44/2011 FORU DEKRETUA, maiatzaren 16koa, Nafarroa Atlantikoko Lurraldearen Antolamenduko Plana onesten duena.

SecciónI. Nafarroako Foru Komunitatea

Nafarroako Foru Komunitateak eskumen osoak ditu lurralde antolamenduko gaietan, halaxe agintzen baitu Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 44.1 artikuluak. Gaur egun indarrean dagoen Lurraldearen Antolamenduari eta Hirigintzari buruzko abenduaren 20ko 35/2002 Foru Legea eskumen esklusibo hori erabiliz onetsi zen.

Foru lege horren II. tituluko I. kapituluan lurraldea antolatzeko tresnak aipatzen dira, besteak beste Nafarroako Lurralde Estrategia (NLE) eta lurraldearen antolamenduko planak.

Nafarroako Lurralde Estrategia, Nafarroako Parlamentuko Ingurumen, Lurraldearen Antolamendu eta Etxebizitza Batzordeak 2005eko ekainaren 21eko bilkuran onetsia, erreferentziazko esparrua eta tresna orientagarria izan da lurraldearen antolamenduko plan hau egiterakoan. Hark zenbait eremu aurreikusten ditu Nafarroako Foru Komunitateko lurraldea eskala ertainean antolatzeko; beren lurraldearen homogeneotasunak bereizten dituen eremu geografikoak dira, edo, beren tamainagatik eta ezaugarri funtzionalengatik, osotasunean hartu behar direnak, lurraldearen arazoei modu bateratu eta koordinatuan ekiteko eta plan integratuak egiteko. Eremu horietako batzuek osatzen dute Nafarroa Atlantikoa, hots, LAP 2 deritzon lurraldearen antolamenduko plan honen esparrua.

Nafarroako Lurralde Estrategiak etorkizuneko Lurralde Garapeneko Eredua onesteko irizpideak ere ezartzen ditu. Eredu horrek espazioan eragina duten politika sektorialak gidatu behar ditu, kohesio ekonomiko eta sozial handiagoaren, garapen iraunkorraren eta lehiakortasun orekatuagoaren bidean jarriz.

LAP 2 plan honetan hautatu den lurralde garapeneko ereduak lau azpisistema edo ardatz estrategiko handi ditu: "Natur eta kultur ondarea", "Hiri sistema", "Komunikazioak, garraioa eta azpiegiturak" eta "Lankidetza eta koordinazioa". Horietako bakoitzerako helburu estrategiko nagusiak finkatu dira.

LAP 2 plan honen esparruak, Nafarroa Atlantikoak, 1.439,4 km²-ko azalera du, Nafarroako lurraldearen bostena inguru (inongo LAPetan sartu gabeko lurraldeak, hau da, Bardea eta Urbasa-Andia mendiak, kontuan hartzen ez baditugu), eta 2009ko hasiera aldean 50.872 biztanle zituen. Lurralde azpisistema honetako biztanle kopurua finko dago populaziogune handietan eta behera doa gainerakoetan, produkzio sareari nekeza zaio egoera berrietara moldatzea eta barneko komunikazioak zailak dira, nahiz eta kanpoaldearekin lotura onak izan. Eskualde honen kohesioa sendoagoa da kulturaren aldetik espazioaren aldetik baino.

Horrenbestez, Lurraldearen Antolamenduko eta Etxebizitzako kontseilariak proposaturik, eta Nafarroako Gobernuak 2011ko maiatzaren 16ko bilkuran hartutako erabakiarekin bat,

DEKRETATU DUT:

  1. artikulua. Nafarroa Atlantikoko Lurraldearen Antolamenduko Plana.

    Nafarroa Atlantikoko Lurraldearen Antolamenduko Plana onesten da eta haren araudia foru dekretu honi eransten zaio argitara eman dadin, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 29.2 artikuluan xedatutakoarekin bat.

    Nafarroa Atlantikoko Lurraldearen Antolamenduko Planeko agiri guztiak eskuragarri daude Lurraldearen Antolamendu eta Etxebizitza Departamentuaren mendeko Planeamendu Erregistroan. Bertara sar daiteke http://siun.navarra.es webgunearen bitartez.

  2. artikulua. Planaren esparrua.

    Lurraldearen antolamenduko plan honen esparruak udal mugape hauek biltzen ditu: Altsasu, Araitz, Arakil, Arano, Arantza, Arbizu, Areso, Arruazu, Bakaiku, Baztan, Beintza-Labaien, Bera, Bertizarana, Betelu, Donamaria, Doneztebe, Elgorriaga, Eratsun, Ergoiena, Etxalar, Etxarri Aranatz, Ezkurra, Goizueta, Igantzi, Irañeta, Irurtzun, Ituren, Iturmendi, Lakuntza, Larraun, Leitza, Lekunberri, Lesaka, Oitz, Olazti, Saldias, Sunbilla, Uharte Arakil, Urdazubi, Urdiain, Urrotz, Ziordia, Zubieta eta Zugarramurdi.

    Lehen xedapen iragankorra.-Hirigintzako planeamendua LAPari egokitzea.

    Lurraldearen Antolamenduko Planean lotesletzat ezarrita dauden lurraldeari buruzko determinazioak zuzenean eta berehala aplikatu behar dira eta tokian tokiko hirigintza planetan aurka egiten dieten aurreikuspenen gainetik daude. Lurraldearen Antolamenduko Planeko gainerako determinazioak lotesleak izanen dira hirigintzako udal planeamenduetan sartuz gero.

    Bigarren xedapen iragankorra.-LAPeko determinazioekiko koherentzia.

    Lurraldearen antolamenduko plan honek indarra hartzen duenean tramitatzen ari den plan, programa edo proiekturen batek eraginik badu haren esparruko lurraldearen antolamenduan eta lurzoruaren erabileran, bera behin betiko onetsi aurretik frogatu egin beharko da bat datorrela lurraldearen antolamenduko plan honen determinazioekin.

    Azken xedapenetako lehena.-Arauak garatzeko gaikuntza.

    Lurraldearen Antolamenduko eta Etxebizitzako kontseilariari ahalmena ematen zaio foru dekretu hau aplikatu eta garatzeko behar diren xedapen guztiak eman ditzan.

    Azken xedapenetako bigarrena.-Indarra hartzea.

    Foru dekretu honek Nafarroako Aldizkari Ofizialean argitaratu eta biharamunean hartuko du indarra.

    Iruñean, 2011ko maiatzaren 16an.-Nafarroako Gobernuko lehendakaria, Miguel Sanz Sesma.-Lurraldearen Antolamenduko eta Etxebizitzako kontseilaria, Amelia Salanueva Murguialday.

    LURRALDEAREN ANTOLAMENDUKO PLANAREN ARAUDIA

    LAP 2: NAFARROA ATLANTIKOA

    1. TITULUA.-XEDAPEN OROKORRAK

    2. KAPITULUA.-XEDEA ETA ESPARRUA

  3. artikulua.-Xedea.

  4. artikulua.-Aplikazio esparrua.

  5. artikulua.-Antolamendurako eremuak bitarteko eskalan: eremuak eta azpieremu funtzionalak.

    1. KAPITULUA.-LAParen EDUKIA ETA ARAU INDARRA

  6. artikulua.-LAPeko agiriak.

  7. artikulua.-LAParen arau indarra.

    1. KAPITULUA.-LAParen INDARRALDIA, BERRIKUSPENA, ALDATZEA ETA EGUNERATZEA

  8. artikulua.-Indarraldia.

  9. artikulua.-LAPa berrikustea eta aldatzea.

  10. artikulua.-LAPa eguneratzea.

    1. KAPITULUA.-LAParen INTERPRETAZIOA ETA JARRAIPENA

  11. artikulua.-LAParen interpretazioa.

  12. artikulua.-LAParen jarraipena.

  13. artikulua.-LAParen jarraipenerako adierazleak.

    1. KAPITULUA.-BETE BEHARRA

  14. artikulua.-Argitalpena.

    1. KAPITULUA.-LURRALDEAREN GOBERNUA

  15. artikulua.-Lurraldearen gobernantzaren printzipioa.

    1. KAPITULUA-LAParen HELBURUAK, PRINTZIPIO GIDARIAK, LURRALDE-GAKO, -ARDATZ ETA -ESTRATEGIAK

  16. artikulua.-Printzipio gidariak eta lurralde-gakoak.

  17. artikulua.-Lurralde-ardatz eta -estrategiak.

    1. KAPITULUA. EKINTZA ILDOAK ETA PROIEKTU ESTRATEGIKOAK

  18. artikulua.-Ekintza ildoak eta proiektu estrategikoak (O).

    1. TITULUA.-LAPeko LURRALDE GARAPENEKO EREDUA (LGE) ZERTAN DEN

  19. artikulua.-Lurralde Garapeneko Eredua (LGE) (PL).

    1. TITULUA.-NATUR ETA KULTUR ONDAREA ANTOLATZEKO ESTRATEGIA

    2. KAPITULUA.-INGURUNE FISIKOA ETA BERTAKO NATUR BALIABIDEAK ANTOLATZEKO ESTRATEGIA

  20. ATALA.-INGURUNE FISIKOA ETA BERTAKO NATUR BALIABIDEAK ARAUTZEKO DETERMINAZIO OROKORRAK

  21. artikulua.-LAP 2 planeko determinazio orokorrak, ingurune fisikoaren eta bertako natur baliabideen babesa dela eta (LL).

  22. artikulua.-Lurzoru urbanizaezina arautzeko irizpide orokorrak (PL).

  23. ATALA.-BABES BEREZIKO EREMUETARAKO IRIZPIDEAK ETA ARAUAK

  24. artikulua.-Babes bereziko eremuak (LL).

  25. artikulua.-Babes bereziko eremuak mugatzeko irizpideak, eta haiek erabiltzeko eta babesteko araubidea (LL).

  26. ATALA.-ARRISKU NATURALAK IZATEAGATIK BABESTU BEHARREKO LURZORU URBANIZAEZINA ERABILTZEKO ETA BABESTEKO IRIZPIDEAK ETA ARAUAK

  27. artikulua.-Arrisku naturalak izateagatik babestu beharreko lurzoru urbanizaezina (LL).

  28. artikulua.-Arrisku naturalak izan ditzaketen eremuak mugatzeko irizpideak, eta haiek erabiltzeko eta babesteko araubidea (O).

  29. ATALA.-GORDE BEHARREKO LURZORU URBANIZAEZINA ERABILTZEKO ETA BABESTEKO IRIZPIDEAK

  30. artikulua.-Gorde beharreko lurzoru urbanizaezina (O).

  31. artikulua.-Gorde beharreko lurzoru urbanizaezinean erabilerak baimentzeko irizpideak (O).

  32. ATALA.-LURZORU URBANIZAEZINEKO JARDUERETARAKO ERABILERAK BAIMENTZEKO IRIZPIDEAK

  33. artikulua.-Lurzoru urbanizaezineko jardueretarako erabilerak baimentzeko irizpideak (O).

  34. artikulua.-Gorde beharreko lurzoru urbanizaezinean familia bakarreko etxebizitza berri bakartuak egiteko irizpideak (LL).

  35. artikulua.-Etxebizitza berriak lurzoru urbanizaezinean, landa auzo tradizionaletan (PL).

    1. KAPITULUA.-PAISAIA ANTOLATZEKO ESTRATEGIA

  36. ATALA.-PAISAIA ANTOLATZEKO HELBURUAK ETA IRIZPIDEAK

  37. artikulua.-Paisaia antolatzeko helburu orokorrak LAP 2 planean (PL).

  38. artikulua.-Paisaia babesteko jarduketa ildoak (PL).

  39. artikulua.-Paisaia aldetik balioa duen lurzoru urbanizaezina.

  40. ATALA.-HIRI PAISAIA

  41. artikulua.-Hiri paisaiaren kontzeptua eta hura babesteko helburuak LAP 2 planean (PL).

  42. artikulua.-Hiri paisaia babesteko irizpideak (O).

    1. KAPITULUA.-KULTUR ONDAREA ANTOLATU ETA BABESTEKO ESTRATEGIA

  43. artikulua.-Kultur ondarea babesteko helburuak eta jarduketa ildoak LAP 2 planean (PL).

  44. artikulua.-Ondare arkitektonikoa eta hiri ondarea babesteko irizpideak (PL).

  45. artikulua.-Ondare arkeologikoa babesteko irizpideak (PL).

  46. artikulua.-LAP 2 planaren esparruan interes kulturaleko beste ondasun batzuk babesteko irizpideak: intereseko ibilbideak (O).

  47. artikulua.-Kultur ondareari lotutako estrategiak (O).

    1. TITULUA.-HIRI SISTEMA ANTOLATZEKO ESTRATEGIA

    2. KAPITULUA.-HELBURU OROKORRAK. LAP 2 PLANEKO HIRI SISTEMAREN EREDUA ETA EGITURA

  48. artikulua.-LAP 2 planeko hiri sistemaren xedeak (PL).

  49. artikulua.-LAP 2 planeko hiri sistemaren eredua eta egitura (PL).

    1. KAPITULUA.-BIZTANLERIA ETA BIZITEGI-GARAPENA

  50. artikulua.-Biztanleriaren gaineko aurreikuspenak eta lurzoruaren eta etxebizitzaren arloko helburu eta irizpideak.

  51. artikulua.-Hiriguneak garatu eta hedatzeko irizpideak eta gomendioak (PL).

    1. KAPITULUA.-EKONOMIA ETA PRODUKZIO SISTEMA

  52. ATALA.-EKONOMIA ETA PRODUKZIO SISTEMAREN HELBURUAK

  53. artikulua.-LAP 2 planeko ekonomia eta produkzio sistemaren helburuak (PL).

  54. ATALA.-LURRALDEAREN GARAPEN EKONOMIKORAKO ESTRATEGIKOAK DIREN SEKTOREAK

  55. artikulua.-Lurraldearen garapen ekonomikorako estrategikoak diren sektoreak (O).

  56. artikulua.-Sektore estrategiko bakoitza non kokatu, lurraldearen egokitasunaren arabera (O).

  57. ...

Para continuar leyendo

Solicita tu prueba

VLEX utiliza cookies de inicio de sesión para aportarte una mejor experiencia de navegación. Si haces click en 'Aceptar' o continúas navegando por esta web consideramos que aceptas nuestra política de cookies. ACEPTAR