605/2008 FORU AGINDUA, azaroaren 24koa, Landa Garapeneko eta Ingurumeneko kontseilariak emana, inbertsioak finantzatzeko kreditu-eragiketei abalorde moduko laguntzak emateko araubidea ezartzen duena, Nafarroako ekonomia suspertzeko 2009-2011 urteetarako neurriei buruzko urriaren 30eko 14/2008 Foru Legearen esparruan.
| Sección | I. Nafarroako Foru Komunitatea |
Nafarroako ekonomia suspertzeko 2009-2011 urteetarako neurriei buruzko urriaren 30eko 18/2008 Foru Legeak, II. kapituluan, baimena ematen dio Nafarroako Gobernuari 30.000.000 euro bitarteko abalak emateko, Nafarroako Ogasun Publikoari buruzko apirilaren 4ko 13/2007 Foru Legearen 75. artikuluan ezarritakoaren babesean, jarduera ekonomikoaren sektore jakin batzuetako inbertsioak finantzatzen laguntzeko.
Batzordearen 1998/2006 EE Erregelamenduak, Itunaren 87. eta 88. artikuluetan ezarritakoa "de minimis" laguntzei aplikatzeari buruzkoak, baimena ematen du haren babesean enpresei berme moduko laguntzak emateko.
Nafarroako Gobernuak, 2008ko azaroaren 24ko Erabakiaren bidez, laguntza hauek banakako ebaluazioko araubidean emateko baimena eman du, Diru-laguntzei buruzko azaroaren 9ko 11/2005 Foru Legearen 17. artikuluan ezarritakoarekin bat. Gainera, Nafarroako ekonomia suspertzeko 2009-2011 urteetarako neurriei buruzko urriaren 30eko 14/2008 Foru Legearen 6.d) artikuluan ezarritakoarekin bat, erabaki du zein diren, Nafarroako ekonomiarentzat duten interes berezia dela-eta, laguntza hauez balia daitezkeen proiektuak.
Ekonomia eta Ogasun kontseilariak, azaroaren 24ko 205/2008 Foru Aginduaren bidez, berme horiek emateko prozedura eta kudeaketa alderdiak finkatu ditu, Nafarroako ekonomia suspertzeko 2009-2011 urteetarako neurriei buruzko urriaren 30eko 14/2008 Foru Legearen 10. artikuluan ezarritakoarekin bat.
Aurreko guztiarekin eta Diru-laguntzei buruzko azaroaren 9ko 11/2005 Foru Legean ezarritakoarekin bat, bidezkoa da inbertsioak finantzatzeko kreditu-eragiketei abal moduko laguntzak emateko oinarri arautzaileak ezartzea.
Horrenbestez, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 g) artikuluak xedatzen duenarekin bat,
AGINDU DUT:
Lehenbiziko oinarria.-Xedea.
-
Foru agindu honen xedea da Nafarroako ekonomia suspertzeko 2009-2011 urteetarako neurriei buruzko urriaren 30eko 14/2008 Foru Legearen babesean inbertsioak finantzatzeko sinatzen diren kreditu-eragiketei berme moduko laguntzak emateko oinarri arautzaileak ezartzea.
-
Laguntza horietan Nafarroako Gobernuak abalordea jarriko du foru agindu honetan ezartzen diren baldintzak betetzen dituzten abal eragiketetan, Sonagar sozietateak izenpetuak badira. Enpresa hori entitate laguntzaile gisa arituko da.
Bigarren oinarria.-Bermea duten eragiketak.
-
Foru agindu honetan araututako laguntzaren xede izan daitezke honelako inbertsioak finantzatzeko...
Para continuar leyendo
Solicita tu prueba