48/2020 FORU DEKRETUA, uztailaren 15ekoa, zeinaren bidez arautzen baitira oinarrizko gizarte zerbitzuen oinarrizko programak eta finantzaketa sistema.
| Sección | I. Nafarroako Foru Komunitatea |
169. ALDIZKARIA - 2020ko uztailaren 31a 1. NAFARROAKO FORU KOMUNITATEA 1.1. XEDAPEN OROKORRAK 1.1.2. Foru Dekretuak 48/2020 FORU DEKRETUA, uztailaren 15ekoa, zeinaren bidez arautzen baitira oinarrizko gizarte zerbitzuen oinarrizko programak eta finantzaketa sistema. ZIOEN AZALPENA
I
Gizarte Zerbitzuei buruzko abenduaren 14ko 15/2006 Foru Legearen xedea da eskubide subjektibo gisa bermatzea Foru Komunitateko herritar guztiek dutela gizarte zerbitzuetako sarbidea, berdintasun, ekitate eta birbanaketa justizia irizpideen arabera.
Foru lege horren 29. artikuluaren arabera, oinarrizko gizarte zerbitzuak oinarrizko unitateak dira gizarte zerbitzuen sistema publikoan, eta toki entitateei dagokie haien titular izatea. Haien jarduna artikulatzen da, gutxienez, Gizarte zerbitzuei buruzko Foru Legearen 31. artikuluan jasotako lau programak ezarriz. Foru lege horren 50. artikuluak aurreikusten du Nafarroako Foru Komunitateko Administrazioak finantzatuko duela, gutxienez, kostuaren %50, eta, orobat, xedatzen du erregelamendu bidez ezarri beharko direla programen parte diren prestazioak, haien kostua zehazteko modua eta oinarrizko gizarte zerbitzuak finantzatzeko irizpideak.
Testuinguru horretan, maiatzaren 22ko 32/2013 Foru Dekretua onetsi zen, oinarrizko gizarte zerbitzuen programen eta finantzaketaren arloan, non zehazten baitzen, alde batetik, zer prestaziok osatzen zituen oinarrizko gizarte zerbitzuen oinarrizko lau programak, nahitaez ezarri behar direnak foru dekretu horretan zehazten dituen baldintzetan, eta, beste aldetik, zer irizpidek finkatzen zuen horien finantzaketa lau puntu nagusitan egituratutako sistema baten bidez: tarte finkoa, oinarri duena toki entitateek gutxieneko lantalde bat izateko betebeharra, lau programak ezar daitezen dekretuak finkatzen zituen populazio estratuen arabera; tarte aldakorra, helburu duena tarte finkoak asetzen ez dituen betebeharrak asetzea; etxeko arretaren udal zerbitzua ematearen kostu osoa ordaintzea bermatuta dutenei; eta bukatzeko, parekatzearen kontzeptua, toki entitateei bermatzen diena aurreko hitzarmenean jasotako finantzaketa, baldin eta irizpide berriak aplikatuta zenbateko berria txikiagoa bada.
Halaber, xedapen gehigarriek diotenez, bi gai erregelamendu bidez garatuko dira geroago: alde batetik, nola kalkulatzen den dependentziaren aitortza ofiziala dutenen etxeko arretaren udal zerbitzuen kostuaren finantzaketa, eta bestetik, nola garatzen diren oinarrizko talde profesionalak. Oraindik ez dira garatu erregelamendu bidez, eta, hortaz, horri heltzen zaio foru dekretu berri honetan.
Maiatzaren 32/2013 Foru Dekretua onetsi zenetik hona, agerian gelditu dira zenbait inkoherentzia aplikatu den finantzaketa sisteman, desberdinkeriak ekarri dituztenak Nafarroako Gobernuaren ekarpena gizarte zerbitzuen eskualde oinarrizkoetan banatzeko sisteman, eta eragotzi dutenak erantzun egokia ematea eskualde oinarrizko bakoitzaren berariazko ezaugarriei.
Tarte horretan egiaztatu da, orobat, oinarrizko gizarte zerbitzuek ez dutela, eskuarki, oinarrizko talde profesionalik, zeinek bide ematen baitiete beren gain hartzeko berme guztiekin bere jardunaren xede diren oinarrizko lau programen garapenean esleitu zaizkien eginkizunak.
Testuinguru horretan, beharrezkoa da araudi berri bat egitea, ahalbidetzen duena Nafarroako Foru Komunitateko lurraldeetan dauden behar sozialei heltzea eta ekitatezko finantzaketa eredu bat edukitzea, gutxienekoak bermatzeko oinarrizko gizarte zerbitzu guztiei, kontuan izanik, aldi berean, eskualde oinarrizko bakoitzeko egoera partikularrak, eragina baitute horiei heltzeko behar diren baliabide motetan eta kopuruetan. Aintzat hartu behar da, gainera, errealitate soziala aldakorra dela eta erantzunak ahalik eta malgutasun handienarekin egokitu behar direla.
Horrenbestez, beharrezkoa izan da eskualde oinarrizko bakoitzeko behar zehatzak neurtu eta haztatzeko sistema berraztertzea, finantzaketa konpentsatu eta orekatzearren ezaugarri demografikoen eta sozioekonomikoen arabera eta oinarrizko gizarte zerbitzuen arreta mailaren arabera, arreta maila handiena duten tokietan eta errealitate sozial ahuleneko tokietan erabil daitezen beharrezko baliabide ekonomikoak.
Era berean, Toki Araubidearen Oinarriak arautzen dituen 7/1985 Legean, zeina aldatu baitzen Toki Administrazioaren arrazionalizazioari eta jasangarritasunari buruzko abenduaren 27ko 27/2013 Legearen bidez, udal guztiei esleitzen zaie, beren eskumen gisa, “premia sozialeko egoerei buruzko ebaluazioa eta informazioa, eta bazterketa sozialeko egoeran edo arriskuan daudenei berehalako arreta ematea”. Araudi horren babesean, toki entitateek neurriak hartu dituzte ziurtatzeko premia sozialak segituan asetzen zaizkiela jarduketaren xedeko herrietan bizi diren familia unitateei, hala behar badute balorazio teknikoaren arabera. Nafarroako Gobernuak, bere aldetik, lagundu du betebehar horretan, 2015etik aurrera laguntzen deialdiak eginez zerbitzu sozialen titular diren toki entitateentzat, bermatu dakien gizarteratzeko prozesuetan eta/edo gizarte larrialdietan berehalako laguntza behar duten herritar guztiei posible izan dezatela egoera zehatz horiei erantzutea. Zehazki, berme hori emateko, ezinbestekoa da jakitea Nafarroako Gobernuak emandako finantzaketatik zati bat helburu horretarako erabiltzen dela; hala, foru dekretu honetan aurreikusten da toki entitateek, zentzu horretan, gutxieneko justifikazio bat egin behar dutela.
Gainera, ezinbestekoa da oinarrizko talde profesionalen egonkortasuna ziurtatzea, sisteman sartuz Drogei eta Adikzioei buruzko Prebentzio Planaren eta Enplegu Sozial Babestuaren Programaren dirulaguntzen urteko deialdien babesean dauden figura profesionalen finantzaketa.
II
Legegintzako teknikaren arrazoiak direla medio, eta aldaketak duen garrantzia kontuan hartuz, maiatzaren 22ko 32/2013 Foru Dekretuaren agindu eta xedapen gehienak ukitzen baititu, egokitzat hartu da foru dekretu berri bat ematea, gaia argitasunez eta koherentziaz erregulatzeko, jakinda ez dela aldaketarik izan oinarrizko gizarte zerbitzuen nahitaezko programen zati orokorren erregulazioan, salbu eta bideragarritasun irizpidea ezartzeko orduan, 3. artikuluko 3. eta 4. apartatuak kentzen baitira; izan ere, bideragarritzat jotzen dira lau programak eskualde oinarrizko guztietan; hortaz, 2. artikuluko azken partea ere kentzen da, 3. eta 4. apartatuetako salbuespenak aurreikusten baitzituen. 1.1 artikuluko azken esaldia ere kentzen da, ulertzen baita ez dela beharrezkoa Nafarroako Gizarte Zerbitzuen Zorroaren aipamena zehaztea, nahitaezko izaera du eta.
Foru dekretu hau 24 artikulutan dago egituraturik, ataletan zatitutako hiru kapitulutan banatuta; gainera, bi xedapen gehigarri ditu, bi xedapen iragankor, xedapen indargabetzaile bakarra, azken xedapen bat eta bi eranskin.
-
eta II. kapituluek, xedapen orokorrek eta oinarrizko gizarte zerbitzuen programek aurreko dekretuko eduki bera dute, 3. artikuluan izan ezik, aipatu bezala.
Foru dekretu honen berritasunik handiena da III. Kapitulua (“Finantzaketa sistema”) osorik aldatzea.
-
kapituluko lehendabiziko atalean, xedapen orokorrak daude finantzaketa sistemari dagokionez, zeina eginen baita Nafarroako Foru Komunitateko Administrazioaren kargura eta Nafarroako oinarrizko gizarte zerbitzuen titular diren toki entitateen kargura, aurrekontuko kontsignatzeen barnean, urte anitzeko hitzarmenen bidez (horietatik, gutxieneko edukia aipatzen da). Aldeek ekitaldi bakoitzean finantzatu beharreko zenbatekoa eranskin batean zehaztuko da.
Bigarren atalean, finantzaketa irizpideak arautzen dira, finantzaketa unitatea zehazten da eta hiru zatitan finkatzen dira Nafarroako Gobernuak finantzatu beharreko oinarrizko gizarte zerbitzuen kostuak: programen egiturazko kostuak, ezaugarri sozialei eta eskualde oinarrizko bakoitzean artatutako jendeari lotutako kostu berariazkoak eta dependentziaren aitortza ofiziala dutenei etxeko arretaren udal zerbitzuetan arreta emateko kostuak; izan ere, dependentziari buruzko Estatuko legediak bermatutako prestazioak dira, programetan sartuta daudenak eta Nafarroako Foru Komunitateko Administrazioak osorik finantzatu beharrekoak.
12. artikulutik 15.era arautzen dira egiturazko kostuak, besteak beste, oinarrizko talde profesionalen kostuak (haien osaera I. eranskina xedatzen da), baita funtzionamendu kostuak eta lurraldean sakabanatuta egoteari lotutako kostuak ere (hura adierazleak zehazten du, foru dekretu honen ondorioetarako).
16. artikuluan, eskualde oinarrizko bakoitzaren bereizgarriei lotutako kostu berariazkoak arautzen dira, eta haiek neurtzeko, adierazleak finkatzen dira, zehazten dituztenak errealitate soziala eta oinarrizko gizarte zerbitzuek artatutako biztanleria. Gainera, adierazle horien sailkapena eta haztapena zehazten dira, baita aplikatu beharreko moduluaren prezioa ere.
Bukatzeko, 17. artikuluan arautzen dira dependentziaren aitortza ofiziala dutenei etxeko arretaren udal zerbitzuetan arreta ematearen ondoriozko kostuak.
Hirugarren atalean, Nafarroako Gobernuari dagozkion kostu finantzagarrien finantzaketa arautzen da. Atal horretan aurreikusten da %50ekoa dela finantzaketa oinarrizko talde profesionalen kostu zenbatetsirako, %80koa jarduketa bereziko eskualdeen kasuan, eta %100ekoa, berriz, funtzionamenduaren eta sakabanaketaren kostu zenbatetsietan, berariazko kostuetan eta dependentziaren aitortza ofiziala dutenei etxeko arretaren udal zerbitzuen bidez ematen zaien arretarenean.
Bukatzeko, laugarren atalean arautzen dira Nafarroako Gobernuari dagokion finantzaketaren ordainketari buruzko xedapenak eta gastu finantzagarrien justifikazioa.
Berritasun gisa, ezartzen da bi pagatan ordainduko dela Nafarroako Gobernuaren kargurako finantzaketa: lehendabizikoa, aurreko urtean finantzatutako zenbateko osoaren %50ekoa, lehendabiziko hiruhilekoan ordaintzekoa, eta bigarrena, bi hilabeteko epean, hitzarmenari erantsitako agiria bi alderdiek sinatu ondoan, non zehaztuko baita ekitaldi ekonomiko horri dagokion finantzaketa.
Beharrezko...
Para continuar leyendo
Solicita tu prueba