ezarritako debekuetatik kanpo egon beharko du.

  15. Kontabilitate Plan Orokorrera egokitutako kontabilitatea eramatea, Gizarte Ongizate, Kirol eta Gazteria kontseilariaren abenduaren 12ko 91/2003 Foru Aginduaren bidez (edo hura ordezten duen araudiaren bidez) Nafarroako Kirol Federazioentzat onetsitako egokitzapenaren araberakoa. Kontabilitatearen berariazko aplikazioak sortu behar dira, 4. oinarrian bildutako diru-laguntzen kontzeptu guztiak eta haiei atxikitako kontabilitateko konpromisoak banan-banan agertzeko.

  16. Federazioek antolatutako jardueren ondoriozko erantzukizun zibila babesten duen aseguru bat kontratatuta edukitzea, bai entitatearentzat berarentzat, bai haren izenean ari diren pertsonentzat ere (zuzendaritza taldekoentzat eta langileentzat).

  17. oinarria. Diruz laguntzen ahal diren kontzeptuak.

  18. Gastu orokorrak eta administraziokoak.

  19. Langileria gastuak.

  20. Lehiaketa ofizial nazionaletan parte hartzea.

  21. Lehiaketa ofizial nazional eta nazioartekoen antolaketa.

  22. Nafarroa mailako jarduera ofizialak.

  23. Sustapen jarduerak.

  24. Prestakuntza jarduerak.

  25. Errendimendu programak.

  26. Kirol jantziak.

  27. Material inbentariagarriaren ekipamendua.

  28. oinarria. Eskaerak aurkeztea.

  29. Eskaerak Nafarroako Kirolaren eta Gazteriaren Institutuko Erregistroan aurkeztuko dira edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4. artikuluan aurreikusten diren prozeduren bidez.

  30. Eskaera Nafarroako Kirolaren eta Gazteriaren Institutuari zuzenduko zaio, horretarako ezarritako eredu ofizialari jarraikiz.

  31. Laguntza zer urtetarako eskatzen den, aurreko urteko abendua baino lehenago aurkeztuko dira eskaerak. Salbuespenez, 2013rako, eskaerak aurkezteko epea 30 egun baliodunekoa izanen da, araudi hau Nafarroako Aldizkari Ofizialean argitaratu eta biharamunetik hasita.

  32. Eskaerak postaz aurkez daitezke. Kasu horretan, interesdunak dagokion ziurtagiriarekin frogatu beharko du zein egunetan egin zuen igorketa posta bulegoan eta, egun berean, diru-laguntza kudeatzen duen organoari iragarri behar dio, telefaxa, telexa edo telegrama erabiliz, proposamena igorri duela. Bi baldintza horiek bete ezean dokumentazioa ez da onartuko hura aurkezteko ezarritako epetik kanpo jasotzen bada. Halaber, epea amaitu eta 10 egun natural iraganik dokumentaziorik jaso ez bada, ez da inola ere onartuko.

  33. oinarria. Dokumentazioa.

    Honako dokumentazio hau aurkeztu behar da, Nafarroako Kirolaren eta Gazteriaren Institutuan ezarritako ereduekin bat.

  34. Eskaeraren inprimaki orokorra.

  35. Diru-laguntzen onuraduna izateko, Diru-laguntzei buruzko azaroaren 9ko 11/2005 Foru Legearen 13. artikuluan ezarritako debekuetatik kanpo dagoela dioen aitorpena.

  36. Ekonomia, Ogasun, Industria eta Enplegu Departamentuaren ziurtagiri indarduna, Foru Ogasunarekiko zerga betebeharrak eguneratuta dituela frogatzen duena.

  37. Ziurtagiri indarduna, Gizarte Segurantzako Diruzaintza Orokorrak luzatua, lizitatzaileak Gizarte Segurantzarekiko betebehar guztiak eguneraturik dauzkala frogatzen duena.

  38. Federazioaren batzar nagusiak jardueraren proiektua eta aurrekontua eskaeraren urterako onetsi dituela frogatzen duen ziurtagiria. Zuzendaritza batzordearen ziurtagiri batekin ordezten ahal da agiri hori, eskaerak aurkezteko eperako ez bada batzar nagusia egin. Hala ere, batzar nagusiaren ziurtagiria aurkeztu beharko da federazio horri ordainketa egin baino lehenago.

  39. Berariazko eskaera jarduera ofizial nazionalak eta/edo nazioartekoak antolatzeko.

  40. Federazioko buruak sinatutako aitorpena, zehazten duena zein diren beste entitate batzuek emandako diru-laguntzak eta zertarako eman diren.

  41. Aurrekontua, Nafarroako kirol federazioetara egokitutako Kontabilitatearen Plan Orokorraren arabera.

  42. Jardueren urteko proiektua (3. oinarriko 3. ataletik 8.era).

  43. Jantziak eta/edo ekipamendua eskatzeko inprimakiak (3. oinarriko 9. eta 10. atalak).

  44. oinarria. Antolamendua eta instrukzioa.

  45. Nafarroako Kirolaren eta Gazteriaren Institutuko Kirol Zuzendariordetza Nagusia izanen da laguntza hauek emateko prozedura antolatu eta instruitzeko unitate organikoa.

  46. Aurkeztutako dokumentazioa aski ez bada edo deialdian eskatzen direnak betetzen ez baditu, entitate eskatzaileari galdeginen zaio, jaso izana egiaztatzen duen agiri baten bidez, hamar egun balioduneko epean dokumentazioa osatu edo akatsak zuzen ditzan, eta ohartaraziko zaio hala egin ezean ezetsi eginen dela bere eskaera, azaroaren 9ko 11/2005 Legeko 19.3. artikuluak dioen bezala.

  47. oinarria. Diru-laguntzaren balorazioa eta zenbatekoa.

  48. Aurkeztutako eskaeren balorazioan, eman beharreko diru-laguntzen zenbatekoa zehazteko, foru agindu honen II. eranskinean (baremoa) ezarritako irizpideak hartuko dira kontuan.

  49. Kontu-sail horietan behar adina diru erabilgarri badago dagokion ekitaldian, urteko diru-laguntzak emateko ebazpenaren aurretik, dirua hasieran aurreikusitakoari eransten ahal zaio. Horretarako, Nafarroako Kirolaren eta Gazteriaren Institutuko zuzendari kudeatzaileari baimena ematen zaio baimendutako gastua handitzeko, dagokion ekitaldian behar adina diru erabilgarri baldin badago kontu-sail horietan.

  50. oinarria. Balorazio Batzordea.

    Eskaeren gainean ebazteko Balorazio Batzorde bat eratuko da eta honako kide hauek izanen ditu: NKGIko Kirol zuzendariorde nagusia, Entitateen eta Kirol Errendimenduaren Ataleko burua, Kirola Sustatzeko Ataleko burua, Kirol Federazioen Bulegoko burua, Kirol Teknifikazioaren Bulegoko burua, Kluben eta Kirol Errendimenduaren Bulegoko burua eta NKGIko APTa (arlo juridikoa). Batzordeak ahalmena izanen du deialdi honetako oinarriak, irizpideak eta moduluak interpretatu eta aplikatzeko, baita diru-laguntzak aldatzeko proposamenak ere, federazioek betebeharrak betetzen ez dituztenean edo...

Para continuar leyendo

Solicita tu prueba

VLEX utiliza cookies de inicio de sesión para aportarte una mejor experiencia de navegación. Si haces click en 'Aceptar' o continúas navegando por esta web consideramos que aceptas nuestra política de cookies. ACEPTAR