111/2014 FORU DEKRETUA, azaroaren 26koa, Nafarroako Foru Komunitatean adopziorako prozedura administratiboa arautzen duena.

SecciónI. Nafarroako Foru Komunitatea

INDIZEA

ZIOEN AZALPENA

  1. KAPITULUA

    Xedapen orokorrak

    1. artikulua. Xedea.

    2. artikulua. Aplikazio eremua.

    3. artikulua. Jarduteko irizpideak.

    4. artikulua. Artxibo eta erregistroetan sarbidea izatea.

    5. artikulua. Erakundeen lankidetza.

  2. KAPITULUA

    Adoptatzaileen egokitasuna

    1. artikulua. Metodologia.

    2. artikulua. Egokitasun baldintzak.

    3. artikulua. Egokitasuna baloratzeko irizpideak.

    4. artikulua. Egokitasun deklarazioa baliogabetzea.

    5. artikulua. Egokitasun deklarazioaren indarraldia eta eguneratzea.

    6. artikulua. Egokitasunaren balorazioa bigarren eta ondorengo adopzioetarako.

  3. KAPITULUA

    Adopziorako prozedura

    1. ATALA

      Nazio barneko adopzioari zein nazioarteko adopzioari aplikatzen zaizkien xedapen komunak

    2. artikulua. Informazioa eta prestakuntza.

    3. artikulua. Nazio barneko eta nazioarteko adopziorako prozeduraren hasiera.

    4. artikulua. Adopziorako eskaintzetan eskatzen den dokumentazioa.

    5. artikulua. Egokitasuna baloratzeko eskaeretan aurkeztu beharreko dokumentazioa.

    6. artikulua. Eskaintza ez onartzeko inguruabarrak.

    7. artikulua. Eskaintza baztertzea.

    8. artikulua. Nafarroako Adopzioen Erregistroan inskribatzea.

    9. artikulua. Balorazioa.

    10. artikulua. Hurrenkera.

    11. artikulua. Eskaintzaren baliozko epea.

    12. artikulua. Egokitasunaren deklarazioa.

    13. artikulua. Adopzio prozeduraren bukaera.

    14. artikulua. Bigarren adopzioa eta hurrengoak.

    15. artikulua. Tramitazio bikoitzeko kasuak.

    16. ATALA

      Nazio barneko adopzioaren prozedura

    17. artikulua. Egokitasun deklarazioa eskatzea.

    18. artikulua. Prozeduraren instrukzioa.

    19. artikulua. Espedientea geroratzea.

    20. artikulua. Ebazpena.

    21. artikulua. Adoptatzaileen hautaketa.

    22. artikulua. Adopzioaren aurreko bizikidetzaren jarraipena eta ebaluazioa.

    23. artikulua. Adoptatzeko proposamena.

    24. artikulua. Adopzioaren ondorengo jarduketak.

    25. ATALA

      Nazioarteko adopzioaren prozedura

    26. artikulua. Hasiera.

    27. artikulua. Eskaera ez onartzeko zergatikoak.

    28. artikulua. Prozeduraren instrukzioa, etetea eta ebaztea.

    29. artikulua. Adingabeen aurresleipenak.

    30. artikulua. Adopzioaren ondorengo jarraipena.

    31. artikulua. Aldi bereko tramitazioak.

    32. artikulua. Adopzioaren ondorioak aldi berean tramitatzen diren prozeduretan.

  4. KAPITULUA

    Nafarroako Adopzioen Erregistroa

    1. artikulua. Aplikazio eremua.

    2. artikulua. Erregistroko datuen isilpekotasuna.

    3. artikulua. Erregistroaren egitura.

    4. artikulua. Inskribatzeko modua eta inskripzioaren ondorioak.

    5. artikulua. Ofizialtasuna eta datuen tratamendu automatizatua.

    6. artikulua. Inskripzioak deuseztatzea.

  5. KAPITULUA

    Pertsona adoptatuek norberaren jatorriaren berri izateko eskubidea erabiltzeko aholkularitzako eta laguntzako jarduketa profesionalak

    1. ATALA

      Xedapen orokorrak

    2. artikulua. Norberaren jatorriaren berri izateko eskubidea erabiltzeko erraztasunak ematea.

    3. artikulua. Interesdun diren pertsona adoptatuak.

    4. artikulua. Beste interesdun batzuk.

    5. artikulua. Erregistroko idatzoharrak.

    6. artikulua. Administrazio espedientean informazioa erregistratzea.

    7. ATALA

      Aholkularitzako eta laguntzako jarduketak

    8. artikulua. Aholkularitzako eta laguntzako jarduera.

    9. artikulua. Aurretiko informazioa eta orientazioa.

    10. artikulua. Informazioaren berri ematea.

    11. artikulua. Familia biologikoko kideei aurretik informazioa eta orientazioa ematea.

      Xedapen gehigarri bakarra.–Nafarroako Adopzioen Erregistroa eguneratzea.

      Azken xedapenetan lehena.–Garatzeko gaikuntza.

      Azken xedapenetan bigarrena.–Indarra hartzea.

      ZIOEN AZALPENA

      1

      2005eko abenduaren 14an Haurrentzako eta Nerabeentzako Sustapenari, Laguntzari eta Babesari buruzko abenduaren 5eko 15/2005 Foru Legea argitaratu zen Nafarroako Aldizkari Ofizialean, eta argitaratu zenetik hogei egunera indarra hartu zuen.

      Foru lege horren azken xedapenetan hirugarrenak ezartzen duenez, Nafarroako Gobernuak behar diren xedapenak emanen ditu foru legea garatu eta betearazteko. Foru lege horren lehenengo erregelamenduzko garapena urtarrilaren 19ko 7/2009 Foru Dekretuaren bidez onetsi zen. Haren ondotik, honako foru dekretu hau da foru legearen bigarren erregelamenduzko garapena. Foru dekretu honen ardatza adopzioen aurreko prozedura administratiboak arautzea da, hala nazio barneko adopzioenak nola nazioarteko adopzioenak; izan ere, adopzioa adingabeen babeserako instituziorik esanguratsu eta garrantzitsuenetako bat da.

      Aipatutako foru legeari hiru aldaketa egin zaizkio azkeneko urteotan: lehenbizikoa, azaroaren 8ko 18/2010 Foru Legearen bidez. Horren ondorioz, aldaketa esanguratsu batzuk ezarri ziren adopzioaren arloan, batez ere egokitasun deklarazioaren eskaera ontzat hartu dela ondorioztatzeko epeari dagokionez, salbuespenezko kasuetan nazioarteko adopziora jotzeko baimenari dagokionez eta adopzio espedienteak bi herrialde ezberdinetan aldi berean tramitatzeari dagokionez. Bigarren aldaketa martxoaren 20ko 13/2013 Foru Legearen bidez egin zitzaion, 75. artikulua aldatu baitzuen. Horren ondorioz, seme-alabarik gabeko familiei kendu zitzaien zero urtetik bi urte bitarteko adingabeak nazio barnean adoptatzeko zeukaten lehentasuna. Azkeneko aldaketa martxoaren 14ko 3/2014 Foru Legearen bidez egin da, eta horren bidez martxoaren 20ko 13/2013 Foru Legea aldatu da, hots, Haurrentzako eta Nerabeentzako Sustapenari, Laguntzari eta Babesari buruzko abenduaren 5eko 15/2005 Foru Legea aldatu zuena.

      2

      Foru dekretu honek bost kapitulu, xedapen gehigarri bat eta azken bi xedapen ditu.

  6. kapituluan xedapen orokorrak biltzen dira, erregelamenduaren xedeari eta aplikazio eremuari buruzkoak. Adopzio prozeduretan administrazioaren jarduera gidatuko duten irizpideak ere zehazten dira. Adingabearen interes nagusiari, haren eskubideei eta beharrei erabateko lehentasuna ematen zaie, tartean egon daitekeen beste edozein interesen gainetik. Adingabearen interes nagusiaren lehentasun horrek legedi osoan du eragina, eta justifikazioa ere ematen dio legediari berari. Izan ere, funtsezko xedea adingabea babestea da, eta, horregatik, Administrazioa behartzen du bere jardueran interes hori ezeren gainetik kontuan hartzera, eta, tartean beste eskubide edo interes legitimoren bat egonez gero, hari lehentasuna ematera.

    Ez da ahaztu behar adopzioa, nazio barnekoa zein nazioartekoa, adingabeak babesteko neurri bat dela, eta beraz, haiei on egiteko ezarri dela, eta adingabeari haren garapen osorako familia egokia ematea duela helburu, familia horretan txertatuz. Alde horretatik, beraz, juridikoki errebokaezina den lotura sortzen da.

    3

  7. kapituluan adopziorako eskaintzen diren pertsonen egokitasuna aztertzen da. Pertsonen egokitasunak behar bezala bermatzen du adingabearen premiei erantzuteko eta, beraz, ingurune egonkor eta segurua eskaintzeko gaitasuna dutela, adingabeek garapen integralerako aukera izan dezaten. Horretarako, balorazio psikosoziala eginen da, adopzioa eskatzen duten pertsonena ez ezik adingabea garatuko deneko ingurunearena ere bai, horrela familia gunean eta ingurunean integratuko dela bermatzeko.

    Adingabeak adoptatuko dituzten pertsonen egokitasuna behar bezala baloratzeko, bete behar diren gutxieneko eskakizun batzuk ezarri dira. Gardentasunaren eta objektibotasunaren mesedetan, Nafarroako Foru Komunitateko Administrazioak egokitasun hori deklaratzeko kontuan hartu behar dituen irizpideak finkatu dira.

    Egokitasun deklarazioak gehienez ere hiru urteko indarraldia du, eta epe hori bukatu baino lehen eguneratu behar da. Egokitasun hori alda dezaketen inguruabarrak agertuz gero ere eguneratu beharko da egokitasun deklarazioa. Hortaz, eskatzaileek haien egoera pertsonalean eta familia-egoeran gertatzen diren aldaketen berri eman beharko diote Nafarroako Foru Komunitateko Administrazioari.

    Azkenik, bigarren adopzioaren eta hurrengoen kasuan, egindako azterlana eta balorazioa eguneratuko dira. Nolanahi ere, urtebete igaro beharko da familiaren bizilekuan seme edo alaba biologiko edo adoptatua sartzen denetik bigarren adopzioa eta hurrengoak eskatu arte, adingabeak adopziozko familian moldatzeko eta integratzeko espazio egokia bermatuta izan dezan.

    4

  8. kapituluak adopzioaren aurreko prozedura administratiboa arautzen du, eta hiru ataletan banatzen da: lehenbizikoan, nazio barneko adopziorako eta nazioarteko adopziorako komunak diren xedapenak jasotzen dira; bigarrenean, nazio barneko adopzioaren aurreko prozedura arautzen da; eta hirugarrenean, nazioarteko adopzioaren aurreko prozedura.

    Xedapen komunetan, adoptatzeko eskaintza aurkeztu aurretik Administrazioak antolatu behar dituen doako informazio eta prestakuntza bileretara joatea eskatzen da. Halaber, adoptatzeko eskaintzarekin batera aurkeztu behar diren gutxieneko dokumentuak ezartzen dira. Eskaintza ez onartzea eta ukatzea dakarten inguruabarrak azaltzen dira. Eskaintza eta eskatzen den dokumentazio guztia aurkeztu ondoren, eskaintza Nafarroako Adopzioen Erregistroan inskribatuko da.

    Eskaintza onartu ondoren, adoptatzeko interesa duten pertsonen egokitasuna baloratuko da. Horren ondorioz, egokitasunaren edo desegokitasunaren ebazpena emanen da, eta, espedienteak tramitatzeko orduan, eskaintzak Nafarroako Adopzioen Erregistroan sartzen diren hurrenkerari hertsiki jarraitzeko agintzen da, salbu eta ezaugarri bereziak dituzten adingabeak adoptatzeko eskaintzen kasuan edo anai-arrebak familia bakar batean mantenu behar direnean. Eskaintzaren baliozko epea bost urtekoa da, eta epe hori igaro ondoren eguneratu beharko da. Epe horrek ez du zerikusirik egokitasun-ziurtagiriaren indarraldiarekin.

    Kapitulu honen bigarren atalean nazio barneko adopzioaren prozedura administratiboaren tramitazioari buruzko berezitasunak azaltzen dira. Administrazioak Nafarroako Adopzioen Erregistroan inskribatuta dauden eskaintzaileetatik gutxienez hamar eduki beharko ditu egokitzat baloratuta adingabeen profil bakoitzerako, betiere eskaeren kopuruak gutxieneko kopuru hori mantentzeko aukera ematen badu. Arauak ematen dira, orobat, prozeduraren instrukziorako eta prozedura eteteko, adopzioaren aurreko bizikidetzaren jarraipenerako eta ebaluaziorako, adoptatzeko proposamenerako eta, azkenik, adopzioaren ondorengo...

Para continuar leyendo

Solicita tu prueba

VLEX utiliza cookies de inicio de sesión para aportarte una mejor experiencia de navegación. Si haces click en 'Aceptar' o continúas navegando por esta web consideramos que aceptas nuestra política de cookies. ACEPTAR