14/2018 FORU LEGEA, ekainaren 18koa, Hondakinei eta haien Fiskalitateari buruzkoa.

SecciónI. Nafarroako Foru Komunitatea

NAFARROAKO FORU KOMUNITATEKO LEHENDAKARIA NAIZEN HONEK.

Aditzera ematen dut Nafarroako Parlamentuak onetsi duela honako:

HONDAKINEI ETA HAIEN FISKALITATEARI BURUZKO FORU LEGEA.

AURKIBIDEA

ATARIKOA.

  1. TITULUA.–Xedapen orokorrak.

    1. artikulua. Xedea.

    2. artikulua. Aplikazio eremua.

    3. artikulua. Hondakinen politikaren printzipioak.

  2. TITULUA.–Hondakinen arloko eskumenak eta plangintza.

  3. KAPITULUA.–Hondakinen arloko eskumenak eta administrazioen arteko lankidetza eta koordinazioa.

    1. artikulua. Hondakinen arloko eskumenak eta administrazio arteko lankidetza eta koordinazioa.

    2. artikulua. Administrazioen arteko lankidetza eta koordinazioa.

  4. KAPITULUA.–Hondakinen arloko plangintza.

    1. artikulua. Hondakinen arloko plangintzaren printzipioak.

    2. artikulua. Nafarroako Foru Komunitateko Administrazioaren plangintza.

    3. artikulua. Nafarroako Hondakinen Plana.

    4. artikulua. Nafarroako Hondakinen Plana onesteko prozedura.

    5. artikulua. Nafarroako Hondakinen Plana prestatzeko prozeduran parte hartzea.

    6. artikulua. Nafarroako Hondakinen Planaren berrikuspena.

    7. artikulua. Nafarroako Hondakinen Planaren indarraldia.

    8. artikulua. Nafarroako Hondakinen Planaren kontrola eta jarraipena.

    9. artikulua. Hondakinen plan lokalak.

  5. TITULUA.–Nafarroako Hondakinen Erakunde Publikoa.

    1. artikulua. Izaera eta osaera.

    2. artikulua. Eginkizunak.

    3. artikulua. Baliabideak eta ondasunak.

  6. TITULUA.–Hondakinen prebentziorako eta haiek kudeatzeko neurriak.

    1. artikulua. Hondakinen Prebentziorako eta Ekonomia Zirkularra Sustatzeko Bulegoa.

    2. artikulua. Erosketa publiko berdea.

    3. artikulua. Etxeko eta merkataritzako materia organikoaren gaikako bilketa.

    4. artikulua. Gaikako bilketa eta berrerabilpenerako eta birziklapenerako prestaketa.

    5. artikulua. Etxeko eta merkataritzako hondakinen isurketa.

    6. artikulua. Plastikozko poltsen erabilera eta erabilera bakarreko baxeraren salmenta.

    7. artikulua. Ontzien prebentziorako eta hondakinak kudeatzeko neurriak eraikin publikoetan.

    8. artikulua. Eraikinetan hondakinak kudeatzeko planak.

    9. artikulua. Beste kudeaketa sistema batzuk.

    10. artikulua. Ikuskizun publikoak.

    11. artikulua. Sentsibilizazio, laguntza eta informazio kanpainak.

  7. TITULUA.–Hondakinen araubide ekonomikoa Nafarroan.

  8. KAPITULUA.–Hondakinak erraustearen eta hondakindegietan ezabatzearen gaineko zerga.

    1. artikulua. Zergaren ezarpena.

    2. artikulua. Izaera, helburua eta definizioak.

    3. artikulua. Diru-sarreren lotura.

    4. artikulua. Zerga-egitatea.

    5. artikulua. Salbuespenak.

    6. artikulua. Subjektu pasiboa: zergadunak eta ordezkoak.

    7. artikulua. Sortzapena.

    8. artikulua. Zerga-oinarria.

    9. artikulua. Karga-tasa eta zerga-kuota.

    10. artikulua. Zergaren kudeaketa.

    11. artikulua. Arau-hausteak eta zehapenak.

  9. KAPITULUA.–Instalazioen eta jardueren finantza-bermeak.

    1. artikulua. Finantza-bermeak itzultzea jarduera uzten denean.

    2. artikulua. Egoera lehengoratzeko edo berriz ezartzeko prozedura.

  10. KAPITULUA.–Hondakinen Funtsa.

    1. artikulua. Hondakinen Funtsa.

    2. artikulua. Hondakinen Funtsaren xedea.

  11. TITULUA.–Nafarroako hondakinen ekoizpenaren eta kudeaketaren erregistroa.

    1. artikulua. Sorrera.

    2. artikulua. Inskribatu beharra.

    3. artikulua. Idazpen motak.

    4. artikulua. Ondorioak.

    5. artikulua. Publizitatea.

  12. TITULUA.–Hondakinen garraioa.

    1. artikulua. Nafarroaren barruan garraioak egiteko araubidea.

    2. artikulua. Trazabilitatearen gaineko betebehar orokorrak.

    3. artikulua. Hondakinen isurketarako eta errausketarako instalazioen kontrola.

    4. artikulua. Tramitazio estandarizatua.

  13. TITULUA.–Lurzoru kutsatuak eta hondatuak.

    1. artikulua. Lurzoru kutsatuak eta lurzoru hondatuak.

    2. artikulua. Lurzoruaren kalitateari buruzko deklarazioa egiteko prozedurak.

    3. artikulua. Lurzoruaren kutsadurari lotutako zerrendak eta inbentarioak, jendeak kontsultatu ahal izateko.

    4. artikulua. Hondakindegi izandako lurrak.

    5. artikulua. Erreferentziazko maila generikoak.

  14. TITULUA.–Ingurumen legezkotasuna lehengoratzea.

    1. artikulua. Jarduerak legeztatzea.

    2. artikulua. Kautela- eta etete-neurriak.

    3. artikulua. Neurri zuzentzaileak nahitaez betearaztea.

    4. artikulua. Egoera hondatua lehengoratu beharra.

    5. artikulua. Egoera lehengoratu eta kalte-ordaina ordaindu beharra ezartzeko prozedura.

    6. artikulua. Ingurumen-kalteak.

    7. artikulua. Hertsapen-isunak eta betearazpen subsidiarioa.

  15. TITULUA.–Zehapen araubidea.

  16. KAPITULUA.–Subjektu erantzuleak.

    1. artikulua. Arau-hausteen subjektu erantzuleak.

  17. KAPITULUA.–Arau-hausteak eta zehapenak.

    1. artikulua. Hondakinen arloko arau-hausteak.

    2. artikulua. Hondakinen arloko zehapenak.

    3. artikulua. Arau-hausteen eta zehapenen preskripzioa.

    4. artikulua. Zehapenak pilatzea.

    5. artikulua. Zehapenen mailaketa.

    6. artikulua. Zehapenaren murrizketa.

    7. artikulua. Ordezko ingurumen-prestazioa.

    8. artikulua. Hondakinen arloko zehapenen lotura.

    9. artikulua. Zehapenen publizitatea eta Arau-hausleen Erregistroa.

  18. KAPITULUA.–Zehapen-prozedura.

    1. artikulua. Prozedura.

    2. artikulua. Prozedura iraungitzea.

    3. artikulua. Zehatzeko ahalmena.

    4. artikulua. Organo eskudunak.

    LEHENENGO XEDAPEN GEHIGARRIA.–Nafarroako Hondakinen 2017-2027 Plana.

    BIGARREN XEDAPEN GEHIGARRIA.–Nafarroako Hondakin Planaren edukia.

    HIRUGARREN XEDAPEN GEHIGARRIA.–Foru lege honen helburuak betetzeko behar diren baliabideen zuzkidura.

    LAUGARREN XEDAPEN GEHIGARRIA.–Azterlan teknikoak, demostrazio-esperientziak eta GIIS (gordailu, itzulketa eta itzulera sistema) proiektu pilotuak egitea, Nafarroako Ingurumen Kontseiluaren eta zuzenean nahiz zeharka ukitutako alde guztien parte-hartze aktiboarekin.

    BOSGARREN XEDAPEN GEHIGARRIA.–Hondakinen kudeaketarako azpiegitura edo instalazioak dituzten udalerriei eman beharreko kalte-ordaina.

    SEIGARREN XEDAPEN GEHIGARRIA.–Hondakin mineralak, granularrak eta monolitikoak erabiltzea lehengoratze operazioetarako.

    ZAZPIGARREN XEDAPEN GEHIGARRIA.–Etxeko hondakinen kudeaketan ezinbestez bete beharreko autosufizientziaren eta hurbiltasunaren printzipioak aplikatzea.

    ZORTZIGARREN XEDAPEN GEHIGARRIA.–Hondakinak hondakindegian ezabatzearen eta erraustearen gaineko zerga aplikatzea foru lege honetako etxeko hondakinen eta hondakin industrialen fluxurako.

    LEHENENGO XEDAPEN IRAGANKORRA.–Nafarroako Hondakinen Erakunde Publikoa sortzea eta Nafarroako Hondakin Solidoen Tratamendurako Partzuergoa desegitea.

    BIGARREN XEDAPEN IRAGANKORRA.–Toki entitateetako ordenantzak.

    XEDAPEN INDARGABETZAILE BAKARRA.–Arauak indargabetzea.

    AZKEN XEDAPENETAN LEHENENGOA.–Araugintza-garapena.

    AZKEN XEDAPENETAN BIGARRENA.–Indarra hartzea.

    ATARIKOA

    I

    Ingurumen arloko Ekintza Komunitarioaren Seigarren Programak hondakinen arloan dauden arauak berrikusteko gomendioa egiten du, ongi bereizteko zer den hondakina eta zer ez, eta hondakinen sorrerari aurrea hartzeko eta hondakinak egoki kudeatzeko neurriak har daitezela sustatzeko.

    Ildo horretan onetsi zen Parlamentuaren eta Kontseiluaren 2008ko azaroaren 19ko 2008/98/EE Zuzentaraua, Hondakinei buruzko Esparru-zuzentaraua deiturikoa, prebentziorako eta birziklapenerako politikak jasotzeaz gainera hondakinen arloan hierarkia berri bat ezartzen duena.

    Uztailaren 28ko 22/2011 Legeak, hondakinei eta lurzoru kutsatuei buruzkoak, Espainiako antolamendu juridikora ekarri du Hondakinei buruzko Esparru-zuzentarau hori. Lege horretan, hondakinen arloko politikarako zenbait tresna ezarri dira, konparazio batera, hondakinen prebentzio programak eta kudeaketa planak, zeinak administrazio publikoek prestatuko baitituzte, nork bere eskumen esparruaren barruan.

    Nafarroako Gobernuak, 2016ko abenduaren 14an hartutako Erabakiaren bidez, Nafarroako Hondakinen 2017-2027 Plana onetsi zuen, 2016ko abenduaren 23ko 246. Nafarroako Aldizkari Ofizialean argitaratu zena.

    Nafarroako Hondakinen 2017-2027 Plana da hurrengo urteetan hondakinen prebentzioaren eta kudeaketaren arloan Nafarroako Foru Komunitatean jorratuko den politikaren oinarrizko tresna. Gainera, Nafarroako Foru Komunitatean 2017-2027 aldian sortu eta kudeatuko diren hondakinentzako Kudeaketa Plana eta Prebentzio Programa jasotzen ditu, eta bat egiten du gobernamendua eta ekonomia zirkularra kontzeptuekin.

    Nafarroako Hondakinen 2017-2027 Planaren arabera, nafar biztanleria erreferentziazko gizartea da baliabideen erabilerari eta hondakinen minimizazioari dagokienez, eta kontzeptu horiek funtsezkoak dira ekonomia zirkularreranzko trantsizio prozesuan.

    Nafarroako Hondakinen 2017-2027 Planaren helburuak lortzeko jasotzen diren neurri eta ekintzen artean, hondakinei buruzko foru lege baten proiektua prestatzea dago. Foru lege horretan, kudeaketarako antolaketa-neurriak eta baliabide ekonomikoak aurreikusi beharko dira ekonomia zirkularra eta aldaketa klimatikoaren kontrako borroka sustatzeko.

    Horiek horrela, honatx zer dioen Batzordeak Europako Parlamentuari, Kontseiluari, Europako Batzorde Ekonomiko eta Sozialari eta Herrialdeen Batzordeari 2017ko urtarrilaren 26an igorritako txostenak (ekonomia zirkularrerako ekintza planaren aplikazioari buruzkoa da txosten hori): “hurrengo urteetan, ekonomia zirkularra europar biztanle guztien onerako gauzatuko bada, funtsezkoa da ekonomia zirkularrari buruzko neurri multzoak eragindako abiada hori eta maila guztietako ekintzak mantentzea. Ekintza plana koherentziaz aplikatzea eta hondakinei eta ongarriei buruzko legegintzako proposamenak azkar onestea lagungarria izanen da inbertsiogileei orientabide argiak emateko eta trantsizio prozesua sostengatzeko”.

    Nafarroako Hondakinei buruzko 2017-2027 Planean behin baino gehiagotan aipatzen da hondakinei buruzko foru lege bat onetsi beharra dagoela helburu hauekin: pizgarriak edo penalizazioak ezartzea gaika biltzen den materia organikoaren kalitatearen eta kantitatearen arabera; biohondakinen gaikako bilketaren unibertsalizazioa sustatzea, kalitatezko gaikako bilketa faboratuz eta isurketak baztertuz, eta, horren ondorioz, hobariak edo penalizazioak ezartzeko, hondakin desegokiak nolakoak diren; ingurumen arloko fiskalitatean aurrera egitea, lehenbizi eta behin, hondakinen isurketa, eta gero, hondakinen errausketa sustatu gabe...

Para continuar leyendo

Solicita tu prueba

VLEX utiliza cookies de inicio de sesión para aportarte una mejor experiencia de navegación. Si haces click en 'Aceptar' o continúas navegando por esta web consideramos que aceptas nuestra política de cookies. ACEPTAR